رولات بيبر pp من شركة المهندس منسي

العميل : السلام عليكم

المهندس منسي : وعليكم السلام

العميل : الرقم ده رن عندي

المهندس منسي : معاك المهندس منسي

العميل : أهلاً وسهلاً إزيك

المهندس منسي : الحمد لله

العميل : معاك طارق صلاح، أنا كنت عايز أسأل أخبار الدنيا إيه يا فندم جبتلي أسعار الحاجة ولا لأ؟

المهندس منسي : آه… مين

العميل : الميديا اللي إحنا كنا اتكلمنا عليها

المهندس منسي : ميديا إيه؟

العميل : الـ 200 و 16 مللي وبتستحمل حرارة 180 ْ لما قلنا… افتكرت ولا لسه

المهندس منسي : فكرني بالطلب بعد إذنك كده

العميل : فاكر أنا كنت جتلك قعدت معاك عشان البرنتر والميديا…

المهندس منسي : آه.. آه… حبيبي الغالي معلش، إزيك يا باشا، بتاع البيبر

العميل : أيوه بتاع الميديا البيبر اللي هنستخدمه…

المهندس منسي : آه… لا ما هوه أنا منتظر من حضرتك إنت المقاسات، إحنا عندنا الرولات بتاخد…

العميل : ما هو أنا قلتلك إيه فور….

المهندس منسي : يعني إيه الإيه فور؟ ولا حاجة هنقطعهولك إيه فور مافيش أكتر من كده، يعني آدي الخامات، الخامات دي كلها كل اللي إحنا هنعمله إن إحنا هنقطعه إيه فور، بس مافيش أكتر من كده، سعر المتر في حدود 10 جنيه، المتر المربع

العميل : لأ أنا عايز رول

المهندس منسي : آه ما هو الرول سعر المتر المربع هيبقى 10 جنيه

العميل : لأ.. لأ… إنت راجل بتاع حلول

المهندس منسي :  طب أبقى فاهم…. عشان أكلمك على أنواع الميديا كلها

العميل : بص مط بي بي فيلم 80 ميكرون

المهندس منسي : لأ بص كل الحاجات اللي هتعملها ديت هنعملها بالطلب ماعنديش ولا حتة، اللي عندي حاجة اسمها استوكات، الاستوكات ديت تيجي تاخدها على أبوها كده، فإنت دلوقتي عايز كاستومايز، يعني إعدادات خاصة بحضرتك، الطلبات الخاصة بحضرتك ديت معناها إن إحنا هنعملها لك ونفصلها لك ونعملها خاصة بيك، فعملية عندك دي كل ده هنصنعه، فنقول إيه بقى عندك إمكانية تصنع حاجة زي كده؟

العميل : طيب خليني بس في اللي عندك

المهندس منسي : أنا معنديش خالص جاهز، أنا كل اللي عندي استوكات، الاستوكات ديت مالهاش مواصفات، دي حاجة كده… بص يا أستاذ اسم الكريم إيه؟

العميل : طارق صلاح

المهندس منسي : أهلاً بيك يا أ/ طارق، إنت كل العملية الاستوكات اللي عندي دي أنا ما أقدرش أديلك فيها مواصفات، لأني أنا لو قلتلك بي بي ممكن تطلع شوية بي بي من فوق ومن جوة بي تي، فدي حاجات بتبقى استوكات يعني إيه؟؟ يعني حاجات آخر المدة، فأنا ماعنديش نظامي، كل اللي أنا عندي نظامي إن أنا أصنعلك، فكون إن إنت تجيب من بره يبقى مش طريقي

العميل : ما هو أسهلي وأسرعلي إن أنا آخد من عندك

المهندس منسي : آه إنت لو شايف إنك تقدر إنك تاخد من عندي يبقى خلاص نبدأ نشتغل، أما تقولي لأ أنا هجيب من بره ده إنت كمان بتعجزني إني أقولك عندي كمان، لأنه اللي باصص عليا وعمال يبص بره كمان مش مشجعني إن أنا أسمعله، ببقى أنا نفسي مش متشجع إن أنا أسمعله، ببقى في حيرة من أمري أسمعلوا ولا لأ؟ طب ماهو إنت واخد منه عربون، ما هو ممكن يجيي يقولك أنا عايز عربوني برده، فهنا العملية بتبقى اللي يجيي يقولك آه آخد منك بدل ما آخد من بره، فده بالنسبة لي ما يبقاش إيرجنت قوي

العميل : بص… إنت فاكر القاعدة بتاعتنا، أنا..

