رولات بولي امايد من شركة المهندس منسي

العميل : السلام عليكم .

المهندس منسي : وعليكم السلام .

العميل : شركة المهندس منسي ؟

المهندس منسي : ايوه .

العميل : انا كنت بسأل على البورسلين .

المهندس منسي : اللى ايه ؟

العميل : البورسلين

المهندس منسي : ايه ؟ بورسلين

العميل : اه هو بكام الرول يا افندم ؟

المهندس منسي : لا هو ده بالكيلو

العميل : الرول بالكيلو ؟

المهندس منسي : اه

العميل : وبيكون السمك بتاعها كام ؟

المهندس منسي :  انت اللى بتحدد ليا السمك اللى انت عايزه وبتحدد ليا العرض وبناء على السمك والعرض والشفافية لو انت عايز شفاف او ابيض بقولك السعر بتاعه .

العميل : انا عايز الففها على بلاط يومين او تلاتة ايام وبعد كده اشيله .

المهندس منسي : اه… لو هو فى حاجة تانية اسمها بول مايت .

العميل : ماهو متوصف ده .

المهندس منسي : ايه ؟

العميل : متوصف ده .

المهندس منسي : ازاى بس متوصف ده والبورسلين بيتكسر بول مايت افضل .

العميل : مش عارف والله .

المهندس منسي : بص حضرتك تعالى خد عينة وشوفها كده وحاول اقطعها او اخرمها هيبقي صعب ولا بتتقطع ولا بتتخرم ولا بيحصل لها حاجة .

العميل : طب هو عند حضرتك البورسلين ؟

المهندس منسي : بص هو الاتنين متوفرين ولكن انا بنصحك بالبوركايت هو احنا عندنا كل واحد مش بيحب يمشي بالنصيحة هو انت حر ولكن ….الفكرة مش كده بس انا بقولك البورمايت افضل .

العميل : انا عارف قصد حضرتك وفاهمك بس هو التوصيف .

المهندس منسي : طب هو افرض التوصيف غلط بمشي ورا الغلط .لا اله الا الله خد عينة وجربها لو ملاقتهاش افضل ياعم بحق هو انا قولتلك خد العينة بفلوس .

العميل : لا مش اقصد انا اقصد اخد العينتين .

المهندس منسي : براحتك خد العينتين براحتك .

العميل : ممكن اخد عينة صغيرة من ده ومن ده ونعرض عليهم ونشوف .

المهندس منسي : ماشي يا باشا انت عايز كمية قد ايه ؟.

العميل : حوالى 600 متر

المهندس منسي : ماشي يا باشا

العميل : هو ده بكام وده بكام عموما ؟

المهندس منسي : البورمايت ب 18 .

العميل : تمام .

المهندس منسي : والبورسلين ب 34 .

العميل : ب34 ؟

المهندس منسي : اه .

العميل : بالكيلو ؟

المهندس منسي : بالكيلو اه .

العميل : هو بيجي عبارة عن رولات ولا هو بيجي مطبق ؟

المهندس منسي : رولات اه

العميل : هو الكيلو يعمل كام متر تقريبا ؟

المهندس منسي : بتيجى بقي تشوف متر وتوزنها وتقطع متر فى متر وتوزنها لان الحاجات ديه مش حاضرة فى دماغى دلوقتى .

العميل : طب خلاص ادينى حضرتك العنوان طيب .

المهندس منسي : احنا عندنا حدائق القبة ، بابا الشعرية ، مدينة نصر و6 اكتوبر .

العميل : اه اه .

المهندس منسي : ويستحسن تروح 6 اكتوبر .

العميل : طب خلاص الاقرب مدينة نصر .

المهندس منسي : لا بالنسبة لنا احسن انك تروح 6 اكتوبر لان مخزن الخامات فى 6 اكتوبر .

العميل : تمام العنوان ؟

المهندس منسي : هبعتهولك فى رسالة دلوقتى حالا .

العميل : اه اه .مينفعش مدينة نصر يعنى لان انا فى مدينة نصر .

المهندس منسي : خلاص هبعتلك عنوان مدينة نصر وعنوان 6 اكتوبر لو انت روحت 6 اكتوبر تشوف ده وده ولو روحت 6 اكتوبر هتلاقي الخامات كتير تنقي منها الخامة اللى هتعجبك .

العميل : انا عايز خامة واحدة اعرضهم عليها .

المهندس منسي : اصل انت عقبال ما تطلبها من مدينة نصر ويتصلوا ب 6 اكتوبر تروح ليه وتتوكل على الله .

العميل : طب مينفعش عينة صغيرة خالص ؟

المهندس منسي : معتقدش هو العينات كلها والشغل كله فى الخامات فى اكتوبر .

العميل : طب ابعت حضرتك العناوين وانا هشوف كده .

المهندس منسي : ماشي ياباشا مع السلامة .

العميل : ماشي ياباش مهندس ، سلام .