عينات اكياس مقدمة من شركة المهندس منسي
العميل : السلام عليكم.
المهندس منسي : ألو مساء الخير.
العميل : مساء الخير يا فندم.مع حضرتك أحمد بدر من المختبر.
المهندس منسي : أهلاً وسهلاً.
العميل : كنت واخد من حضرتك اكياس
المهندس منسي : آه أهلاً بيك.
العميل : تمام، كنت عايز أسأل حضرتك ، أنا باخد 4000 كيس.
المهندس منسي : آه.
العميل : طبعاً حضرتك أنا كنت باخد كميات قليلة شوية خمسميات ستميات، كان بيبقى غالين قوي.
المهندس منسي : معاك يا باشا.
العميل : أنا عايز أعرف لو خدت 4000 كيلو دلوقتي حضرتك تديني الكيلو بكام؟
هو الكيس بياخد 1 كيلو.
المهندس منسي : كده لسة ما تطلعتش عن الباكدج، هوه الباكدج عشان تلم السعر 10000.
العميل : 10000 كيلو.
المهندس منسي : آه.
العميل : آه.
المهندس منسي : أما إنت لو عايز تنزل في السعر إنت ممكن تاخد الخامة وتاخد مكنة التصنيع…
العميل : أنا كده عندي المكنة بتاعتها تمام، ولكن يعني لقينا صعوبة في إن إحنا ناخد الخامة ونقفل والكلام ده.
المهندس منسي : آه.
العميل : إن إحنا ناخد الخامة ونقص ونلحم وكله، فلقينا فيها صعوبة شوية بالنسبة لنا، أو العمالة مش متوفرة بالنسبة لنا في وقت ما، نقعد حد يقفل أكياس.
المهندس منسي : مضبوط آه.
العميل : والخامة.
المهندس منسي : آه.
العميل : فإحنا كنا عايزين برده ناخد الحاجة جاهزة يعني.
المهندس منسي : ماشي يا باشا.
العميل : أيوه حضرتك هتدينا بكام بقى الـ4000.
المهندس منسي : يعني قول 10000 عشان تقدر تاخد سعر الكيلو مثلاً يعمل 116 قرش.
العميل : يعمل إيه؟
المهندس منسي : سعر الكيس الكيلو يعمل 116 قرش في الـ10000.
العميل : سعر الكيس الواحد.
المهندس منسي : آه.
العميل : 116 قرش، كتير أنا كنت باخده قبل كده بـ 75 قرش.
المهندس منسي : بتخده من مين، مين اللي كان يتعامل معاك؟
العميل : من حضرتك.
المهندس منسي : مني أنا المهندس منسي نفسه.
العميل : لأ الحاج اللي كان شغال مع حضرتك.
المهندس منسي : آه.. ده رجل عسل، لما خربها هو كان بيديهالك الورق ورق على ألومنيا على بولي إيثيلين….
العميل : هوه كان خفيف أصلاً مش تقيل.
المهندس منسي : آه يبقى إنت بتكلم على كيس وأنا بتكلم على كيس تاني.
العميل : ممكن هوه كان كيس خفيف أصلاً مش تقيل.
المهندس منسي : أنا بكلمك على كيس ألومنيوم فويل التلات طبقات بتاع المبيدات والكيماويات
العميل : أصل يا باشا أنا هقول لحضرتك، إحنا بنحطه في علبة تاني كرتون، إنت معايا.
المهندس منسي : آه..
العميل : يعني الفكرة عندنا…هوه في كيس نفس الشكل حلو.هوه إحنا بنحطه في علبة علشان يحافظ… إحنا بنطبع العلبة مش بنطبع الكيس. تمام.
المهندس منسي : لا عادي إنت ممكن تعمل على الكيس استيكر.
العميل : لا لا لا هوه إحنا بنفضل العلبة والكيس ونستغل….
المهندس منسي : إنت عايز تتكلف
العميل : خالص مش الفكرة إني عايز أتكلف..
المهندس منسي : إنت عارف سعر ال النهاردة كام ولا ما تعرفش؟
العميل : الإيه؟
المهندس منسي : ال إنت عارف النهاردة بكام ولا ما تعرفش؟
العميل : سعر ال هوه كل ما اكلم حد يقولي سعر ال إيه يا جماعة في إيه؟
المهندس منسي : أيوه إحنا بنتعامل ال هوه إحنا في حاجة عندنا؟ما هو كل حاجة إحنا بنستوردها، النهاردة ما فيش بلد لوحدها، كل البلاد مجتمعة ما بعضها.
العميل : مفهوم طبعاً، بس أنا عايز أقول لحضرتك أنا مش بكلف…
المهندس منسي : حضرتك بتكلمني دلوقتي أيام ما كان ال بـ 5.50 جنيه، النهاردة وصل 9.80.
العميل : لا يا راجل مستحيل، قريب قوي.
المهندس منسي : ما هوه قريب مش بعيد
العميل : حتى أنا بقول لحضرتك إحنا بنعمل العلبة ممكن نكون أصلاً مضطرين ليها،
المهندس منسي : تمام، الناس اللي بياخدوا مننا همه بيطلبوها يعني.
العميل : بيطلبوا العلبة يعني.
المهندس منسي : آه طبعاً.إذا كان عليا أنا أعمل الكيس وأوفر عليا تمام.
