خط تعبئة السوائل والسوائل اللزجة من شركة المهندس منسي
العميل : سلام عليكم
مهندس منسي : وعليكم السلام ورحمة الله وبركاته
العميل : شركة المنسي
مهندس منسي : أيوه
العميل : 10 جم أكياس صغيرة
مهندس منسي : آه.. ال إيه
العميل : الأكياس الصغيرة هاي موجودة عندكم
مهندس منسي : إن شاء الله
العميل : في شفت كمان في كيس زبوقة عندكم
مهندس منسي : آه الكيس الزنبوقة ده مكنة لوحده، أما الكيس اللي هوه العادي ده مكنة تانية
العميل : آه الكيس الزنبوقة بيجي يعني كل كيس لوحده ولا بيجي رول ولا كيف
مهندس منسي : الأكياس الزنبوقة ديت اللي هي بتبقى بحلق وغطا دي بتبقى أكياس لوحدها بتعبى يا إما نص أتوماتيك يا إما أتوماتيك
العميل : آه في منها أتوماتيك
مهندس منسي : إن شاء الله
العميل : آه.. طب كام سعر الماكينة ديت؟
مهندس منسي : المكنة النص أتوماتيك بتعمل
العميل : ، والأتوماتيك؟
مهندس منسي : المكنة الأتوماتيك أنا معيش سعرها دلوقتي ممكن حضرتك تبعتلنا طلب استفسار على الإيميل وهمه يردوا عليك، إنما اللي أنا أعرفه اللي هي النص أتوماتيك
العميل : طيب ماكينة الكاتشب أو السوائل اللزجة بشكل عام أو الزيت زيت الزيتون في منها خطوط عندكم ولا هوه خط واحد
مهندس منسي : لا هوه بص هوه الخط الواحد أثبت فاعليته وأثبت جودته عشان خدمة ما بعد البيع والصيانة، أما العدد من الخطوط مشاكلها كتير، ولو جيت بصيت للإنتاجية والسعر هتلاقي إن إنت لو جبت خط جنب خط جنب خط أحسن، فهمتها
العميل : آه.. يعني ماكينة 4 خطوط مثلاً
مهندس منسي : يعني مثلاً ماكينة 4 خطوط النهاردة بتعملها كام؟ بتعملها مثلاً في حدود 2، لو إحنا جنبنا خط واحد الخط الواحد بتعملها ، طب لو عملت في 4 يبقى حوالي 16000 ولا 17000 ، بقت أرخص وفي نفس الوقت أسهل في التشغيل
العميل : بس الإنتاجية عالية بتكون بالأربع خطوط مثلاً
مهندس منسي : ماشي على عيني وعلى راسي، ما إنت جيبت أربع ماكينات هينتجوا لك نفس الإنتاجية ويمكن أعلى
العميل : آه…
مهندس منسي : ما هي الحسبة إزاي، إنت بتجيب مكنة المكنة دي بتعملها مثلاً ساي 27000، 2، طب إنت جيبت 4 ماكينات، الأربع ماكينات دول أرخص، الأربع ماكينات المكنة الواحدة عامله 4500 × 4 بـ 17000 أو 17 وشوية،
العميل : طيب الإنتاجية بتاعت الأربعة أد إنتاجية الواحدة،
مهندس منسي : لأ أعلى من إنتاجية الواحدة.
مهندس منسي : سهولة التشغيل وسهولة الصيانة اللي هي في الخط الواحد أفضل، طيب لو عطلت المكنة اللي هي الأربع خطوط المكنة كلها بتعطل، إنما لو المكن اللي هوه الخط الواحد لو عطل واحدة بس اللي بتعطل والتلاتة شغالين مشغلينك عشان تقدر تلحق أوردراتك
العميل : آه…
مهندس منسي : فهمتني ولا ما فهمتنيش، الفنيين العرب تعبانين يعني ضعاف مش أقوياء.
العميل : مضبوط
مهندس منسي : يعني هنا دور على المكن اللي يشغلك السهل البسيط
العميل : إنتم الماكينات صناعتكم ولا صيني
مهندس منسي : إحنا تصميم والديزاين بتاعنا، أما بالنسبة لقطع الغيار بنعملها وات إيفر، أي كان البلد، وبعد كده بنجمعها
العميل : آه..