المهندس منسي : فاكر والله، فاكرك وفاكر البرنتر بتاعتك هي الأسامي بس هي اللي بنساها بس

العميل : طب بص يا جميل، أنا بالنسبة ليا مش عايز أشتغل في الميديا دي خالص، ولا كان على بالي إن أشتغل فيها من أول يوم قعدت معاك قلت كده، اللي حاصل الناس اللي بقعد معاهم طب الميديا.. طب الميديا.. طب الميديا،  مش عارف لأ قولي عشان أبقى عارف التكلفة كام، قولي عشان أبقى عارف الدنيا  ، اللي هوه عارف عايز يشيلني مسئولية الميديا عشان لو الميديا الراجل قالي بتتحمل حرارة وخلاص وبنغطيها، فأنا عايز الميديا من الاستوكات اللي عندك اللي تتحمل إحنا اتكلمنا قولنا 150-180 ْ قلتلي لأ اشتغل على الـ 180 ْ عشان ما تشتغل على الأقل اشتغل على الأعلى

المهندس منسي : بالنسبة للاستوكات دي بتبقى خامات مجهولة المسميات، يعني عشان خاطر نطلع من الاستوكات دي عايزه حد يبقى قاعد دماغه في وسط راسه يبدأ ينظم يجيب فليتر ويبدأ يعدل ويعمل وحاجات من دي، فإنت عملية الاستوكات من عمليات الكاستومايز، أما ده اللي هيبقى نظامي، نظامي يعني إيه؟ يعني هنعملهولك من أول وجديد، فإنت شوف السعر عندي لو السعر عندي مناسب وكويس، مش مناسب وكويس هضطر إنك تجيب من بره

العميل : تمام… بص هوه أنا طبعاً جديد على قصة الميديا دي ما اشتغلتش فيها خالص خالص، هما كتير وأنا مش عارف أبقى ضمنهم، أنا مثلاً الكتالوج اللي معايا في أكتر من 20  ، أنا مش عايز أشتغل في دول كلهم، أنا عايز أشتغل مثلاً في 4

المهندس منسي : آه هوه كفاية 3 ـ 4 خامات والباقي مش عندي وخلاص،  3 ـ 4 خامات أنا مش هكوش على الدنيا كلها

العميل : عشان بس أبقى فاهم وما أتوهش أنا كمان، أنا عايز مثلاً البلاستيك شفاف، البلاستيك الأبيض

المهندس منسي : البلاستيك الشفاف مثلاً نقول منه البولي إستر والـ بي بي، بي أوه بي بي

العميل : أهم حاجة عندي إن هوه يستحمل 180 ْ لأنه غير كده يروح يسيح في السخان ولاصق ويبوز المكنة

المهندس منسي : يبقى بولي إستر وده المتر بتاعه هيتكلف في حدود 10 جنيه المتر المربع، ////// ميكرون، يعني معناها إنك هتاخد رول 21، هيبقى الـ 5 متر بـ 10 جنيه، 5 متر × 21 تقريباً مثلاً، يعني معناها إن المتر المربع بـ 10 جنيه

العميل : هي الرولات بتيجي  لـ 300 متر، في حدود 300 متر ،مثلاً.. 300 ÷ 5 = 60 يعني حوالي 600 جنيه تقريباً

المهندس منسي : تقريباً آه إن شاء الله

العميل : طيب هقولك عشان ما يبقاش كلام على التليفون كده عايم، تقولي مثلاً في 4 أنواع

المهندس منسي : أقول لحضرتك تاني مافيش حاجة اسمها في لأنه مافيش، ده أنا عندي مكنة تصنعلك الاستيكر، فأنا هصنعهولك بالطلب، إحنا عندنا المكنة مكنة الكوتينج نفسها، الكوتينج لامينيشن نفسها هي دي اللي بتصنع الاستيكر، فدي أوردي موجودة عندنا، فإحنا هنصنع لحضرتك بالطلب، الناس اللي حضرتك بتراسلهم دول كلهم ماعندهمش، لذلك يقولك التسليم بعد 10 أيام

