خلاط تقليب الجيل من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : كنت عايز أسأل على الخلاط بتاع الجيل ده، ده أسعاره إيه؟ وكام لتر؟
مهندس منسي : في 50 لتر، 100، 300، 500، 1000
العميل : أقل حاجة 50
مهندس منسي : آه
العميل : ده سعره كام؟
مهندس منسي : يعمل 650 يعني 6500 جنيه مصري
العميل : طب تمام، الـ 100؟
مهندس منسي : لأ أنا مش متذكر كل الأسعار، ما هي كده جت معايا صدفة
كنت فاكره يعني، بص هوه ده المضبوط بتاعه
العميل : آه… في تفاصيل تانية للجهاز يعني
مهندس منسي : هوه إنت ممكن تبحث على النت بالجملة دي ¬ 410 ماركة المهندس منسي، أو اكتب 410 المهندس منسي مش شرط تكتب ماركة كمان، هتخش في الصفحة دايركت، محرك البحث هيدخلك في الصفحة دايركت على طول
العميل : آه.. آه.. تمام
مهندس منسي : هوه رقم الموديل ده عندنا 410، هتلاقي بقى سعات مختلفة، هتلاقي الـ 50 لتر، والـ 100 لتر، والـ…..
العميل : بالأسعار؟
مهندس منسي : كل حاجة بالأسعار بالفيديوهات وكل حاجة
العميل : تمام…
مهندس منسي : وهتلاقي كمان مكن التعبئة في قلب الموقع
العميل : هي مكن التعبئة غير المكسر صح؟
مهندس منسي : آه.. هتلاقي كمان المكسرات عبارة عن سنجل جاكت ودبل جاكت، يعني إيه؟؟ يعني سنجل جاكت الغلاف بتاعه واحد بس، الدبل بيبقى غلافين 2 في وسطهم مياه أو زيت، عشان لو إنت هتسخن وإنت بتقلب
العميل : آه.. آه…
مهندس منسي : ليه تسخن وإنت بتقلب؟؟؟ لأنه لوحظ أثناء التصنيع يعني إن الحاجة لما بتتقلب على درجة حرارة بتعمل ميكس وخلط أعلى
العميل : آه.. آه…
مهندس منسي : أياً كان المنتج، عارف يعني أياً كان المنتج اللي إنت هتخلطه لاقينا إنك لما تخلطه تحت درجات حرارة على الأقل 50 ْ أو كده بيدي نعومة وبيدي دمج أعلى
العميل : آه.. تمام.. تمام.. السنجل ما فيهوش تسخين
مهندس منسي : آه السنجل ما فيهوش تسخين ولكن تقدر تسخنه بحاجة اسمها دايركت وإن دايكرت، يعني إيه؟؟ يعني مباشر وغير مباشر، واخد بالك، المباشر يعني السنجل ممكن تسخنه تسخين مباشر، أما في الدبل ده تسخين إن دايركت غير مباشر، ليه؟؟؟ لوحظ في بعض المنتجات زي الأدوية والفايتمن والمشاريب الفايتمن والكريمات إنها بتفقد جزء من الفايتمن لو اتسخنت تسخين مباشر، فعشان كده عملنا لها….
