عبوات بلاستيكية 1 لتر من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس منسي
المهندس منسى : أيوه
العميل : مع حضرتك د/ نبيل من ماجيك جروب، إحنا بنصنع منظف عندنا وكنا بندور على عبوة لتر وعبوة 3 لتر
المهندس منسى : آه… معاك اتفضل
العميل : بس فكنا عايزين نشوف الكتالوج بتاعكم….
المهندس منسى : العبوات أشكالها كتير وأحجامها كتير…
العميل : إحنا محددين الحجم ومحددين الشكل، وأنا زي ما قلتلك هنحط فيها منظف ومطهر، فإحنا عايزين سعرها ما يكنش عالي، وعايزين شكلها يكون كويس، بس
المهندس منسى : عندكم شكل معين عايزين تعملوا زيه
العميل : في أشكال عندنا آه، ولو عندكم مقترحات برده إحنا ممكن ناخدها في عين الاعتبار، لو عندكم اسطمبات جاهزة
المهندس منسى : طب هوه إحنا بالنسبة لنا بنعمل العبوات كلها كاستومايز، يعني للغير، يعني مثلاً عشان نمنع عملية ضرب المنتجات بنعمل دايماً العبوات للغير، يعني عبوة بيرت بلاس، عبوة لاكتيويل، عبوة سانسيلك… كده يعني، ما بنعملش عبوات كده مبهمة كله يشتريها
العميل : طب ده كلام كويس جداً
المهندس منسى : آه
العميل : طيب أنا ممكن أبعتلك حد من مجموعة الشباب اللي شغالين معايا بكرة أو يوم الثلاثاء لو إنتم شغالين بكرة أو الثلاثاء
المهندس منسى : إن شاء الله
العميل : طيب ممكن بس العنوان بالتفصيل ييجي إزاي ويسأل على مين؟
المهندس منسى : هبعتهولك حالاً
العميل : طب يسأل على مين؟
المهندس منسى : إحنا عندنا حدائق القبة، مدينة نصر، باب الشعرية، 6 أكتوبر
العميل : إحنا عموما في العبور أقرب حاجة لينا هتكون… بتهقلي مدينة نصر هتكون أقرب
المهندس منسى : ماشي هبعتلك الداتا بتاعته
العميل : تمام، ويروح يقابل مين بس؟
المهندس منسى : المهندس أحمد
العميل : ماشي يا باش مهندس أوكيه
المهندس منسى : مع السلامة
العميل : شكراً