العميل : أنا ما راسلتش حد خالص لسه

المهندس منسي : لنفترض بقولك الناس دي كلهم مش موجود عندهم، لأن طلبات الحاجات دي بتبقى يقولك تكنيك كذا × عرض كذا، ما هو النهاردة لو صنع هيصنع إزاي بمواصفات… أصلها مش مكنة هيصنعها، دي خامة، والخامات دي مواصفاتها كتير جداً جداً جداً

العميل : طيب إنت فاكر لما اتكلمنا أول مرة، المرة اللي فاتت دي على طول، إنت قلت حاجة والحاجة دي كانت في غاية العقل، قلتلي أنا بتاع حلول، والمفروض إن أنا آخد فلوس على الحلول

المهندس منسي : بس هنا العميل مش بتاع كده، العميل إديني الحل جاهز عشان أشتري

العميل : آه…وده اللي أنا عرفته فعلاً، كل ما أروح لعميل يقولي طب استناني بس،  هيتكلف كام في المتر المربع؟ أو في الإيه فور؟ أو في الليبول؟ أقوله عملت القصة دي عملتها ودرستها وخلاص، يعني أقوله الليبول ده هيتكلف كذا، الأحبار كذا وسعر  كذا، طب في الميديا طب قولي الميديا هتتكلف كام عشان أبقى عارف  يقولي إيه يا سيدي إنت عندك 10 آلاف نوع ميديا هات اللي إنت عايزه واطبع عليه، لأ قولي عشان أبقى أنا عارف، حاضر عنيا هدورلك وأشوفلك، فأنا أول مرة قعدت معاك، أول ما جيه على بالي إنت، لأنك قلتلي أنا ببيع ميديا وعندي أنواع وبديك السعر اللي هديهولك لو حد جايلي من بره و100 واحد طلب البتاع ما بعليش عليه

المهندس منسي : مضبوط آه

العميل : طب عشان كده بقولك إنت أول واحد جيه على بالي حتى كلمتك وأنا قاعد مع الراجل يوميها بس إنت ما ردتش، بس كلمتك بالليل وخدنا وادينا مع بعض في الكلام، تقدر تجهزلي مثلاً تقريباً السعر وتقولي اللون ده هيبقى 250 متر، 300 متر هيبقى سعره كذا، رول بالمتر برده

المهندس منسي : آه… لأ هوه أجهزلك إيه ما هوه السعر اللي أنا قلتهولك ده هوه ده اللي عندي، يعني أقعد أكتبهولك على ورقة مثلاً يعني أديه للناس وإحنا ماشيين بيه؟

العميل : آه.. آه..

المهندس منسي : إلا إذا العملة زادت

العميل : العملة بتنزل دلوقتي

المهندس منسي : لأ سيبك من العملة، أنا هروح محول الـ 600 جنيه دي لل وأنا قاعد معاك أنا بدي أسعاري كلها بال ما بديش بالمصري

العميل : آه مضبوط

المهندس منسي : لأنه أنا بجيب بال من بره، لو طلعت نزلت إنت الكسبان فيها، أنا بشتري بال وببيع بال

العميل : مضبوط آه

المهندس منسي : 600 دول أروح محولهم على ال، وإحنا بنتكلم على الـ بي تي ولا الـ بي إي ..بي إي تي

العميل : بي إي تي شفاف

المهندس منسي : آه

العميل : والأبيض؟

المهندس منسي : كله سعر واحد

العميل : طيب خلاص، يا باش مهندس راجع نفسك….ألو…الصوت بيقطع

المهندس منسي : لو إنت هتراجع حساباتك في الشركة…

العميل : لا.. لا.. ما تشتغلش بالك، الحاجات دي بالنسبة لي أنا فاهمها مش عارف ليه أنا واثق فيك

المهندس منسي : ده العالم بتاعي

العميل : أنا ما أقعدتش معاك غير مرة المكالمة اللي فاتت دي خلتني أثق فيك شويه

المهندس منسي : لا تحت أمرك

العميل : أنا بتكلم بجد والله، طيب ربنا يكرم

المهندس منسي : الله يبارك لك يا غالي

العميل : طيب خلاص ماشي يا بيه

المهندس منسي : ماشي مع السلامة

العميل : شكراً، السلام عليكم