عبوات بلاستيكية 1 لتر من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس
المهندس منسى : أيوه
العميل : معلش كنت بسأل على العبوات اللي هي اللتر
المهندس منسى : آه
العميل : العبوات دي عندك؟
المهندس منسى : لأ هوه إحنا بنصنع للغير، يعني بنعمل الاسطمبة وبناء عليها بنبدأ ننفذ العبوات للغير
العميل : حضرتك بتعمل الاسطمبة للعميل وبعد كده بنفخوا العبوات نفسها
المهندس منسى : آه عشان نضمن بس المنتج بتاعه ، يعني إزاي؟ حضرتك لما تيجي عبوة زي عبوة شامبو مثلاً بانتين، ما ينفعش…
العميل : طب مافيش عبوات جاهزة عند حضرتك ممكن آخد منها كميات؟
المهندس منسى : لأ حضرتك بتجيب الشكل وإحنا بنفذ الاسطمبة بناء عليه
العميل : آه… تمام، لكن مافيش اسطمبة جاهزة عند حضرتك
المهندس منسى : في اسطمبات جايبنها من البرتغال ممكن تشتري اسطمبة وننفذلك عليها عبوات
العميل : تمام بتبقى تكلفتها الاسطمبة تبقى أد إيه علبة كريم مثلاً؟
المهندس منسى : المستعملة ولا الجديدة؟
العميل : مستعملة
المهندس منسى : في حدود يعني…. في حدود 9000 جنيه مصري
العميل : تمام.. ودي بتبقى الاسطمبة بتاعتي أنا
المهندس منسى : آه بتحفر اسمك عليها لو عايز عشان تضمن إن ماحدش يشتغل عليها غيرك
العميل : تمام… أشكرك يا باشا، ماشي شكراً
