رولات ورق فويل من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : إزي حضرتك يا فندم، مساء الخير
المهندس منسي : مساء الخير
العميل : مساء النور يا فندم، كنت بستفسر بس على ورق الفويل المصفى أد إيه وبكام عشان أنا عايز كمية
المهندس منسي : أنا ببيعها جامب رول، يعني الرول وهوه كبير
العميل : آه الرول وهوه كبير، ما بتبعش مثلاً الأحجام الصغيرة
المهندس منسي : لا أنا… ده بقى بياخدوها بيقعدوا فئة صغيرة مش تبعي، إنما في اللف الصغيرة في التعبئة والتغليف موجودة
العميل : طب اللفة بتقف بكام لو أنا عاوز أشتري منك كمية مثلاً
المهندس منسي : هوه إنت عايز كمية أد إيه؟
العميل : يعني هي بالكيلو؟
المهندس منسي : بالطن، أنا مش هتفاهم معاك في التليفون في الحاجات دي، حضرتك تشرفنا بالزيارة تشوف السماكة اللي إنت عايزها، وتشوف العرض اللي إنت عاوزه، وتشوف الخامة اللي إنت عاوزها، وبناء عليها….
العميل : أيوه.. تمام كده حضرتك العنوان اللي موجود مضبوط؟
المهندس منسي : ويستحسن لو جبت عينة معاك
العميل : عينة زي اللي أنا عايزها تمام
المهندس منسي : هوه إنت عايز استخدام منزلي؟
العميل : لا يعني إن شاء الله هيبقى استخدام منزلي إن شاء الله
المهندس منسي : ماشي
العميل : ماشي يا باشا، أنا هاجي لحضرتك على العنوان اللي مكتوب صح
المهندس منسي : آه
العميل : ماشي يا فندم شكراً، اتفضل يا فندم مع السلامة
