خلاط للكيماويات السائلة  من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: معاك المهندس شريف..

المهندس منسي: اهلا وسهلا

العميل: أنا جبت النمرة دي من على الإنترنت شركة المهندس منسي للصناعات الهندسية والتغليف الحديث صح

المهندس منسي: أيوه

العميل: هوه موقعكم فين؟ في العاشر؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل: أنا عايز أعمل أصنع كيماويات، فعايز أعمل خلاط أخلط فيه الكيماويات اللي أنا عايزها، أوكيه، وبعدين أعبيه، فمحتاج خلاط، ومحتاج مكنة تعبئة بس تبقى أيروسول، يعني عايز أنتج زي ملمعات، الخشب،

المهندس منسي: آه لا تحت الأمر، إحنا بنصنع كل المعدات، وعندنا مكن التعبئة والتغليف، وعندنا الخامات بتاعت التعبئة والتغليف بجميع أنواعها

العميل:  طيب إزاي نبتدي، أنا بس بص أنا مهندس كيمياء ما اشتغلتش قبل كده، ده أول مرة أعمل مصنع، إن شاء الله يبقى فاتحه خير وبس.. إيه الخطوات اللي لازم أتبعها مع حضرتك؟

المهندس منسي: حضرتك بتشوف المكن اللي حضرتك عايزه إيه، ونبدأ نقولك ده سعره كذا، وده سعره كذا…

العميل:  أوكيه، أنا دخلت على السايد بتاعكم، هوه موجود كل الموديلات اللي موجودة؟

المهندس منسي: أكيد آه

العميل:  أوكيه، عايز أشتري بلنده يبقى أعمل بيه كذا طبخة، يعني أعمل مثلاً منه أحط مثلاً لكويد إيه على لكويد بي يعملي لكويد سي، وبعدين أنزله على مكنة التعبئة اللي هي بتاعت الأيروسول، أو مكنة التعبئة اللي هي هتبقى جراكن أو أزايز أياً كان المنتج، وبعدين البلندل أغسله بالشيكولا وأعمل فيه طبخة تانية….

المهندس منسي: آه ده طبيعي، كل اللي إنت بتقوله ده طبيعي مافيهوش مشكلة خالص

العميل:  طيب إيه الخطوة اللي جايه، أجيلك المكان، أبعتلك على الواتس آب مثلاً تصور للبلندل، ولا هوه مافيش صناعة هوه اللي موجود وأنا أشتريه

المهندس منسي:  لا هوه حضرتك بس عايزين نشوف الخامة اللي حضرتك بتعملها

العميل:  الكيمياء يعني، المواد الكيماوية

المهندس منسي:  آه سائلة؟ ولا باودر؟ ولا…

العميل:  معظمها الماتيريال ليكويد، لو فيه باودر بيبقى الباودر جزء من الخلطة

المهندس منسي: آه لا مافيهاش مشكلة، هوه عموماً أي حاجة جافة لوحدها والسائلة بتبقى لوحدها، يعني البلندر بتاع اللي هوه الخلاط بتاع المواد السائلة يختلف عن البلندر بتاع المواد الجافة

العميل:  القلاب ده بيتغير ولا ده بيبقى ثابت؟

المهندس منسي: آه عادي بتغير آه مافيش مشكلة فيه خالص

العميل:  أشوف أنا أبص بصة على الويب سايد أكتر عشان أفهم أكتر وبعد كده أكلمك مثلاً وآجي أقابلك ولا إيه؟؟

المهندس منسي: إن شاء الله، بس اعرفلي بس المواد، ويستحسن لو جبتلنا عينة من المواد المراد خلطها

العميل:  عشان تعرف لو هي كلوزيس يعني، أو هي فيها كلوزيتي؟

المهندس منسي: آه

العميل:  طيب أوكيه

المهندس منسي: مع السلامة