العميل : يعني الحاجات دي ما ينفعش تتسخن درجة حرارة عالية
مهندس منسي : آه تسخين مباشر لأ، فعملنا لها…
العميل : آه لازم تسخين غير مباشر
مهندس منسي : آه… اللي هوه دبل جاكت
العميل : حضرتك بتتكلم كده على مكنة اسمها إيه معلش الخلط، ولا دي غير مكنة المكسر، مكنة التعبئة صح؟
مهندس منسي : لأ إحنا بنتكلم كده على مكنة الخلط، كل ده في مكنة الخلط
العميل : آه في المكسر آه تمام، أنا وصلت للموقع
مهندس منسي : هي الخلط هي المكسر، خلي بالك هوه عدد من المواقع، مش موقع واحد، يعني هوه عشان خاطر نقدر نقدم الخدمة مضبوط عملنا عدد من المواقع
العميل : تمام… اسمه إم تو باك
مهندس منسي : آه في إم تو باك دوت كوم، إم تو باك دوت مي، إم تو باك دوت نت، إم تو باك دوت إنفو.. كده يعني
العميل : هو الماتور كام لفة؟
مهندس منسي : لا ده بنقدر نتحكم فيه، بص كل المكونات دي إحنا بنركبها، يعني مثلاً الماتور بيعمل كام لفة، ما إحنا بنحط الماتور اللي بيعجبنا، بص وحد الله
العميل : لا إله إلا الله
مهندس منسي : هي المواتير عموماً في حاجة اسمها هاي فيد ولو فيد وفي مثلاً 750 لفة، وفي مثلاً 1440 لفة، في 2800 لفة، واخد بالك، في 18000 لفة
العميل : تمام…
مهندس منسي : طيب إحنا دلوقتي لما تييجي تقولي أنا السرعة بتاعتي اللي عايز أمررها عايز أمرر الأول اشتغل على عدد لفات 100، أقولك ماشي، وبعد كده أطلع من الـ 10 إلى 500، أقولك ماشي، وبعد كده أطلع من الـ 500 على الـ 1500، هقولك ماشي حاضر، أروح مبرمجلك المكنة على كده
العميل : آه.. آه…
مهندس منسي : يعني عملية الماتور كام لفة والحاجات ديت ده شغل ناس تجار، أما إحنا بالنسبة لنا ناس مهندسين، فهمتني
العميل : آه يعني حضرتك سايد إمكانية التحكم في الموضوع ده؟
مهندس منسي : آه طبعاً.. طبعاً بالتأكيد، إنت بتيجي تقولي أنا عايز الماتور بتاعي عدد لفاته الخلطة بتاعتي تتخلط ظروفها كذا…
العميل : آه يعني أنا بتفق مع حضرتك وحضرتك تنزلي سيستم على الأساس ده
مهندس منسي : آه.. آه…
العميل : لكن أنا ما أقدرش أتحكم فيها بعد كده
مهندس منسي : لأ عادي، كل المكن بتاع ماركة المهندس منسي بندي صلاحية للعميل إنه يفك ويركب ويعمل كل حاجته.. مرن
العميل : تمام..
مهندس منسي : مافيش عندنا لا خلاص مقفول يعني، لأ كل الشغل عندنا مفتوح بدون استثناء
العميل : المكنة دي استالس مضبوط؟
مهندس منسي : آه
العميل : طب سؤال تاني معلش، الماتور من كام لكام لفة، يعني أقدر أتحكم لكام لكام، يعني أعلى ليمد في اللي هي 650 ديت اللي هي 50 لتر
مهندس منسي : من زيرو للعدد اللي إنت عايزه
العميل : أكبر عدد.. أقصى عدد إيه؟
مهندس منسي : ما أنا بقولك من زيرو للعدد اللي إنت عايزه، يعني ممكن تقولي ركبلي ماتور 750 لفة، لأ ركبلي ماتور 2880 لفة
العميل : وده يزيد في التمن طبعاً
مهندس منسي : لأ ركبلي ماتور 2880 لفة، لأ ركبلي ماتور 7200 لفة، لأ ركبلي ماتور استبندل بقى مثلاً 18000 لفة، براحتك
العميل : اللي أنا بسأل فيه، المكنة اللي هي أم 350 التحكم بتاع الماتور بتاعها من كام لكام؟ آخره كام يعني؟
مهندس منسي : لأ ما هوه عملية التحكم دي بتبقى لوحدها
العميل : يعني مالهاش دعوة بالكلام
مهندس منسي : آه يعني جهاز التحكم ده… بس ما تقلقش ده كله بيعمل في حدود 850 جنيه مثلاً 900، ما تقلقش قوي يعني، ده جهاز لوحده، وبص بقى اللي أذكى من كده وأحلى من كده، إن الجهاز ده تقدر تشيل فيشوا وتتحكم بيها في أي ماتور تاني، يعني أوعى تفكر إن الجهاز ده هجيبهولك وأروح مركبهولك على الماتور ده وأقولك خلاص أوعى تفكه أو أوعى تيجي نحيته أحسن تخرج بره الضمان، لا.. لا… هقولك فكه براحتك وركبه على أي ماتور تاني براحتك، كل العملية هعملك فيش كده ذكر ونتاية تروح تركبها لو إنت عايز تاخد جهاز يتحكملك في مكنتين 3 ـ 4 براحتك
