طبات الومنيوم فويل من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : لو سمحت ام تو باك صح
المهندس منسي : آه
العميل : كنت بس عايز أسأل على حاجة ممكن أكلم حضرتك ممكن تساعدني
المهندس منسي : آه اتفضلي
العميل : عايز أسأل على الكفرز بتاعت البرطمانات الازاز
المهندس منسي : الـ إيه؟
العميل : الإزاز
المهندس منسي : آه
العميل : ممكن تقولي عليها شويه عشان أنا عايزه أجيب كفرز زي دي بس مش عارفه إنتم بتعملوا إيه، يعني إنتم بتسوقوها إزاي؟
المهندس منسي : هوه الكفر ده بتاع التغليف اللي إنتي قصدك عليه؟
العميل : أيوه هو الكفر ده استيكر
المهندس منسي : إحنا بنعمل استيكر والكفر التاني اللي هوه الشرينك
العميل : في الاستيكر اللي بتتحط تحت الغطا صح؟
المهندس منسي : ده اسمه طبقة ألمومنيوم فويل اللي هوه على بق العبوة
العميل : أيوه
المهندس منسي : آه
العميل : بالضبط هوه ده
المهندس منسي : طيب اتفضلي
العميل : هوه ده استيكر ولا إنتم بتعملوا ولا إنتم بتحطوا ولا إنتم بتعملوا إزاي؟
المهندس منسي : آه.. بنعملوا وبنديهولك إنتي بتركبيه
العميل : أوكيه، طيب أنا ممكن إزاي أطلب أوردر أنا عايزاه؟
المهندس منسي : إنتي عايزه كمية أد إيه؟
العميل : يعني ممكن ألف أو ألف ونص
المهندس منسي : حضرتك هتاخدي البرطمان معاكي وتروحي المقر بتاعنا لو في بضاعة حاضرة هيدهولك، لو مش بضاعة حاضرة هيلزمك بكمية أقل حاجة 10000
العميل : أوكيه طب هي بالحجم صح، يعني هو هيحتاج مني الحجم ده؟
المهندس منسي : لأ هوه هيحتاج منك البرطمان كامل
العميل : ليه؟
المهندس منسي : عشان خاطر يعملك عينة ملموسة
العميل : أوكيه طيب تمام، عشان إحنا بس بنعمل أكل فيه وعايزين نغلفه يعني، إحنا ممكن نعمل كده مش مشكلة، طب العنوان معلش بتعاكم فين؟
المهندس منسي : إحنا عندنا غمرة، حدائق القبة، مدينة نصر، باب الشعرية
العميل : أوكيه خلاص مرسي جداً
