خامات الألومنيوم فويل من شركة المهندس منسي

مهندس منسي : سلام عليكم

العميل : وعليكم السلام أيوه يا باش مهندس

مهندس منسي : أيوه يا غالي

العميل : أنا دخلت على السايد بتاعكم فلقيت إن فيه نوعين اللي هوه الألمونيوم فويل اللي هوه رقائق القصدير في أغذية الحيوانات الأليفة، والألمونيوم في عبوات الأغذية المحفوظة، ما أعرفش إحنا يلائمنا تقريباً بتاع الأغذية المحفوظة….

مهندس منسي : هي هيتحط فيها إيه؟

العميل : نعم.. هي هيتحط فيها توم مجفف

مهندس منسي : آه

العميل : توم مجفف.. هتبقى…

مهندس منسي : توم مجفف يبقى إنت هتحتاج بولي إستر ألومنيوم بولي إيثيلين

العميل : ألومنيوم بولي إيثيلين

مهندس منسي : لأ بولي إستر ألومنيوم بولي إيثيلين

العميل : طيب أنا عايز الشكارة هتاخد 25 كيلو أنا اللي هعبي عندي إنت تيجبلي الشكاير وأنا هعبي عندي

مهندس منسي : آه ما فيش مشكلة

العميل : تتقفل إزاي الشكاير؟

مهندس منسي : في عندنا مكنة لقفلها.

العميل : مكنة لقفلها، طيب أنا هأقفل عندي

مهندس منسي : ماشي هوه أنا قلت حاجة

العميل : آه يعني…

مهندس منسي : مكنة مش غالية يعني، مكنة بـ

العميل : بـ

مهندس منسي : حولهم بالجنيه المصري

العميل : آه طيب ده ممكن بعد كده أحط الكيس في كرتونة مش كده.

مهندس منسي : آه عادي بقى…

العميل : عادي طيب… الطن بتاعها طن الأكياس بأد إيه، بكام؟

مهندس منسي : يعني بيبقى بحسب الكمية اللي إنت هتطلبها، يعني لو هتطلب طن هيبقى في حدود 35 جنيه 36 جنيه كده يعني

العميل : أنا بتكلم في إن أنا عايز الأكياس دي تكفي يعني أعبي فيها 20 طن

مهندس منسي : أنا ما ليش دعوة إنت هتعبي إيه أنا ليه…

العميل : مهو هطلعلك عدد الأكياس

مهندس منسي : يا سعادة الباشا الله يرضى عليك، أنا ليه اللي إنت هتطلبه مني، إنت هتطلب بالكيلو ولا هتطلب بالكيس؟ لو طلبت بالكيس يبقى هقولك سعر الكيس كذا، لو طلبت بالكيلو هقولك سعر الكيلو كذا

العميل : الكيلو 35 ولا الطن 35

مهندس منسي : أقل كمية بقى 250 كيلو، وممكن نتجاوز ونخليها 200 كيلو

وممكن نديلك الخامات ونعلمك إزاي تفصلها وتعملها كيس

العميل : آه بالمكن

مهندس منسي : آه.. لو إنت طلبت كمية أقل من 200 كيلو

العميل : آه.. طب إنت بتصورك معلش عشان إنت شغال في السوق الأكياس اللي هي 60 × 70 تقريباً عشان نعمل مثلاً 200 طن…

مهندس منسي : ما هوه كل واحد متوقع إن أنا شغال في المجال ده بس، لا أنا شغال في كل المجالات في الأغذية وفي الأدوية وفي مواد البناء، فأكيد من هاحفظ كل كيس هيبقى كام ومقاسه كام وكده يعني.. هيبقى صعب

العميل : آه… يعني سعر الكيلو 35 جنيه

مهندس منسي : تقريباً 35 جنيه ده للكميات الكبيرة، طب افرض الكمية قليلة، يبدأ السعر يزيد حوالي 12.5% عن كل باكدج

العميل : آه.. طب تمام.. التسليم بعد أد كده

مهندس منسي : البضاعة حاضرة.

العميل : بضاعة حاضرة.. تمام.. طيب أنا هشوف… طيب ده شامل ضريبة المبيعات والحاجات دي

مهندس منسي : لا دي غير شامل، دايماً الأسعار بتبقى غير شاملة، يعني حضرتك دلوقتي لما تقف قدام حاجة هيقولك شامل ضريبة المبيعات، بالتأكيد غير شامل لازم

العميل : آه… طيب ماشي، طيب أنا هشوف كده وهكلمك شكراً

مهندس منسي : العفو

العميل : مع السلامة