صناعة جميع الخامات والعبوات البلاستيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : أنا جيبت رقم حضرتك من على النت
مهندس منسي : أهلاً بيك اتفضل
العميل : كنت بسأل على شكل عبوات كده حضرتكم عارضينها اللي هي الأزايز البيضا البلاستيك اللي هي أحجامها بتعبي فيها إزازة الكاتشب
مهندس منسي : بص حضرتك إحنا عندنا عبوات كتيرة جداً صنعناها للناس، يعني إحنا بنصنع بناء على طلب العميل، مش بنصنع… مش عندنا منتج بضاعة حاضرة بنبيعه في العبوات يعني
العميل : أيوه يعني مفيش بضاعة حاضرة
مهندس منسي : نعم؟؟
العميل : معندكوش منتج بضاعة حاضرة، حسب رغبة العميل، مش كده؟
مهندس منسي : إحنا بنصنع بناء على طلب العميل، يعني بنشوف العميل عايز إيه بنعمله العبوة بتاعته هوه وما ينفعش نصنعها لغيره، عشان خصوصية العميل
العميل : طب الحد الأدنى من الكمية؟
مهندس منسي : براحتك الكمية اللي إنت عايزها لسبب بسيط، لأن الاسطمبة بتاعتك
العميل : طيب بص حضرتك أنا أوضح لحضرتك الصورة، أنا عايز الإزازة البلاستيك ديت أستعملها في إيه؟ هحتاج بوتول بشكل كوبون، يعني مش عايز عبوة خاصة بيا…
مهندس منسي : آه.. ده مش تبعنا
العميل : هحتاج 200 قطعة
مهندس منسي : ده مش تبعنا، إحنا بنشتغل بس على الخصوصية
العميل : طب تقدر تدلني؟
مهندس منسي : صدقني أنا ما أعرفش أدل حد في جمهورية مصر على حد
العميل : طب أنا لو حبيت أعمل عبوة خاصة بيا الاسطمبة دي تكلفني كام؟
مهندس منسي : في حدود ، وفي اسطمبات عندنا بضاعة حاضرة يعتبر استوك جاي من بلغاريا بتعمل الاسطمبة بس
العميل : اسطمبات جاهزة؟
مهندس منسي : آه
العميل : العبوة لتر أو لتر ونص مثلاً
مهندس منسي : آه.. حضرتك بتاخد الاسطمبة بنكتب اسم حضرتك عليها، بيتحفر اسم شركتك عليها ودي بقت بتاعتك خلاص، ما ينفعش نعملها لحد تاني
العميل : تمام… المقر بتاعكم فين حضرتك؟
مهندس منسي : المقر اللي فيه الاسطمبات ولا المقر الإداري؟
العميل : لأ لو أنا عايز أقابل حد عشان أشوف الاسطمبة وأتفق عليها؟
مهندس منسي : هبعت لحضرتك عنوان الفرع دلوقتي في رسالة، هوه فرع أكتوبر، هو اللي فيه الاسطمبات بضاعة حاضرة
العميل : ممتاز، أنا ساكن في أكتوبر أصلاً
مهندس منسي : أما بالنسبة للإدارة فهي في عدة أماكن في القاهرة
العميل : حضرتك أشتري الاسطمبة وحضرتك هتحنقلي الكمية اللي أنا عايزها مش كده؟
مهندس منسي : أكيد آه
العميل : طب تمام، هنتظر من حضرتك الرسالة
مهندس منسي : إن شاء الله
العميل : شكراً
مهندس منسي : مع السلامة
العميل : شكراً جزيلاً، آسف على الإزعاج
مهندس منسي : لا ولا يهمك يا غالي
العميل : شكراً
مهندس منسي : مع السلامة
