رولات شرينك لتغليف غطا الازايز من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: في البكر بتاع الغطا بتاع الأزايز يا باشا اللي بيغطي البرشام ده بتاع الأزايز؟
المهندس منسى: اللي هوه أنهي شكل، ما هو في حاجات بتاعت برشمة كتير قوي،يعني في البرشمة اللي بتغطي اللي هي قطعة الألومنيا، وفي اللي بتغطي بتمسك الغطا بالعبوة زي إزازة المياه المعدنية…
العميل: أيوه بتاعت المياه المعدنية دي اللي بتمسك الغطا بالعبوة
المهندس منسى: آه.. حضرتك هتعمل عبوة شكلها إيه، ومقاسها إيه، وقطرها إيه؟
العميل: لأ بتاعت البرشام دي عارف البكرة؟
المهندس منسى: نعم؟؟
العميل: البكرة بتاعت البرشام دي عندك؟
المهندس منسى: البرشام؟؟
العميل: مش المكنة
المهندس منسى: إحنا عندنا الـ 2، عندنا البكرة، وعندنا المكنة
العميل: البكرة أد إيه يا باشا، بالكيلو ولا بالبكرة؟
المهندس منسى: إنت عايز كمية أد إيه؟
العميل: ممكن أعرف السعر؟
المهندس منسى: ما هو السعر بيتحدد بناء على الكمية، وبناء على القطر، والسكنس اللي هي السماكة، والطول، والعرض… يعني في عدد من العوامل اللي بتحدد السعر
العميل: يعني مبدئياً يعني مثلاً 10 كيلو
المهندس منسى: لأ الكمية كده قليلة قوي، تتفضل مشكوراً تيجي لو لقيت عندهم حاجة في المخزون 10 كيلو خدها، إنما ما نقدرش نعمل 10 كيلو
العميل: طب البكرة عندك أد إيه؟
المهندس منسى: ما هو مش البكرة، أقل كمية مثلاً المفروض في حدود 50-100 ألف قطعة
العميل: آه… طب الـ 50 ألف قطعة على المقاس اللي أنا عاوزه مثلاً…
المهندس منسى: لغاية دلوقتي ما عرفتش المقاس بتاعك إيه؟
العميل: المشكلة إن أنا في المواصلات في السوبرجيت مش عارف أكلمك،أول ما أنزل هديك تليفون
المهندس منسى: يا الله ماشي توكل على الله
العميل: حبيبي
المهندس منسى: السلام عليكم
