طبات براميل مقدمة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك
العميل : إيه يا باشا
المهندس منسي : معاك اتفضل
العميل : شركة المهندس منسي
المهندس منسي : أيوه
العميل : إزيك يا باشا
المهندس منسي : الحمد لله
العميل : بسأل علي الطبات
المهندس منسي : نعم؟؟؟
العميل : الطبة بتاعت البرميل
المهندس منسي : أيوه اتفضل
العميل : موجودة عندكم؟
المهندس منسي : لأ دي بنستوردها بالطلب
العميل : يعني ما بنعملهمش في مصر؟
المهندس منسي : عادي نقدر نعملهم في مصر مافيش مشكلة بس كمية أد إيه؟
العميل : أنا كنت عايز أشوف عينة دلوقتي أوديها الشركة طالبين كمية كبيرة، بس عايزين نجيب عينة يشوفوها الأول
المهندس منسي : آه.. لأ ده إحنا بناخد العينة نعمل عليها
العميل : طيب الألف بكام ولا نظامكم إزاي يعني؟
المهندس منسي : نشوف بس المقاس ونشوف العينة إيه؟
العميل : آه.. يعني إنتم مش عملتوها قبل كده يعني؟
المهندس منسي : عملناها يجي مليون مرة
العميل : يعني يا باشا مش عندك خلفية طيب، هوه البرميل صاج
المهندس منسي : ما هوه البرميل الصاج ده في مقاسات منه كتير
العميل : لأ هوه الطبة بتاعته هوه واحدة يا باشا، واحدة صغيرة وواحدة كبيرة
المهندس منسي : آه… ما هو إحنا بنعمل كل يوم طبات لحاجات كتيرة قوي، فمعندناش كتير إن إحنا نقول دي كذا، هاتلي عينة وإن شاء الله ما تقلقش خالص، هاتلي عينة ملموسة أبص عليها وأسعرها لك وأقولك دي هتبقى بكذا
العميل : يعني أجيب لحضرتك عينة وتقولي دي بكذا، طب دي لو اتفقنا يا باشا تخلص في كام يوم؟
المهندس منسي : حوالي 21 يوم ـ 15 يوم كمان، من 10-15 يوم
العميل : خلاص ماشي
المهندس منسي : إنما لو هي اسطمبتها جاهزة تاخد 3 ـ 4 أيام، يعني ممكن نشوف اسطمبتها جاهزة تاخد 3 ـ 4 أيام
العميل : لا أصل هي صاج الطبة البرشامة اللي فوق صاج مش بلاستيك يعني، صاج
المهندس منسي : آه… آه…
العميل : طب هكلمهم في الشركة وإذا كان كده هبعتلك على واتس حضرتك
المهندس منسي : ماشي يا غالي
العميل : ماشي يا معالي الباشا
المهندس منسي : مع السلامة