العميل : آه…. هوه أنا الفكرة أنا مش عارف أفهمك قوي، بس اللي أنا فاهمه إن في إمكانية لكل حاجة
مهندس منسي : آه.. طبعاً
العميل : يعني التحكم مفتوح
مهندس منسي : آه…
العميل : طب الماتور اللي هوه بتاع 18000 لفة ده 800 جنيه
مهندس منسي : هوه بيركب على أي نوع من الأجهزة
العميل : آه جهاز كده بتزوده
مهندس منسي : هوه بيركب على أي نوع من المواتير، وبيركب على مواتير الخلاطات اللي إنت عايز زيها مثلاً، ويركب على مواتير المكن ويركب على كل أنواع المواتير
العميل : تمام.. هو الضمان بتاعه أد إيه؟
مهندس منسي : لمدة سنة ضد عيوب الصناعة، 5 ـ 10 سنين توفير قطع الغيار لحساب العملاء
العميل : لا معلش من 5- 10 سنين إيه هي؟
مهندس منسي : توفير قطع الغيار لحساب العميل، أفهمها لحضرتك، دلوقتي إنت روحت جيبت برانتر أو عدة تليفون، فقالك أنا ضامنلك عدة التليفون ديت لمدة سنة ضد عيوب الصناعة، طب وبعد كده؟؟؟ في قطعة غيار مثلاً تلفت أو إنت تسببت في إنها اتكسرت أو.. أو.. أو… يبقى خلاص المكنة باظت على كده؟؟!!! لا طبعاً المكنة تييجي للوكيل وتقوله في قطعة غيار كذا، أقوم أقولك أيوه قطعة الغيار دي موجودة وبسعر كذا وأبيعهالك عادي…
العميل : آه يعني قطعة الغيار من التوكيل زي ما هي بنفس سعرها
مهندس منسي : آه وبتاخد أفراد صيانة…
العميل : وباخد ضمان على قطعة الغيار ذات نفسها
مهندس منسي : قطعة الغيار؟؟
العميل : آه
مهندس منسي : بص تصدق وتؤمن بالله
العميل : لا إله إلا الله
مهندس منسي : أنا جيبت شوية مكن سي إن سي عشان خاطر أصنع قطع الغيار هنا في جمهورية مصر العربية العظيمة الجميلة
العميل : طبعاً.. طبعاً
مهندس منسي : في الآخر عملت اجتماع ما أفراد الشركة عشان خاطر نشوف إيه قطع الغيار المستهلكة عشان أبدأ أدرب أفراد الشركة إن همه يصنعوا قطع الغيار بنفسهم
العميل : الله أكبر
مهندس منسي : تصدق وتؤمن بالله ما لقينا ولا قطعة، تصدق ما تصدقش إنت حر
العميل : تاني كده
مهندس منسي : ما لقيناش ولا قطعة بتستهلك
العميل : يا نهار أبيض
مهندس منسي : هوه سكينة القطعية وعندنا منها ستوكات تكفينا سنين، وشربت أنا المكن الـ سي إن سي تعالى اتفرج عليه موجود عندنا في الفروع كلها محطوط كده، بنتمظر بيه
العميل : آه…
مهندس منسي : ما هو إحنا بنصنع قطع الغيار بره بإيه؟؟ بمكن سي إن سي دايمنشن، بس الناس هناك عايزه تشتغل، فقلت أجيب مكن سي إن سي ثري دايمنشن هنا للناس اللي مش عايزه تشتغل يعملوا بس قطعة غيار بدل ما نطلبها من بره، بس… بس في الآخر فوجئت إن مافيش ولا قطعة بتستهلك، صفر
العميل : آه…
مهندس منسي : كلها عمليات إنه هوه العميل مش عارف يشغل كذا بيروح فرد الصيانة عندنا بيعرفه وخلاص على كده، كل حاجات أبسط من البساطة
العميل : طب الحمد لله، الموضوع بسيط يعني
مهندس منسي : الحمد لله بفضل من ربنا
العميل : الحمد لله، طيب هي صناعتها إيه صيني؟
مهندس منسي : لا إحنا ماركة.. براند، يعني مثلاً دلوقتي إحنا بنصنع قطع الغيار، يعني مثلاً لما تيجي تقول تليفون آبل، إنت بتروح تيجيبه على إنه تليفون آبل، هل هوه متصنع في أمريكا؟؟؟
العميل : لأ
مهندس منسي : متجمع مثلاً من اليابان ومن الصين و.. و.. و..، كل العملية إحنا ماركة، لنفترض إن…
العميل : الصناعة هنا؟
مهندس منسي : لأ… أنا بنصنع بره، أنا بس بقفل هنا، بص صلي على النبي
العميل : عليه الصلاة والسلام
مهندس منسي : لو إنت جيت دلوقتي قولتلي أنا عايز الماتور ده ألماني أو إيطالي أو تايواني، أنا بشيل الماتور وبحط الماتور التاني، هي العملية عملية إيه؟؟؟ عملية قطع بتتدبل
العميل : تغيير مش أكتر
مهندس منسي : بس إنت قولتلي معلش الماتور ده صيني وعلى ضمانتك وكل حاجة بس أنا عايزه ماتور ألماني ـ إيطالي ـ ياباني، ولا أي حاجة بشيلك الماتور ده وأقولك فرق السعر كذا وأروح مركبلك الماتور اللي بيعجبك، بس في الآخر المكنة براند
العميل : تمام….
