رولات بي في سي مقدمة من شركة المهندس منسي

العميل :سلام عليكم.

المهندس منسي : وعليكم السلام

العميل : شركة المنسي.

المهندس منسي : أيوه.

العميل : معاك المهندس وائل.

المهندس منسي : أهلاً بيك.

العميل : إزاي حضرتك. أنا عايز رول بي في سي رول حراري سماكة 180 ميكرون.

المهندس منسي : اللي عندنا حالياً بي إيه تي، أما البي في سي ممكن أجيبهولك بالطلب.

العميل : آه.. بي إيه تي.

المهندس منسي : آه.

العميل : وبيشتغل زي البي بي سي؟

المهندس منسي : لا اللحام بس اللي هيختلف.

العميل : أنا عايز، هيدخل على مكنة نفخ حراري، يعني تشكيل حراري عشان أعملها غطا للكباية الورق.

المهندس منسي : لا لا لا.

العميل : البي إيه تي، بيجي ممكن رول 33سم أو 36 سم.

المهندس منسي : براحتك أقدر أجيبهولك براحتك المقاس اللي إنت عايزه.

العميل : تمام، بكام الطن ده.

المهندس منسي : يبقى عامل في حدود 18.

العميل : و180 ميكرون.

المهندس منسي : إن شاء الله.

العميل : ده البي إيه تي.

المهندس منسي : أيوه.

العميل : والبي بي سي ممكن.

المهندس منسي : لا البي بي سي مش عندي حالياً إنما ممكن نجيبهولك بالطلب هيبقى عامل في حدود 17 كده يعني.

العميل : تمام… طب لو عايز مثلاً 33 مبدئياً عشان التجربة، نعمل تجربة ممكن يعني عايزه وقت أد إيه؟

المهندس منسي : نجيبلك بكرة تجربها تبقى، نجيب لحضرتك بكرة على حسابك تجربها.

العميل : تمام… أنا عاوز مثلاً 33 أو 36 مش كده؟

المهندس منسي : إن شاء الله.

العميل : تمام.. طيب الطن حوالي بكام الطن؟

المهندس منسي : في حدود 18.

العميل : لو عايز طن مثلاً عاوز وقت كام؟

المهندس منسي : بالنسبة للبي إيه تي والبي بي سي؟

العميل : لا البي إيه تي.

المهندس منسي : البي إيه تي موجود عندنا في المخزن حضرتك تيجي بس تثبتلنا جدية تعامل وهنجيبها ونقصها ونديهالك.خلي بالك البي إيه تي يفرق عن البي بي سي في الوزن، يعني لو عندك متر × متر في البي بي سي بيوزن مثلاً يوزن معاك كيلو و300 جرام، أما لو إنت جيبت مثلاً  بي إيه تي 1.1 هيفرق معاك 20% في المكسب.

العميل : آه.. 20% في بي إيه تي أقل.

المهندس منسي : آه… 20%  بالنسبة لك.

العميل : تمام.. والطن ده  من بي إيه تي وبيشتغل زي البي بي سي مش كده.

المهندس منسي : صحي صحي عن البي بي سي صحي.

العميل : تمام، ده الطن حوالي 16.

المهندس منسي : صحي وشفافيته أعلى….

العميل : تمام آه… هاده الطن بكام من الآخر يعني.

المهندس منسي : لا هوه إحنا أسعارنا نهائية.

العميل : تمام… كام دلوقتي من الآخر.

المهندس منسي : 18

العميل : 18، وبي بي سي ممكن 16 كده يعني.

المهندس منسي : إن شاء الله.

العميل : تمام… طيب عنوان الشركة بتاعكم فين.

المهندس منسي : إحنا عندنا باب الشعرية، حدائق القبة، مدينة نصر.

العميل : في حاجة قريبة مني من حوالي أكتوبر.

المهندس منسي : هوه أكتوبر عندنا في أكتوبر 7 مصانع ولكن الناس في أكتوبر معندهمش خبرة كافية بالموضوع.بس بتوع مكن مش بتوع خامات.

العميل : يعني لازم أنزل لباب الشعرية.

المهندس منسي : والله نتشرف بحضرتك ونتعرف عليك، إنت عندك مصنع في كوبايات…

العميل : تمام.. تمام أنا بدي أورد لبره بصراحة المادة دي، أنا بدي أبعتها لواحد عشان يصنعها ويوردلها لبره، أنا بصنع الغطا فهمت كيف.

المهندس منسي : آه.

العميل : أنا أصنع الغطا بتاع الكباية…

المهندس منسي : تمام.

العميل : تمام.. معناته ماشي اليوم أنا هشوف إيه المواضيع، إنتم بكره الصبح إمتى بتفتحوا أو شو أموركم شو أوضاعكم.

المهندس منسي : من 11-9.

العميل : من 11-9.وهذا رقم باب الشعرية مش كده.

المهندس منسي : لا هابعتلك أرقام المبيعات، أنا استشاري الشركة مش في المبيعات.

العميل : آه.. تمام، تبعتلي أرقام المبيعات، طيب ممكن على الواتس بقى أو في رسالة.

المهندس منسي : هبعتهالك في رسالة حالاً.

العميل : طيب ماشي كتر خيرك مغلبك معانا، بس سعر الطن 18 إن شاء الله.

المهندس منسي : مضبوط آه.

العميل : ماشي.. ماشي، أنا مستني رسايلك عشان أشوف الموضوع الدنيا فيها إيه وممكن بكره يا بعد بكره نضبط ونيجي.

المهندس منسي : تمام يا باشا.

العميل : أنا مستني رسالتك إن شاء الله.شكراً ليك يا باش مهندس مع ألف سلامة.