طباعة استيكر ميتالايز من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: أهلاً وسهلاً بحضرتك، مع حضرتك د/ أحمد عبد العظيم مع حضرتك شركة رولكس فارم لمستحضرات التجميل
المهندس منسي: أهلاً بيك
العميل: أهلاً بحضرتك يا فندم، كنت بسأل حضرتك على الطباعة عايز أطبع استيكر ميتالايز
المهندس منسي: آه
العميل: موجود
المهندس منسي: إن شاء الله، إحنا بنطبع روتو، حضرتك تعرف أنواع الطباعة وكده ولا…
العميل: يعني على قدي يعني، عندي خلفية يعني
المهندس منسي: آه… إحنا روتو ديت أعلى أنواع الطباعة..
العميل: تمام.. الطباعة دي بتتطبع على أي حاجة بقى ورق استيكارات مش كده ولا إيه؟
المهندس منسي: وات إيفر آه، إنت هتطبع على ورق ولا هتطبع على إيه؟
العميل: استيكار ميتالايز
المهندس منسي: طيب عادي
العميل: طب متاح ألوان إيه؟
المهندس منسي: ألوان إيه في إيه؟
العميل: في الميتالايز في الخامة يعني
المهندس منسي: كل الألوان
العميل: طيب أنا في استيكر شكله الشكل اللي أنا عايز أعمله أبعته لحضرتك
المهندس منسي: يسحسن يكون واقعي لايف في إيدنا، لأنه الواتس ده هيبعتلك صورة، فإحنا هنرد أي كلام كده وخلاص، إنما لو … يستحسن تبعدلي العينة…
العميل: ما هوه الاستيكر ده مستورد للأسف مش موجود
المهندس منسي: آه.. مش موجودة هنا في مصر يعني
العميل: آه… هوه استيكر مستورد بس أنا عايز أعمل نفس الخامة يعني، منتجي أنا بس نفس الخام ونفس الاستايل…
المهندس منسي: عاجبك يعني المنتج فعايز تعمل شبيه ليه…
العميل: آه بالضبط.. آه بالضبط
المهندس منسي: حاضر.. حاضر
العميل: هوه الفكرة فيه إنه داخل فيه ألوان كتير يعني أخضر ميتالايز وأورنج وأحمر، وكلها ميتالايز كلها بتلمع جامد
المهندس منسي: آه.. آه.. تحت الأمر حاضر
العميل: موجود.. أنا أبعته لحضرتك دلوقتي تشوفه وحضرتك تشوف السعر إزاي، أبعتلك المقاس بتاعه، أنا كده كده عندي المنتج أصلاً بس أنا هغير الاستيكر بس
المهندس منسي: ماشي يا غالي
العميل: هبعتلك المقاس بتاعه ونشوف السعر هيبقى عامل كام؟
المهندس منسي: إن شاء الله
العميل: تمام.. أبعته لحضرتك دلوقتي
المهندس منسي: ماشي يا باشا
العميل: ماشي متشكر جداً لحضرتك مع السلامة
