صناعة جميع العبوات البلاستيك من شركة المهندس منسي

العميل : صباح الخير يا باش مهندس . ازى حضرتك ؟

مهندس منسي : بخير الله يخليك

العميل : الله يخليك يا بشمهندس

العميل : كنت بعت لحضرتك شكل امبارح الشكل ده قصدى الشكل اللى كنا محتاجين له ، عارف حضرتك العلب اللى بتضغط عليها وتقفل هى ديه اللى عيزينها عشان كده اتعمدت اوريك الحروف اللى من فوق ديه .

مهندس منسي : اه

العميل : حضرتك معايا يا بشمهندس

مهندس منسي : معاك اه

العميل : فعشان كده بقول لسعتك ديه العلبة اللى بضغط عليها تركب الغطاء وتضغط عليها وتقفل وتضغط عليها تانى وتسحبها تفتح مع حضرتك ديه ايه اخرها كام عاملة مع حضرتك كام ؟ لو حبنا نعمل حاجة زى كده

مهندس منسي : احنا بنعمل الاستمبات الاول والاستمب بتكلف بعد كده نبدا ننفذ العبوات وبعد كده العبوات تفسها بتتوزن الجرام بيضرب فى 4 او 5 قروش حسب سعر البلاستيك فى اليوم ده .

العميل : الاستميا بتعمل كام حضرتك ؟

مهندس منسي : بتعمل

العميل : . اووف

مهندس منسي : عايز تعرف سعر العبوة امسك العبوة واوزنها على ميزان جواهرجى تعرف سعر العبوة بالضبط قد ايه .

العميل : تمام . بس الاستمبا لوحدها ده رقم يعنى مفيش حد هيعمل …..

مهندس منسي : احنا بنحافظ على خصوصية العميل المنتج مثلا متقدرش نعمل المنتج مرتين بنعمل العبوة وبعد كده نديها للعميل وتديله الاستمبا بتاعته ولما يجيي ينتج ينتج تانى على الاستمبا ينتج عليها عشان نحافظ على عملية ضرب المنتجات ، بس مينفعش اعملك عبوة ولاى حد يجيي عايز عبوة نديله عبوتك ..

العميل : اكيد طبعا اكيد طبعآ . عارف عارف بس الاستمبا نفسها تكلفتها انا مش عارف انا بحاول استوعب من حضرتك انها غالية كده

مهندس منسي : اه ، ده ابسط سعر فى العالم كله

العميل : طب انا لو جبت لحضرتك الاستمبا جاهزة

مهندس منسي : اه ده عادى ممكن نصنعلك عليها مفيش مشكلة

العميل : ممكن عادى يعنى

مهندس منسي : اه عادى ممكن مفيش مشكلة

العميل : طب حضرتك بتقول اننا بنوزن القطع ديه ونشوف كام ونضرب فى 4 قروش

مهندس منسي : من 4 الى 5 قروش حسب سعر اليوم

العميل : هى كل يوم بسعر

مهندس منسي : اه يا افندم الدنيا طالعة

العميل : طب خلاص

العميل : ماشي يا بشمهندس هرجع لساعتك

مهندس منسي : تمام سلام