مهندس منسي : براند يعني التقفيل هنا في مصر وإحنا براند يعني ماركة إحنا بنحترمها
العميل : آه.. التسليم طيب فوري؟
مهندس منسي : لا إنت بالنسبة لك في تسليم فوري وفي مش فوري، ولكن في منتجك هنشوف السعة اللي إنت طلبتها إيه، إنت مثلاً عايز….
العميل : آه الحاجة اللي أنا طلبتها موجود منها ولا لأ لسه هتصنعها
مهندس منسي : آه.. إنت عايز خلاطة، فهنشوفها موجودة هنقولك خدها، مش موجودة هنبدأ نصنعها لك
العميل : آه…
مهندس منسي : أما بالنسبة لمكن التعبئة والتغليف اللي إنت شايفه قدامك ده كله بضاعة حاضرة
العميل : تمام…
مهندس منسي : دايماً الخلاطات بالذات بتتعمل بالطلب، أو بنعمل مثلاً موديلين 3 ونخليهم موجودين بضاعة حاضرة عشان الناس تشرح للعميل عليها
العميل : آه تمام.. تمام.. يعني ممكن التسليم على حسب، والتسليم عندكم ولا بتبعت حد بيها
مهندس منسي : عادي…
العميل : بتبعت حد يفهمني عليها مثلاً هنا
مهندس منسي : أنا بقول لحضرتك إنت بتستلم مرتين 2، مرة عندنا ومرة عندك، إنت من حقك إن إنت تقعده ساعتين 2 يشرحلك وتجرب وتجرب تاني وتجرب تالت براحتك، إنت من حقك التشغيل، تقعد تشغل المكنة قدامه ساعتين وتقوله فهمني، ومن حقك كمان ساعتين عندك في مكانك
العميل : آه… تمام، تمام.. تمام… تمام يا باش مهندس، هكلم حضرتك إن شاء الله تاني
مهندس منسي : ماشي يا غالي، أنا هبعتلك…
العميل : عايز أسأل سؤال بس أخير، القطع مصري ولا مستوردة، القطع اللي في الجهاز؟
مهندس منسي : هوه في قطع مصري؟؟؟!!!!
العميل : لأ طبعاً
مهندس منسي : روح الله يبشرك بالخير، لا هوه بص….
العميل : لا مش قصدي، أنا قصدي القطع دي منين؟
مهندس منسي : والله إحنا بندور على جودة المنتج
العميل : أنا بتكلم على الجهاز الأساسي اللي هوه قدامي فهمني
مهندس منسي : الجهاز الإنفرتر ده تايواني اللي هوه بيتحكم في السرعات تايواني، ولو إنت طلبت غير كده بنلبيهولك مافيش مشكلة عندنا
مهندس منسي : تايواني والماتور إيه؟
العميل : الماتور اللي موجود درجة أولى صيني، ولكن افرض إنت عايز الماتور ده مثلاً ألماني أو إيطالي، عادي ولا أي حاجة نغيرهولك
مهندس منسي : تمام… والبتاعة الزرقا دي كباس ده ولا إيه؟
العميل : ما هو أنا مش قدامك دولقتي عشان أشوفها
مهندس منسي : مش فاكر الصورة أكي
العميل : طب خلاص ماشي.. ماشي..
العميل : تمام.. أنا هكلم حضرتك إن شاء الله قريب قوي
مهندس منسي : ماشي يا غالي
العميل : شكراً يا باشا.. شكراً، مع السلامة، سلام
مهندس منسي : مع السلامة
العميل : ماشي يا باش مهندس مع السلامة
