طباعة جميع أنواع الشرينك البلاستيك من شركة المهندس منسي

مهندس منسي : سلام عليكم

العميل : سلام عليكم يا باش مهندس

مهندس منسي : وعليكم السلام ورحمة الله وبركاته

العميل : الله يخليك مع حضرتك محمد من الجزيرة كنت كلمت حضرتك الأسبوع اللي فات

مهندس منسي : أهلاً بيك

العميل : الله يخليك يا باشا، أنا أستأذنك إنت السبت أو الحد موجود بعد 5 زي ما قولتلي ولا في أجازات

مهندس منسي : إيه

العميل : حضرتك في أجازة السبت أو الحد ولا حضرتك موجود بعد 5 إن شاء الله في المكتب

مهندس منسي : آه موجود آه موجود السبت وموجود الحد، بس السبت بكون موجود في مدينة نصر

العميل : يعني أخليها أحسن الحد إن شاء الله

مهندس منسي : ما عادي لو عايز تجيلي مدينة نصر ما فيش مشكلة

العميل : لا ده بقولك أنا تايه، ده هجيب حد معايا وأنا جاي، يعني أنا في الأماكن بتاعنا القديم إن شاء الله

مهندس منسي : ماشي يا باشا

العميل : ربنا يسهل بس، شكراً يا حبيبي

مهندس منسي : ماشي يا باشا

العميل : تأمرنا بحاجة

مهندس منسي : فكرني بالطلب بتاع حضرتك

العميل : كنا عايزين نطبع شرينك مطبوع اللي هوه عليه اللوجو…

مهندس منسي : آه.. آه…

العميل : وكنا إن شاء الله هنستلمه في البرطمانات والغطيان اللي عليها الإنبكشن ونشوفها مطبوع إزاي والدنيا فيها إيه

مهندس منسي : إن شاء الله

العميل : الله يكرمك الله يخليك يا حبيبي، إنت عندك الفورمة يا باش المهندس بتاعت المشبك بتاعت الزور

مهندس منسي : عادي ما إحنا بنعمل عندنا.. المكن عندنا في بيعمل أي فورم

العميل : طب خلاص أصل هما عاملين يعني الغطا بتاعهم مميز شوية.. أنا شفت البرطمان من تحت موجود عند كذا حد لكن الغطا بتاعهم مميز شوية فقلت أشوفه العميل : موجود عند حضرتك ولا لأ

مهندس منسي : هوه في شركة مخصوصة للغطيان

العميل : طب كويس

مهندس منسي : في شركة للغطيان، عشان تعمل الغطيان بتبقى عالي…

العميل : غالي شوية

مهندس منسي : شركة ألماني ليها وكيل هنا في مصر

العميل : طب توكلنا على الله، الله المستعان

مهندس منسي : ماشي يا باشا

العميل : إحنا إن شاء الله عايزين نتكلم فيها وإنت وكنت بسأل أنا على الفركولوي في الجلاتين اللي هوه ….

مهندس منسي : آه

العميل : هل حضرتك ليك سكة فيها ولا دي ولا لا

مهندس منسي : لا دي مش تبعي

العميل : طيب مافيش مشكلة، أنا قلت برده أصل تعتبر إيه خط لوحده مش تبع الحاجة الداخلية، فقلت ممكن تكون تبع حضرتك برده

مهندس منسي : بس هوه فينا ورانا على طول مخزن كيماويات كبير قوي

العميل : ممكن يبقى فيه يعني

مهندس منسي : المنطقة عندنا في شارع كامل للكيماويات

العميل : طب خلاص يعني ممكن تكون عندهم برده يعني في

مهندس منسي : أكيد هتبقى عندهم مش ممكن أكيد

العميل : الله المستعان الله المستعان، إن شاء الله نتكلم في أكتر من حاجة وربنا يوفقنا للخير إن شاء الله يا حبيبي

مهندس منسي : إن شاء الله

العميل : خلاص لو كده إن شاء الله بإذن الله مع بعض على التليفون الحد بإذن الله من بعد 5 مش كده

مهندس منسي : آه

العميل : من 5-11

مهندس منسي : آه

العميل : ماشي يا باش مهندس

العميل : اتفضل يا حبيبي اتفضل