عبوات بلاستيكية 200 مللي و 400 و 600 مللي من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
شركة المهندس
المهندس منسي: أيوه
العميل: حضرتك عندك عبوات بلاستيكية 200 مللي و 400 و 600 مللي؟
المهندس منسي: إن شاء الله
العميل: أسعار ممكن أعرف من سيادتك والدوام من كام لكام، أصل أنا في المنصورة وهتحرك آجي لحضرتك
المهندس منسي: حضرتك عايز كمية أد إيه؟
العميل: يعني 5000 ـ 5000 ـ 5000
المهندس منسي: إحنا أقل كمية بنصنعها 25000
العميل: تمام… تكلفتهم كام؟
المهندس منسي: عموماً العبوات ما تتحسبش كده، العبوات بتتحسب تكلفتها بناء على وزنها وهي فاضية
العميل: طيب لو أنا جيت واتفقت ودفعت فلوس بستلمها بعد أد إيه؟
المهندس منسي: في حدود أسبوعين ـ 3
العميل: لكن مافيش حاجة جاهزة أشيل منها عبال ما تجهزلي الكمية اللي أنا عايزها
المهندس منسي: إحنا بالنسبة لنا بنصنع بالطلب لحساب الغير
العميل: تمام
المهندس منسي: عشان ماحدش يضربلك منتجك
العميل: طيب تمام.. ماشي، دوامكم من كام لكام؟
المهندس منسي: من 11-9 طول أيام الأسبوع ماعدا الجمعة أجازة
العميل: إن شاء الله، اتفضل، السلام عليكم