العميل : آه.
المهندس منسي : فأنا بقول لحضرتك إن أنا بروح أكلف العلبة وبتاع وكل القصة دي عشان التجار اللي بياخدوا مني
العميل : أنا معايا توكيل أصلاً
المهندس منسي : أصل هوه حتى المنتج نفسه لما يوصل للمستهلك المستهلك يفتح يلاقي الكيس بتاعك محترم بيثق في المنتج ما بيحسش إن هوه قدام شركة صغيرة، بيحس إن هوه قدام شركة محترمة…. فدي لوحدها….
العميل : ما هوه أنا يا باشا هقول لحضرتك، أنا أصلاً باخد المنتج بتاعي من شركة أبوزعبل، مصنع 18 حربي.
المهندس منسي : أنا فاهم.
العميل : معايا.
المهندس منسي : ما هوه عيبنا يا مصريين إن إحنا بنعمل إيه، بنجيب المنتج صح ونحطه في كرتونة أي كلام، هوه ده اللي بيبوظ الدنيا.
العميل : مضبوط هوه ده اللي بيبوظ الدنيا.
المهندس منسي : عارف حضرتك لو حطيت التغليف مضبوط 100% آه لا ده…
العميل : والمنتج مش بيرفكت، والمنتج مثلاً 50% بتمشي والدنيا تبقى تمام.
المهندس منسي : مش شرط المنتج، ممكن أحط كله تمام، ممكن أحط المنتج مضبوط في التغليف مضبوط، أهم حاجة التغليف بقى، لأن التغليف هوه اللي هيظهر المنتج لأن إنت دلوقتي ما تبصش للزبون بتاعك اللي هوه التاجر، بص للعميل النهائي، لأن العميل النهائي هوه اللي هيصرف فلوسه على التاجر.
العميل : بالضبط.
المهندس منسي : ليه؟ لأن العميل النهائي أخد من حضرتك فتح العلبة لقى الكيس ألومنيا واخد بالك، حس بالاحترام ناحية المنتج.
العميل : آه.
المهندس منسي : جاله إيحاء إنه لو خد المنتج ده هيجيب نتائج عالية.
العميل : أيوه فعلاً.
المهندس منسي : فكل ما هيقولك هيقولك لا ده العجاتي ده منتج إيه يعني شركة محترمة..فهمتني إزاي، فهوه ده اللي هيفرض اسمك بعد كده على التاجر، يعني التاجر بدل ما يفرض شروطه عليك إنت اللي هتفرض شروطك. يعني بيطلب منك طلب لو عايز يوقف حاله يبقى إحنا ما لناش فيه.
العميل : كل ده مفهوم حضرتك ، إحنا بنجيب الكيس بولي إيثيلين على طبقة ألومنيا على معرفش إيه فبيبقى محمل قوي، تمام.
المهندس منسي : آه.أخدتوه بعد كده
العميل : أخدناه بعد كده أقعدنا نخف نخف نخف في الخام نخف في الخام، لحد ما وصلنا يمكن للربع.
المهندس منسي : آه.
العميل : كان معايا كيس أبيض حتى.
المهندس منسي : آه.
العميل : اتفضل…ألو..
المهندس منسي : معاك يا باشا.
العميل : ألو…ألو….
المهندس منسي : أيوه معاك.
العميل : أيوه يا باش مهندس، يعني بقول لحضرتك خالص اللي هوه الكيس الأبيض.
المهندس منسي : كيس أبيض يعني طبقة ورق؟
العميل : هوه بره أبيض ومن جوه صب عادي.
المهندس منسي : آه يبقى إنت بتتكلم على كيس اسمه //////
العميل : إيه؟
المهندس منسي : كيس اسمه //////
آه.
العميل : هوه أنا أخف كيس ممكن، تمام، واخد بال حضرتك ويرجع يتحط تاني في علبة تاني كرتون وقصة كده، والكرتونة دي ترجع تتحط في كرتونة تاني كبيرة تمام.
المهندس منسي : آه.وبعدين أصلاً في نقطة ممكن حضرتك تكون غايبة عنك ، مش إن أنا صاحب الشركة.
العميل : آه.
المهندس منسي : فالعميل بيحملني بيقولي إيه، بيقولهالي كده أنا عايز أعلى الإمكانيات وأقل الأسعار.
العميل : ما هي دي المطلوبة منك طول العمر، مش عندك لوحدك، دي عند الكل ما تقلقش.
المهندس منسي : بالضبط
العميل : فأنا كنت عايز آخد الأكياس ما أعرفش حضرتك هتدهالي بكام؟
المهندس منسي : حضرتك بقى تشرفنا وتقعد مع الحاج حامد وهوه هيتفق معاك إن المهندس منسي : شاء الله.
العميل : ألو… ألو….
المهندس منسي : سلام عليكم.
العميل : سوري يا باش مهندس.
المهندس منسي : خلاص تابع مع عم حامد أنا مش مبيعات أنا استشاري بس أقولك على نصيحة أفهمك حاجة بس فهمتني.
العميل : مع حضرتك.
المهندس منسي : فتابع مع عم حامد بقى.
العميل : طب أنا والله الرقم كان ضاع من عندي.
المهندس منسي : هبعتلك أرقام المبيعات في رسالة دلوقتي حالاً.
العميل : مرسي قوي شكراً مع السلامة.
