رولات صناعة اكياس السكر من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : باش مهندس حضرتك بتعملوا ورق سكر، فيلم من أفلام ورق السكر

المهندس منسي : عندنا ورق السكر آه

العميل : بتطبعوها يعني؟

المهندس منسي : آه إن شاء الله

العميل : طب بكام الكيلو يا فندم؟

المهندس منسي : بكام الكيلو إيه × إيه؟؟ ما هو في برشمانت، وفي براليز، وفي ورق أوبرين، وفي…. وكميات إيه؟؟ والديزاين إيه؟؟؟

العميل : طيب.. طيب.. ماشي، كلام حلو، أنا بس عشان بادي جديد فكنت شغال على الضيق كده، فكنت بتعامل مع واحد، وبعدين جيبت رقم حضرتك من على النت، حضرتك مكانك فين في القاهرة ولا فين؟

المهندس منسي : آه إحنا في القاهرة عندنا حدائق القبة، مدينة نصر، باب الشعرية، غمرة

العميل : كلام جميل، بص يا باش مهندس الفكرة كلها إن أنا جيبت ورق كان كويس، جابلي ورق تاني ضعيف، يعني زي البلاستيك كده ضعيف بيتقطع معايا

المهندس منسي : آه

العميل : تمام.. وأنا الورق اللي أنا عايزه عرض 5سم

المهندس منسي : ما هو طبيعي

العميل : ولو 4.8 برده ياريت يعني، فأنا يا فندم عاوز عينة من عند حضرتك أجرب الورق، لو كده أجيبلك الأكلاشيهات أو حضرتك تعملنا الأكلاشيهات… هي الأكلاشيهات تتكلف كام دلوقتي؟ هي لون واحد، أو لونين خلينا لونين، تتكلف كام؟

المهندس منسي : بص أنا هريحك هبعتلك دلوقتي تليفون المبيعات وحضرتك يستحسن لو حضرتك شرفتهم بالزيارة بالحاجة اللي في إيد حضرتك

العميل : مافيش مشاكل، أصل أنا بكلمك من بورسعيد

المهندس منسي : آه…

العميل : مافيش مشاكل، طب حضرتك ابعتلي رقم تليفون وواتس المبيعات

المهندس منسي : ماشي يا غالي

العميل : ماشي يا باش مهندس، آسف على الإزعاج حضرتك

المهندس منسي : ولا يهمك، مع السلامة