طبات لحام العبوات البلاستيكية من شركة المهندس منسي
العميل : سلام عليكم
مهندس منسي : الله وبركاته
العميل : شركة المهندس منسي
مهندس منسي : أيوه
العميل : كنت طلبت من حضرتك طبة قبل كده وحضرتك قلتلي هترد عليا وما ردتش عليا؟
مهندس منسي : طلبت إيه؟
العميل : طبة ألومنيوم
مهندس منسي : طب ما هي موجودة حضرتك تيجي تشرفنا وتجيب المنتج بتاع حضرتك وتيجي
العميل : أنا معايا بتاع 43 راس موجودة إن شاء الله آجي أخدها بكرة؟
مهندس منسي : لأ مش موجودة، يعني ممكن تلاقيها بضاعة حاضرة وممكن ما تلاقيهاش بضاعة حاضرة، لو مش بضاعة حاضرة…..
العميل : على أساس هاجي من طنطا فهاجي مخصوص حضرتك، فمينعش آجي ولقاليها مش موجودة
مهندس منسي : طب ابعتلنا إنت العبوة وإحنا هنبص عليها
العميل : هوه المكرون بتاعها المبيدات هوه 43.5، المك بتاعها 43.5
مهندس منسي :آه… دي موجودة آه، الألف بـ 350 جنيه
العميل : 350 جنيه ليه
مهندس منسي : ما هوه في منها غذائي وفي منها ضد الكيماويات والقلويات، إنت عايزها أنهي
العميل : عايز أرخص حاجة
مهندس منسي : آه… أرخص حاجة
العميل : يعني في حاجة الألف بـ 250
مهندس منسي : الألف بكام؟
العميل : بـ 150 حضرتك
مهندس منسي : طب اديني مهلة ساعة كده وهرد على حضرتك أشوف الموضوع ده موجودة ولا مش موجودة
مهندس منسي : هوه إنت عايز كمية أد إيه؟
العميل : عاوز 3000 ولا حاجة مبدئياً
مهندس منسي : طب اديني بس ساعة كده وابعت لي تاني
العميل : طب بالله عليك ما تنسى عشان محتاجهم ضروري، أنا مستعجل …
مهندس منسي : ماشي يا باشا
العميل : ماشي
مهندس منسي : سلام عليكم يا باش مهندس إزي صحتك
العميل : أهلاً بيك
مهندس منسي : حضرتك قولتلي ابعت لي علي الشات كمان ساعة
العميل : آه… هوه أنا سألت دلوقتي عندنا الستوك بتاع الـ بي إيه تي، إنت عايز بي إيه تي للمبيدات والكيماويات مش كده
العميل : آه… آه…
مهندس منسي : ماشي بس السعر هيبقى 220
العميل : الألف بـ 220
مهندس منسي : آه
العميل : لا ياما قوي يا باشا
مهندس منسي : يا الله على بركة الله
العميل : مفيش أرخص من كده
مهندس منسي : لا صدقني
العميل : طيب شكراً
مهندس منسي : بس في المستقبل ممكن يكون في أرخص
العميل : طيب ماشي شكراً يا باش مهندس شكراً
