رولات اكياس تغليف الملح من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أيوه يا غالي مين معايا
العميل : والله أنا جيبت رقم حضرتك من على الإنترنت بخصوص البلاستيك
المهندس منسي : آه
العميل : حضرتك شغال في البلاستيك
المهندس منسي : إن شاء الله
العميل : طب أنا يا فندم ما عنديش فكرة عن الموضوع، عندنا مكنة تغليف ملح، فالعبوة كده فيها مثلاً 250 جرام التكلفة حضرتك بتبقى إزاي
المهندس منسي : هي تكلفة العبوة بتبقى بناء على وزن العبوة، وإحنا بنصنع الاسطمبة الأول، وبعد ما نصنع الاسطمبة بنصنع العبوة بناء عليها
العميل : وزن العبوة من 225-250 جرام
المهندس منسي : لأ وزن العبوة وهي فاضية
العميل : طب حضرتك أكيد عند خبرة في الموضوع، كيس ملح الكيس الصغير
المهندس منسي : هي عبوة بلاستيك ولا كيس؟
العميل : لأ كيس يا فندم
المهندس منسي : كيس حضرتك بتجيبلنا الديزاين…
العميل : مضبوط أنا فاهم الحاجات دي، بس أنا بتكلم تكلفة مبدئية بالتقريب، إحنا عايزين نعرف حسابات بس، زي كيس الملح كده، حضرتك أكيد شفت كيس الملح قبل كده
المهندس منسي : في حدود 4-5 صاغ
العميل : الكيس الواحد
المهندس منسي : آه
العميل : بالرول كله
المهندس منسي : إن شاء الله، في الحدود دي
العميل : يعني 5 قروش
المهندس منسي : آه ده أرخص سعر ليه
العميل : ومطبوع وجاهز يا فندم؟
المهندس منسي : آه…
العميل : تمام.. تمام…
المهندس منسي : هوه أنا ما بقولش كده، أنا قلتلك كده عشان لو كنت بتعمل دراسة جدوى ولا حاجة
العميل : بالضبط.. بالضبط
المهندس منسي : ماشي يا غالي
العميل : يعني بالتقريب في الرينج دوت من 5 صاغ 10 قروش أقل شويه أعلى.. كده يعني
المهندس منسي : آه…
العميل : والطباعة بتبقى جاهزة يا فندم بيبقى في برنت على المنتج وكل حاجة بتعملها
المهندس منسي : آه.. آه بنطبع روتوجرافيك أحسن أنواع الطباعة على مستوى العالم
العميل : وجودة الكيس كويسة
المهندس منسي : الله.. إنت بتتعامل مع المهندس منسي، بتسأل على جودة الكيس إزاي، المهندس منسي ده أعلى جودة في العالم، مش في مصر، في العالم
العميل : ماشي يا باش مهندس، تمام.. تمام، كلام جميل، تمام، ماشي شاكر جداً لحضرتك
المهندس منسي : ماشي يا باشا
العميل : اتفضل
