صناعة جميع اسطمبات وعبوات زيت الطعام من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : لو سمحت مع حضرتك عبد العزيز من القناطر الخيرية

مهندس منسي : أهلاً وسهلاً

العميل : لو سمحت كنت عايز آخد فكرة عن عبوات زيت الطعام

مهندس منسي : آه عايز تصنع العبوات دي يعني

العميل : آه عايز أصنعها، أنا بادئ مشروع تعبئة وتغليف جديد ، فعايز آخد فكرة عن زيت الطعام

مهندس منسي : آه أزايز الطعام

مهندس منسي : طب إنت عايز تعبي فيها إيه؟

العميل : هعبي فيها زيت يا فندم

مهندس منسي : آه… عايز تعبي عبوات الزيت آه، هوه إحنا مش بنصنع العبوة وبنديها… إحنا بنصنع العبوة بالشكل اللي إنت عايزه، يعني لما تيجي تقول مثلاً عبوة شركة نستلة مثلاً، ينفع بركة تعمل زي نستلة

العميل : لأ

مهندس منسي : فهنا إحنا بنعتمد على الحاجات دي، بنعتمد إن إحنا نعمل العبوة بتاعت حضرتك ما تتعملش إلا لحضرتك بس، لكن لما عبوتك تلاقيها في أي حتة تعرف إن عبوتك مثلاً هي دي عبوتك الأصلية، ما يحصلكش مشاكل بعد كده، إنما أنا دلوقتي لما أديلك أي عبوة كله.. كله.. زي بعضه، بالنسبة لنا ما ينفعش

العميل : طب هوه حضرتك أنا لو عملت عبوة مثلاً بتاعت شركة تانية، وحطيت عليها الاستيكر بتاعي ده فيها مشكلة؟

مهندس منسي : بالنسبة لنا فيها مشكلة، بالنسبة لنا إحنا ما بنعملش كده

العميل : ليه إيه الفكرة في كده يعني؟

مهندس منسي : الخصوصية، بنحافظ على عملائنا، إحنا بنشتغل بس مع العملاء اللي عايزه تعمل اسم

العميل : تمام… طيب أنا لو عايز أبدأ أبدا إزاي؟؟ أنا لسه ببدأ في المشروع، أنا عايز أعرف أبدأ منين؟

مهندس منسي : هوه حضرتك بتبدأ في عندنا أوردي اسطمبات بتيجي تتفرج عليها، لو عجبك شكل بنقدر نصنعلك عليه العبوات اللي إنت عايزها والاسطمبة دي بتبقى بتاعتك

العميل : تمام…

مهندس منسي : واخد بالك

العميل : تمام…

مهندس منسي : عندنا كمان المكنة اللي بتعبي، لو عايزها، اللي بتعبي زيت الأكل، أو اللي بتعبي المواد الغذائية زي ما إنت بتقول

العميل : تمام…

مهندس منسي : وعندنا كل الحاجات دي

العميل : طب حضرتك هوه الإدارة فين، أو الشركة؟

مهندس منسي : إحنا عندنا حدائق القبة، مدينة نصر، باب الشعرية

العميل : تمام… طيب معلش سؤال تقيل شويه

مهندس منسي : اتفضل

العميل : بالنسبة لو إزازة عادية اللي هي مثلاً شركة.. إي شركة عادية، اللي هي مثلاً إزازة 800 مللي تعملها في رينج كام تقريباً كده؟

مهندس منسي : إحنا بنبيع العبوات بالكيلو، بالكيلو إزاي؟؟ يعني بنمسك العبوات كلها ونزونها، عايز تعرف الرينج، شوف سعر الخامة في السوق كام النهاردة، أو تمسك العبوة تفضيها وتنفضها كويس بعد كده توزنها على ميزان جواهرجي وتضرب الجرام × 4 صاغ

العميل : طيب تمام.. ماشي متشكر جداً

مهندس منسي : أنا تحت أمرك

العميل : ماشي مع السلامة