طبات العبوات البلاستيك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت حضرتك بتبيع الطبات بتاعت العبوات البلاستيك؟
المهندس منسي: آه..
العميل: أنا عايز طبة اللي هي بتاعت الغطا ودبلة حمرا هي تقريباً بتبقى 25 مللي موجودة ولا…
المهندس منسي: أكيد موجودة، ولو مش موجودة نعملها لك
العميل: بس أنا عايز لون معين ممكن، اللون بتاعها ذهبي، يااما فضي اللي بتلصق واليمه التانية ذهبي
المهندس منسي: آه… هي العبوة نفسها إيه بولي إيثيلين ولا بي إيه تي؟
العميل: اللي هي عارف الغطا الأبيض أبو دبلة حمرا دوت، والعلبة برده بيضا
المهندس منسي: آه… طب نشوف العبوة نشوف هينفع معاها الذهبي ولا لأ، ما هو لازم نشوف العبوة الأول
العميل: لأ ما هو الذهبي ده اليمه اللي هي ظاهرة مش اليمه اللي لاصقه
المهندس منسي: آه.. دي مافيهاش مشكلة، إنت عايز كمية أد إيه؟
العميل: والله حضرتك أقل كمية ممكن تبقى؟
المهندس منسي: أقل كمية 25000
العميل: بكام الأسعار؟
المهندس منسي: نشوف بقى العبوة وبناء عليها نبدأ نقول
العميل: آه.. أصل المشكلة.. طب أنا لو جيت وشفنا وتوافقنا ممكن أستلم في نفس اليوم ولا بعدها؟ على أساس إن أنا بس من بعيد مش أكتر
المهندس منسي: لأ عادي ممكن تدفع فلوس ونشحنها لك، ده لو مش موجودة
العميل: إنما لو موجودة بشيل في ساعتها؟
المهندس منسي: آه
العميل: آه.. هي يعني العبوة عارف حضرتك العبوة اللي هي البيضا اللي هي بي إيه تي تقريباً
المهندس منسي: حضرتك بس نشوف العبوة ونمسكها في إيدنا ونشوف الغطا وإن شاء الله خير
العميل: خلاص ماشي أجي لحضرتك في أنهي وقت في اليوم؟
المهندس منسي: لأ إنت هتابع مع المبيعات، إحنا عندنا حدائق القبة، مدينة نصر، باب الشعرية، إنت عايز تيجي أنهي فرع فيهم
العميل: أنا من المنصورة، حضرتك أقرب بالمكان والمنطقة بتاعتكم آجي…
المهندس منسي: أنا ما أعرفش صدقني، هبعتلك تليفون فرع فيهم
العميل: تمام
المهندس منسي: مع السلامة
