رولات الومنيوم فويل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: باش مهندس منسي

المهندس منسى: أيوه

العميل: إزيك يا باش مهندس

المهندس منسى: أهلاً بيك

العميل: أنا قريت الإعلان بتاع حضرتك على النت بتاع ورق الفويل

المهندس منسى: آه

العميل: أنا كنت عايز كمية عايز أصدرها

المهندس منسى: أيوه اتفضل

العميل: فكنت عايز أعرف… هوه أولاً في مواصفات معينة  عايزها

المهندس منسى: آه

العميل: كنت عايز الطول 145، والعرض…

المهندس منسى: طول الرول 145 متر؟

العميل: آه، والعرض 45

المهندس منسى: أيوه

العميل: والسمك 14 ميكرون

المهندس منسى: كده حضرتك بتتكلم على ألومنيوم فويل معليهاش أي حاجة، يعني ألومنيوم فويل سك

العميل: آه

المهندس منسى: لأ إحنا بنشتغل في الألومنيوم فويل الخاصة بالتصنيع، زي اللي بتصنع أكياس، وتتغطا على علب البرشام، وبتبقى على علب الكريم والزيوت، وبيتعمل شرايط، وتتعمل أكياس وحاجات من دي

العميل: إنت حضرتك مش شغال في ورق الفويل رولات؟

المهندس منسى: إحنا عندنا رولات، بس رولات خاصة بالتعبئة والتغليف، مش رولات اللي إنتم بتعملوها في البوتاجاز والحاجات دي، مش المنزلي، إحنا صناعي

العميل: آه.. آه… طب بالنسبة للرولات دي ممكن مين يكون شغال فيها

المهندس منسى: صدقني مش عارف

العميل: طب حضرتك شغال في ورق الألومنيا الخاص بتصنيع الغطيان ده، غطيان الأطباق الفويل.. صح كده

المهندس منسى: أيوه.. أيوه.. غطيان الأطباق الفويل، وغطيان الألومنيوم فويل، وغطيان العبوات، وغطيان…

العميل: حضرتك شغال في أطباق الفويل برده

المهندس منسى: اللي هوه إيه بقى، إن إحنا بنبيع مكن أطباق الفويل مش بنصنع، إحنا بنبيع المكن اللي بيصنع

العميل: آه المكبس ده اللي بيكبس الطبق

المهندس منسى: إن شاء الله

العميل: طب المكبس ده أسعاره إيه يا باش مهندس معلش؟

المهندس منسى: الأتوماتيك بتاعه بيعمل في حدود 8، أتوماتيك كامل،في حاجات بقى منه بلدي وحاجات ومن دي بس إحنا ما بنشتغلهاش، إحنا بنشتغل بس الجريد وان يعني فريست، إنما في حاجات منه بسيطة دي مش تبعنا

العميل: دي مشغال فيها حضرتك

المهندس منسى: ما بنعملهاش آه، بنعمل أعلى حاجة في الجودة

العميل: حضرتك ما عندكش برده المكنة اللي بتلف الرول..

المهندس منسى: عندنا بنعملها آه بـ

العميل: طب ودي حضرتك، طب صدرتها لمين طيب ممكن تكون حد ادتهاله وأنا أتصل بيه أعرف منه…

المهندس منسى: لا هوه إحنا شركة كبيرة، صعب علينا نحتفظ بأسماء العملاء

العميل: آه… يعني حضرتك ماعندكش أي معلومة تفيدني بيها أي مصنع أقدر آخد منه رول الفويل ده، رول الألومنيا

المهندس منسى: آه…