طباعة الروتو علي الشرينكات من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : معاك اتفضل

العميل : الله يخليك يا فندم معاك احمد من الجزيرة فارم من إسكندرية

مهندس منسي : أهلاً وسهلاً

العميل : فاكرني

مهندس منسي : لا….

العميل : كنت حضرتك عملتلنا شغل من فترة كده

مهندس منسي : آه أهلاً بيك

العميل : كنت حضرتك عملتنا طباعة روتو على الشرينكات لو حضرتك فاكر

مهندس منسي : روتو على شرينك..

العميل : كان مكتوب عليها جزيرة فارم

مهندس منسي : مين اللي ماسك العملية كان

العميل : كان محمد تقريباً محمد من طنطا هوه اللي كان جيه لحضرتك، وأنا كنت جيت معاه مرة بس إنت ماكنتش هناك في اللي هوه في ظهر القسم ده.

مهندس منسي : آه.. آه هوه قابلني أنا ولا قابل حد من المبيعات؟

العميل : لا مش عارف والله، بس أعتقد إنه قابلك إنت

مهندس منسي : طب اتصل كده اتأكد منه

العميل : آه…

مهندس منسي : ماشي يا غالي اتفضل

العميل : هوه كنا عايزين نعمل كمية يا فندم فمش عارف آجي لحضرتك زيارة ولا أعمل إيه

مهندس منسي : زي ما عملنا المرة اللي فاتت

العميل : ما هوه اللي تواصل، إنت واخد بالك، فأنا عايز آجي هوه مش موجود هوه مسافر السعودية

مهندس منسي : آه…

العميل : فأنا عايز آجي أقابل حضرتك وأشوف كده ولا أجيبلك معايا الديزاين اللي موجود، ولا مش عارف نتواصل إزاي

مهندس منسي : هاتلي الديزاين وإن شاء الله اللي فيه الخير يقدمه ربنا

العميل : طب أستأذنك أنا برده بليد في مصر شويه يعني لما باجي بالعربية الدنيا بتوه معايا شويه

مهندس منسي : اكتب على جوجل مكتب المهندس منسي

العميل : يعني أدخل ما بصوش الدنيا ماشيه إزاي

مهندس منسي : هتخش على جوجل ماب هتلقينا عمللك خريطة

العميل : طب لو أنا أنا فاكر إن هوه ما يتوهش بس أنا جوه مصر ما بعرفش أتحرك قوي بالعربية يعني لو أنا مثلاً جاي صحراوي اللي هوه…

مهندس منسي : هبعتلك أنا العنوان في رسالة هتلاقي 3 تليفونات هيوصفولك بالضبط إزاي تيجي

العميل : طيب يا باش مهندس

مهندس منسي : ماشي يا باشا

العميل : وكنا عايزين نطبع على حاجات تانية

مهندس منسي : ماشي تحت أمرك

العميل : ينفع برده، يعني إحنا هنشتغل عايزين نطبع حاجه تانية

مهندس منسي : ينفع آه

العميل : طيب يا فندم، طب شوف ابعتلي العنوان وأنا إن شاء الله هشوف إيه الميعاد المناسب وهقابل حضرتك فيه

مهندس منسي : ماشي يا باشا

العميل : يعني حضرتك بتبقي موجود علي طول

مهندس منسي : أنا ببقى موجود من 5-11 المبيعات موجودة من 11-9

العميل : إحنا عايزين حضرتك تبقى موجود بقى عشان نقدر نتكلم في كل حاجة

مهندس منسي : ماشي تحت أمرك… عادي أنا وهمه واحد يعني

العميل : اللي حضرتك شايفه أسرع ما فيش مشكلة، أنا ما عنديش مشكلة ، بس أنا قصدي وجودك إيه لو في حاجة ممكن أقترحها في  نتكلمها بالمرة

مهندس منسي : إن شاء الله

العميل : طب هوه نفس المكتب اللي جيت لحضرتك فيه ومختلف عنه

مهندس منسي : آه.. هوه المكتب ده مكتبين، في مكتب للمبيعات، وفي مكتب للمراسلات

العميل : هوه أنا كده في مسجد وكأني داخل على سوق العصر

مهندس منسي : آه بص بقى ده أو ده

العميل : صح كده

مهندس منسي : آه..

العميل : بس ده من فترة مش من قريب ده من فترة

مهندس منسي : إنت بمجرد ما جيت المكتب همه هقلولك ده هوه في المكتب التاني، المكتب ده، كده يعني

العميل : آه..

مهندس منسي : بس أنا موجود في المكتب ده يعني

العميل : آه.. ما أنا بقول لحضرتك أنا أقابلت حضرتك، يعني إيه كان من فترة، الكلام ده يعني من حوالي 3 4 سنين ولا حاجة

العميل : بعد كده اتعاملنا مع شركة اسمها بورته، واخد بالك بتاع الريف، فأنا حابب بصراحة إن أنا إيه، يعني همه كانوا غلوا السعر شويه فأنا حابب أرجع لحضرتك علي السعر القديم ونعمل شغل تاني، فأجيب اللي همه عملهولي وهجيب لحضرتك التاني خدت بالك، ومعايا كنت حضرتك كنت قولتلي قبل كده إن إحنا ممكن نعمل في خصم شوية عن كده

مهندس منسي : آه.. ممكن آه

العميل : فأنا عشان كده بقول أنا عايز أقابل حضرتك عشان تفصيلة عمومية في كل حاجة مش في حاجة واحدة

مهندس منسي : إن شاء الله

العميل : إن شاء الله رب العالمين

العميل : طب أستأذنك ابعتلي بس العنوان وشوفلي إن شاء الله

مهندس منسي : إن شاء الله

العميل : ماشي، شكراً يا باش مهندس

مهندس منسي : مع السلامة

العميل : ماشي اتفضل يا فندم، اتفضل