شركة المهندس منسى لماكينات التعبئة والتغليف
العميل: سلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: إزيك يا باشا
المهندس منسى: أهلاً بيك يا غالي
العميل: معاك المهندس أحمد عبد السلام يا باشا
المهندس منسى: أهلاً وسهلاً
العميل: دلوقتي حضرتك أنا فاتح مصنع صابون بس لسه بادي يعني، جيبت الأزايز وطبعت الاستيكارات والكباسيل، فقريت على النت إن حضرتك عندك المكن والاحتياجات بتاعته
المهندس منسى: أيوه
العميل: إيه بقى الاحتياجات بتاعت المصنع بحيث إن آجي لحضرتك يوم أشوف الحاجات دي
المهندس منسى: حضرتك تقولي على احتياجات إيه وأنا بقولك آه موجودة
العميل: يا فندم أنا لسه بادئ حالاً….
المهندس منسى: كل الاحتياجات موجودة
العميل: أنا لسه بادئ لسه ما اشتغلتش، فاهمني
المهندس منسى: فاهمك آه
العميل: فأنا عندي صابون سايل….
المهندس منسى: طب قولي بالله عليك يعني أنا مثلاً دلوقتي لما أنا إنت بادئ، طب أنا دلوقتي عندي أكتر من 60 مكنة، المفروض إن أنا أكرلك الـ 60 مكنة؟؟!!
العميل: لأ…
المهندس منسى: وحد الله خش الموقع بتاعنا وبص على الكتالوجات بتاعتنا والصور بتاعتنا والمكن بتاعنا….
العميل: يا باشا المصنع بتاعي، أنا برده بكلمك زي أخويا الكبير
المهندس منسى: آه.. ده شرف ليا
العميل: الله يخليك، أنا دلوقتي لسه بادئ والمصنع صغير، لسه على قدي، إنت تنصحني بإيه، بحيث إن أنا آجي لحضرتك يوم مثلاً تنصحني تقولي مثلاً المكنة ديت تشتغل عندك، أروح أشتري منك وماشي
المهندس منسى: حضرتك تشرفني بالزيارة عشان تشوف المكن على طبيعته…
العميل: آجي لحضرتك إمتى؟
المهندس منسى: إحنا موجودين من 11-9 طول أيام الأسبوع ماعدا يوم الجمعة
العميل: العنوان فين بالضبط؟
المهندس منسى: هبعتلك العنوان في رسالة حالاً
العميل: ماشي اتفضل يا باشا، قبل ما هاجي هكلمك برده
المهندس منسى: ماشي يا غالي
العميل: اتفضل يا فندم.. اتفضل
الأخ الكريم أرجو منك الضغط علي الرابط التالي تجد به جميع عناوين فروع مجموعة شركات المهندس منسي للتغليف الحديث و الصناعات الهندسية ام توباك M2Pack
