سليف شرينك على غطا عبوات العسل من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: أنا جاسر اللي كنت بكلمك على الواتس آب
المهندس منسى: آه أهلاً بيك
العميل: إزيك يا باشا
المهندس منسى: الحمد لله
العميل: بص أنا عندي أنا بعبي عسل كنت عايز أعمل الشرينك اللي على الغطا نفسه ده
المهندس منسى: آه ما هو أنا فاهم، لازم نشوف العينة عشان خاطر نشوف عدد الألوان ونشوف…
العميل: بص أنا بعتلك حاجة كده زي الغطا كده معمول عليها الشرينك نفسه، هوه ده عند حضرتكم ولا…
المهندس منسى: كل أنواع الشرينك وكل مواد الشرينك إحنا بنصنعها وبنطبعها، عندنا مطبوع وسادة وكل حاجة، بس هوه حضرتك عايز تعرف السعر وبس، هوه إحنا عايزين نشوف الكمية اللي مطلوبة أد إيه، وعدد الألوان أد إيه… الحاجات دي لازم عشان نحدد التكلفة
العميل: يعني إنت لو قلتلي مكنة الشرينك عندك بكام؟ هقولك مكنة الشرينك بكذا، إنما المواد بالذات مواد التغليف بالذات لازم يتحسب كل عملية لوحدها على أساس إن أنا مش عارف الكمية اللي حضرتك عايزها أد إيه؟؟ ولا عارف عدد الألوان اللي حضرتك عايزه أد إيه؟؟ ولا عارف السماكة اللي إنت هتطلبها أد إيه؟؟؟
المهندس منسى: إنت حضرتك أنا عايزها الغطا، شفت الغطا مش بيبقى فيه زي أزايز المياه المعدنية دي
العميل: آه ما هو القطر كام؟؟؟ ما الحاجات دي لازم عايزين نعرفها
المهندس منسى: وبعدين إحنا لاحظنا إن العميل أوقات بيدينا الطول على إنه القطر، ويدينا العرض على أنه الطول… فبنلاقي نفسنا بندي أسعار خاطئة، عشان كده أي حد بنطلب منه عينة عشان خاطر نقدر نحدد له السعر مضبوط
العميل: طب أقل كمية بكام؟
المهندس منسى: أقل كمية إيه بكام؟
العميل: الشرينك ده
المهندس منسى: مافيش حاجة اسمها أقل كمية بكام، حضرتك ابعتلنا عينات أو شرفنا بالزيارة هنتفرج على الحاجة هنقولك دي سعرها بكذا، هنعملك دراسة تكاليف وإنت قاعد
العميل: آه
المهندس منسى: وبالمرة تتفرج على باقي الخامات، إحنا عندنا مكن كتير قوي، عندنا مكن تعبئة العسل، وعندنا مكن تغليف شرينك العسل… عندنا حاجات كتيرة قوي
العميل: عندنا العبوات.. عندنا حاجات كتيرة قوي
المهندس منسى: ماشي، إنت في باب الشعرية كده؟
العميل: إحنا عندنا حدائق القبة، مدينة نصر، باب الشعرية، 6 أكتوبر
المهندس منسى: هوه إنت منين؟
العميل: مدينة نصر فين؟
المهندس منسى: هبعتلك المعلومات بتاعته في رسالة دلوقتي حالاً
العميل: خلاص ماشي يا باشا
المهندس منسى: مع السلامة
العميل: مع السلامة
