رولات مطبوعة لاكياس الكريم والشامبو من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت كنت بسأل على اللي هوه بكر الرول اللي بيطبع ويتعمل يدخل على المكنة يتعبى كيس الأكياس اللي هوه الكريم والشامبوهات والحاجات دي، هل دي بتعملها عند حضرتك؟
المهندس منسي : اللي هي قول معايا كده تاني
العميل : اللي هي بكر بناخده من حضرتك كده مطبوع عرض الرول مثلاً بتاع 20سم كده، بيبقى فيه أنا بعبي فيه الشامبو والكريم، الشامبوهات والكريمات بس
المهندس منسي : آه عندنا آه
العميل : عند حضرتك، طب أنا معايا عينة طبعاً عايز آجي أشوف سعرها إيه وهي مطبوعة وبكام الكيلو أو المتر، هي بالكيلو طبعاً مش كده؟
المهندس منسي : إن شاء الله
العميل : بإذن الله طب دي تعمل كام حضرتك مطبوعة؟
المهندس منسي : حضرتك شرفنا بالزيارة نبص على العينة ونبص على الديزاين ونشوف الشبكات ولا إيه وضع العينة
العميل : تمام
المهندس منسي : نبدأ نديلك البرايز ليست بتاعتها كاملة
العميل : طيب ماشي.. طب المكان فين من المترو مثلاً لو نزلت مترو باب الشعرية قريب منه
المهندس منسي : والله يا سيدي أنا أجدع واحد يوصف، لو وصفتلك إن شاء الله مش هتعرف توصل، هبعتلك أنا العنوان في رسالة دلوقتي حضرتك هتيجي عليه إن شاء الله
العميل : طب ياريت، كتر خيرك يا فندم، طب مواعيد سعادتك، حضرتك أجازة الحد ولا أجازة الجمعة؟
المهندس منسي : أنا استشاري الشركة بس هوه هتلاقي في الرسالة العنوان ومعاه 3 تليفونات بتوع المبيعات هتابع بقى مع أي حد فيهم
العميل : خلاص ماشي يا فندم متشكرين لحضرتك
المهندس منسي : مع السلامة
العميل : الله يسلمك
