طباعة أكياس البقوليات من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: المهندس منسي

المهندس منسي: أيوه

العميل: مع حضرتك محمد خالد

المهندس منسي: أهلاً بيك

العميل:  الله يخليك… أنا كنت اشتريت مكنة اللي هي نص أتوماتيك بتاعت تعبئة من عند حضرتك

المهندس منسي: آه

العميل: أنا بس بستفسر هل في مكن.. أنا كنت سائل على طباعة الأكياس قبل كده وقالي الطباعة اللي عند حضرتك اسمها فلكسو أو حاجة زي كده

المهندس منسي: لا اللي عندنا أحدث أنواع الطباعة اللي هي روتوجرافيك

العميل: آه طب دي ليها مكن ممكن نشتريه؟ أستخدمه أنا يعني

المهندس منسي: إنت عايز مكنة طباعة؟

العميل: آه عايز مكنة طباعة على الأكياس

المهندس منسي: مش فاهم، يعني عايز تعمل مشروع طباعة على خامات التعبئة والتغليف

العميل: أنا عاوز أطبعه لنفسي أنا، أنا عندي مشروع تعبئة

المهندس منسي: آه أصل ده مكن غالي

العميل: يعني يعمل أد مثلاً

المهندس منسي: يعني المكنة تعمل 6

العميل: آه… مافيش حاجة اقل

المهندس منسي: إحنا ممكن نطبعلك لو عايز تطبع كمية إحنا ممكن نطبعهالك

العميل: بس إنتم عندكم السعر غالي قوي

المهندس منسي: الغالي يرخص لك يا غالي، هوه كل حاجة بقت غالية دلوقتي عشان خاطر ارتفاع ال، هي الناس مش مستوعبة بس عملية السعر الزيادة يعني بس

إنما هوه السعر بتاعنا من أرخص الأسعار في العالم كله، إنما الناس مش عاجبها، هوه السعر ما عليش هوه ال علي

العميل: هي المشكلة برده في الكميات

المهندس منسي: إنت عايز كمية أد إيه؟

العميل: يعني أنا لما سألت في الأول قالي أقل حاجة تعملها ربع طن، أنا كنت في حاجات عملتها ربع طن بس عملتها طباعة عادية مش الطباعة اللي حضرتك بتقول عليها

المهندس منسي: آه الطباعة الراقية دي أقل حاجة فيها ربع طن

العميل:  آه

المهندس منسي: ده أقل حاجة في العالم كله، ده ما حدش عملها في العالم كله إلا العبد الله، صدقني يعلم ربنا أصل هوه إحنا في مصر مجتمع مغلق، إنما لو فتشت في العالم ما حدش قدر يعملها لغاية دلوقتي

وطبعاً الفضل كله للشعب المصري

العميل:  بس برده يا باش مهندس لما يبقى الكيلو بـ 100 وحاجة…

المهندس منسي: ما هو إنت لو عايز كميات أقل إحنا ممكن نعملك كميات أقل بس بطريقة تانية

العميل:  إزاي بقى؟

المهندس منسي: إنت هتعبي إيه؟

العميل:  أنا عندي بقوليات

المهندس منسي: تمام

العميل:  طيب بكم ؟؟؟

المهندس منسي: عملية الكيلو أد إيه؟ والكمية أد إيه؟ والديزاين إيه؟؟؟؟ أبص على الديزاين وإن شاء الله خير ما تقلقش

العميل:  طب خلاص لو كده ضبطوا مع بعض عشان أنا طبعت بره أكياس بس مش عاجباني

المهندس منسي: أكيد مش هتعجبك، لأن إحنا بنطبع بطريقة اللي هي الحديثة، اللي إنت تبص عليها في الشركات الكبيرة قوي دي تلاقيها طابعة طباعة نظيفة قوي، الله؟؟؟ همه طابعين إزاي؟؟!!! ما همه طابعين روتوجرافيك… فأنا قدرت إن أنا أوصلك إنك تبقى زيك زي الشركات الكبيرة، وعليك إن إنت بقى تنطلق

العميل:  تمام… بس إنت أنا اللي طالبه منك حاجة، طالبين نضبط السعر شويه والكميات

المهندس منسي: لا إحنا ممكن نتحايل على الكميات، عشان نوصل لسعر أفضل، لأنه كل ما زادت الكمية كل ما انخفض السعر انخفاض ملحوظ، واخد بالك

العميل:  طيب تمام..

المهندس منسي: ماشي يا غالي

العميل:  ماشي يا باش مهندس