رولات بي اي تي من شركة المهندس منسي

العميل : سلام عليكم.

المهندس منسي : سلام عليكم

العميل : إزيك يا باش مهندس منسي أخبارك؟

المهندس منسي : أهلاً بيك.

العميل : معاك المهندس عبد العزيز اللي كلمتك إمبارح على الرولات البي بي سي نسيتني إنت.

المهندس منسي : آه.. والله ما روحت لغاية دلوقتي، مش موجود عندي بي بي سي دلوقتي كل الموجود عندي بي إي تي.

العميل : إنت مكانك فين يا باش مهندس منسي عايز آجي أقعد معاك ونشوف دنيتنا فيها إيه كده؟

المهندس منسي : موجود في باب الشعرية، حدائق القبة، مدينة نصر.

العميل : طيب إنت كل اللي عندك بي إي تي، طيب البي إي تي ملوش أي سائل عندك يلحم يا باشا آخد منك كميات كبيرة.

المهندس منسي : ما بيلحمش بالسائل ده بيلحم بالألتراسونيك.

العميل : آه…

المهندس منسي : بيلحم بالألتراسونيك أو الإنداكشن سيل أو الحرارة.

العميل : إيه الإنداكشن سيل يا باشا؟

المهندس منسي : حاجة اسمها إنداكشن سيل بتتحكم في النواة بيبقى ألومنيا على ألومنيا وبتتغط تروح الألومنيا دي مفرفطة منها يعني، بس في الحالة دي لو إنت هتشتغل بكده يبقى إنت هتشتغل ببي إي تي لمونيشن، إنما إنت هتشتغل ببي إيه تي سك يبقى حلها ما فيش إلا هيتريكونتك والألتراسونيك.

العميل : هي أصلاً الألتراسونيك فكرته أصلاً الهيتركوينشن.

المهندس منسي : ما هي نفس الفكرة بس الوحدة مختلفة.

العميل : آه…

المهندس منسي : الوحدة في الألتراسونيك مختلفة عن الوحدة في الهيترويكونتك، في الهيتروويكونتك بيستخدموا اللمبات بتاعت الترددات الصوتية، الألتراسونيك بيستخدموا موجات الترددات الصوتية.

العميل : تمام يا عم الله يبارلك إنت راجل بسم الله الله أكبر عليك يعني.

ا المهندس منسي : لله يبارك لك.

العميل : ربنا يزيدك.

المهندس منسي : شكرا باشا

العميل : ألو… ألو… ألو…..سلام عليكم.

المهندس منسي : الله وبركاته يا غالي.

العميل : معلش يا باشا الشبكة بس وحشة.

المهندس منسي : خد راحتك.

العميل : فبقول لحضرتك أنا عندي طلبية وواقف عليها فلو تعرف حد ممكن يوصلني لحاجة أو كده يعني؟

المهندس منسي : أنا لو كنت أعرف صدقني أنا ما كنتش أتأخر عنك، كنت هديلك أساميهم.

العميل : ربنا يبارك لك يا حاج.

المهندس منسي : انعدام الثقة في المجتمع بقت صعبة جداً، يعني بقى ده يقولك أنا هعملك وده يقولك هسويلك، ما بقتش أتعامل مع حد خالص.

العميل : آه والله بيني وبينك حاجة تقرف، طب المستورد ممكن تستوردلي أد إيه؟

المهندس منسي : ومفيش مواعيد وحاجة تقرف، ولما تيجي تستورد كمان يقرفوك، يعني كمان الفساد ماسك…. سيبك من الحكومة، الأشخاص نفسها هي اللي فاسدة.

العميل : آه ما هي الحكومة أصلاً في البداية إيه ما هم أشخاص.

المهندس منسي : آه… يعني هو العيب هنا مش عيب حكومة، العيب هنا عيب أفراد، شعب بحاله عايز يتنظف.

العميل : طب هوه إنت بتستورد بي بي سي يا باش مهندس؟

المهندس منسي : بستورد جميع أنواع الخامات.

العميل : بسم الله الله أكبر، ربنا يعينك يا باشا، طب البي بي سي ده لو هنستورده يقف علينا إحنا هنا في مصر بكام؟

المهندس منسي : يعني في حدود 18.

العميل : آه.. لغاية ما ييجيلي أنا هنا.

المهندس منسي : آه.بس درجة النقاوة بتختلف، درجة…

العميل : كنت لسه هقولك، ما فيش حاجة نستخدم فيرجن مثلاً درجة تانية بتاع بحيث إنه يوفر علينا شويه.

المهندس منسي : درجة تانية… براحتك لو عايزني أجيب درجة تانية ماشي، بس هوه إنت لو حسبتها إن إنت بتشتغل في الحاجة النظيفة عشان تفرق بين الحاجة اللي مش نظيفة هتبص هتلاقيها فرقها 2 جنيه 3 جنيه، لو حسبت التكلفة في المشاكل، هتلاقي نفسك في التاني أحسن، في التاني أكسب.

العميل : التاني أكسب.

المهندس منسي : آه.

العميل : ماشي يا باش مهندس، ربنا يبارك يا باشا وأنا ليا الشرف إني أنا كلمت حضرتك يا رب يبارك بحق جاه النبي.

المهندس منسي : متشكرين يا باشا. متشكرين يا بيه اتفضل.