مهندس منسي : يعني إحنا مش بنصنع المكنة كاملة عندنا في مصر، إحنا بنصنع 75% من المكنة بره مصر وبعد كده بنجيبها نجمعها جوه مصر
ونكمل عليها في حدود 25% 30%، فالتصميم بتاعنا إحنا والديزاين بتاعنا
العميل : يعني مش شغلكم هون، الماكينة مش كلها شغلكم هون يعني؟
مهندس منسي : ما هوه يا حبيب قلبي افهمني، هوه شركة سامسونج مثلاً…
العميل : يعني…
مهندس منسي : شركة سامسونج مثلاً هي اللي بتصنع كل حاجة بإيدها، في الآخر بتعمل مكونات والمكونات ديت في الآخر بتجمعها، وشركة إتش بي، كل الشركات ده نظام عالمي جديد، إن هوه الناس دي، يعني مثلاً لما بنيجي نعمل البوردة فبنشوف أحسن بلد تفوقت في البرد إيه.
العميل : آه…
مهندس منسي : فبنجيب البرد من أحسن بلد تفوق في البرد
العميل : آه…
مهندس منسي : لما آجي أجيب ممكن نصنعه عندنا أو ممكن نجيبه من عند غيرنا، طب عند غيرنا تفوق علينا فيه نجيب من عنده، فإحنا في الآخر بندور إن إحنا نصنع الحاجة اللي تخدم العميل بتاعنا وتخلي العميل بتاعنا يعني مبسوط من المكنة بتاعتنا بحيث لأن إحنا ماركة مش تجار
العميل : آه…
مهندس منسي : يعني لو تجار نروح نشتري مكنة من الصين وتنينا جاين نبيعها، إحنا ماركة براند عالمي
العميل : آه.. آه… طب المكونات خارج البلد اللي هوه الصين صح؟
مهندس منسي : نعم
العميل : التعامل خارج البلد الصين أقصد
مهندس منسي : الصين وتايوان وهونج كونج وبنجلادش وبلغاريا، جايبين حاجات من بلغاريا، وجايبين حاجات من إيطاليا
العميل : من إيطاليا كمان..
مهندس منسي : آه.. آه.. في قطعة ممكن نجيبها من إيطاليا، أصل هوه الفرق دلوقتي إيه لو أنا عندي قطعة دلوقتي وعايز أعملها ما هوه عادي لو عملتها في إيطاليا هيزيد عليها السعر كلام فاضي حاجة بسيطة بس في الآخر الجودة بتاعتها هتبقى أفضل خلاص نعملها في إيطاليا إيه المانع.. فهمتني
العميل : طب بالنسبة للكيس الزنبوقة بينحط فيه 10 جم أو 9 جم
مهندس منسي : براحتك ما هوه إنت اللي بتفصل الكيس بتقولي اعملي كيس مقاس كذا × كذا، أنا بعملك الكيس على مقاسك إنت وتصميمك إنت يعني التصميم بتاعك أنا باخده وببدأ أفصلك الكيس على مقاسك إنت وعلى تصميمك إنت
العميل : يعني في عندك ماكينة جاهزة
مهندس منسي : في عندي مكاين جاهزة آه
العميل : مكاين جاهزة للزنبوقة
مهندس منسي : إن شاء الله
العميل : كيس اللي هي 10جم….
مهندس منسي : ولا يهمك ماشي
العميل : وين عنوانكم إنتم
مهندس منسي : إحنا في القاهرة
العميل : وين بالقاهرة بعيد من ميدان رمسيس
مهندس منسي : لأ قريب من ميدان رمسيس، عندنا فرع قريب من ميدان رمسيس في وسط البلد في منطقة باب الشعرية
العميل : باب الشعرية قريبة من رمسيس
مهندس منسي : وعندنا في مدينة نصر وعندنا في 6 أكتوبر وعندنا في حدائق القبة
العميل : يعني باب الشعرية هي أقرب شيء
مهندس منسي : أقرب شيء إلى رمسيس هي باب الشعرية
العميل : باب الشعرية.. آه عرفته.. طب نزوركم إن شاء الله
مهندس منسي : تيجي تنورنا يا غالي
العميل : حبيبي بارك الله فيك شكراً يا باشا
مهندس منسي : مع السلامة
العميل : مع السلامة
