رولات فويل لتغليف علب الزبادى والكريمات من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: إحنا شركة ابتكار للدعاية
المهندس منسى: أهلاً بيك
العميل: بسأل على الفويل اللي بتغلف بيه علب الزبادي وعلب الكريمات والحاجات دي عند سيادتك؟
المهندس منسى: موجود آه
العميل: طب أسعاره أو إزاي… أول مرة أتعامل معاك، ده بيبقى مطبوع ولا سادة؟
المهندس منسى: براحتك لو عايزه مطبوع ماشي، لو عايزه سادة ماشي
العميل: طيب كويس، ده بالمتر ولا بإيه؟
المهندس منسى: بالكيلو
العميل: آه… الكيلو بكام؟
المهندس منسى: الكيلو سادة بـ
العميل: الكيلو مطبوع…
المهندس منسى: شوفلنا بس العبوة اللي إنت عايز تلحم عليها إيه وإحنا نبصلك عليها
العميل: والله في شركة تعبئة كريمات بنعملهم استيكارات والحاجات دي وهمه بيعبوا، فبيسألوني على التغليف بتاعها، الفويل اللي بيغلفها
المهندس منسى: ده بيبقى بالقطعة
العميل: آه
المهندس منسى: أنا بحسب إنت عايز بالطن اللي هتعمله أكياس وتعمله…
العميل: لأ.. لأ.. الفويل اللي بيغلف العلبة نفسها
المهندس منسى: حته الألومنيا اللي بتبقى على بق العلبة أو البرطمان
العميل: أيوه بالضبط كده، ده بالقطعة؟
المهندس منسى: بالقطعة آه
العميل: القطعة بقى بكام مطبوعة وغير مطبوعة؟
المهندس منسى: لأ ده إنت تبعتلنا عبوة نرفع مقاساتها، ونوريلك بعض الخامات اللي إنت تتفرج عليها
العميل: لما تقول أنا عايز دي نبدأ نقولك سعرها
المهندس منسى: كلام جميل، العنوان زي ما أنا شايف أمام مدرسة باب الشعرية الثانوية بنات شارع المنسي، خلف…
العميل: آه ده أحد الفروع ولكن إحنا عندنا فروع تانية
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: طيب إحنا في حلمية الزيتون، فأنا ابني اللي هييجي لسيادتك، يا ابني يا ابن أختي كويس هيتواصل مع سيادتك ويوريك العبوة والكلام ده ويتفق في الميعاد
المهندس منسى: فأعتقد يبقى كوبري القبة أقرب مكان لينا
العميل: حدائق القبة آه
المهندس منسى: حدائق القبة، أصل إحنا في ميدان الحلمية
العميل: خلاص ماشي
المهندس منسى: اديني عنوان حدائق القبة لو سمحت؟
العميل: ماشي هبعتهولك في رسالة دلوقتي حالاً
المهندس منسى: أشكرك جداً، شكراً جداً يا فندم
العميل: العفو
المهندس منسى: مع السلامة
