رولات ألومنيا فويل تغليف أدوية من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: لو سمحت كنت بسأل على رولات ألومنيا فويل تغليف أدوية
المهندس منسى: آه
العميل: موجودة عند حضرتك
المهندس منسى: موجودة آه
العميل: طيب كنت عايز عرض 27 سم
المهندس منسى: آه والسكنس كام؟
العميل: لأ السكنس مش عارف بقى هوريلك العينات
المهندس منسى: ماشي
العميل: طيب الـ 27 موجود
المهندس منسى: ما هو عملية العرض بالنسبة لنا مش مشكلة إحنا بنقصلك بالطلب
العميل: آه تمام… طب بالنسبة للأسعار إيه يا فندم؟
المهندس منسى: الأسعار بتحدد بناء على الكمية، والسكنس، والطباعة
العميل: طيب بالنسبة للكميات والأسعار… لأ هي الطباعة مش مطبوعة سادة
المهندس منسى: حضرتك شرفنا بالزيارة وتجيبلنا عينة لايف، عينة ملموسة
العميل: ما هو أنا هاجي لحضرتك، بس هوه أنا أول مرة أتعامل مع حضرتك فكنت عايز آخد فكرة عن الأسعار لأنه سمعت من حد إن أسعاركم غالية شويه يعني،كنت عايز أعرف إيه الأخبار يعني؟
المهندس منسى: ما هو البضاعة اللي عندنا كلها ألماني وإيطالي وهولندي
العميل: طيب حضرتك…
المهندس منسى: مش عارف اللي بلغك أسعارنا غالية بناء على إيه يعني
العميل: والله مش عارف هوه دكتور زميل يعني هوه بيتعامل مع حضرتك…
المهندس منسى: إحنا أساساً مش بنتعامل مع دكاترة بنتعامل مع شركات على طول، يعني الدكتور هياخد مني إيه 10 كيلو طبعاً مش هينفع
العميل: نعم
المهندس منسى: إحنا بنتعامل مع شركات على طول، فدكتور إيه اللي هيتعامل معانا يعني، هيتعامل معانا في كميات إيه يعني؟
العميل: هوه دكتور عنده مكتب أدوية…
المهندس منسى: آه شركة يعني
العميل: أغلب الدكاترة ناس محترمة معانا جداً ومبسوطين ومسترحين وبقولوا لنا أسعاركم أرخص أسعار في العالم كله
المهندس منسى: يا باشا ربنا يوسع عليك
العميل: مش عارف المعلومة دي جات إزاي يعني
المهندس منسى: حضرتك موجود لحد الساعة كام؟
العميل: إحنا موجودين لغاية الساعة 11 بالليل
المهندس منسى: يعني مواعيد رمضان مافيش اختلاف يعني؟
العميل: آه مافيش اختلاف غير ساعة الفطار والصلاة بس
المهندس منسى: طيب بالنسبة للمكان هوه ورا القسم مش كده؟
العميل: آه ورا رئاسة حي باب الشعرية
المهندس منسى: هبعتلك العنوان في رسالة حالاً
العميل: طيب أوكيه يا فندم، ماشي يا فندم اتفضل
