عبوات بلاستيك للأدوية من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: لو سمحت عايز أشتري كام علبة عبوات بلاستيك للدوا كده، متاح

المهندس منسي: كام علبة يعني أد إيه كده؟

العميل: عايز حوالي 100-150 كده

المهندس منسي: عايز تشتري علب أدوية 100-150

العميل: آه…

المهندس منسي: هوه إحنا مش بنبيع علب الأدوية، إحنا بنصنع علب الأدوية لشركات الأدوية

العميل: تمام.. يعني أقل رقم إنتم ممكن تعملوه

المهندس منسي: يعني مافيش حاجة اسمها رقم، في حاجة اسطمبة، بتيجي الشركة بنعملها الاسطمبة بتاعتها وندقلها اسمها عليها عشان خاطر منعاً للتزوير عشان خاطر ما حدش يزورلهم اسمهم

العميل: طيب ماشي…

المهندس منسي: ما هو أنا جايلك أهوه، عشان خاطر خصوصية العميل، إحنا بنعمل الاسطمبة الأول وبعد الاسطمبة بنبدأ ننفذ العبوات

العميل: تمام

الاسطمبة بكام بقى؟؟ الاسطمبة بـ

العميل: تمام

المهندس منسي: الاسطمبة دي اللي فيها الختم بتاع العبوة اللي هوه بيختم اسم الشركة على العبوة بحيث إن ما حدش يقلدهلهم

العميل: تمام… أنا أقصد الاسطمبة دي هي ممكن تتطبع، هي بتلصق مثلاً أو حاجة

المهندس منسي: ما هوه أطبع لمين، أطبعلك باسم شركة تانية يعني؟؟

العميل: لأ.. أنا هطبع أنا حاجتي، أنا أقصد إن أنا آخد منك العلبة فاضية من غير اسطمبة ولا حاجة

المهندس منسي: آه.. إحنا بالنسبة لنا بنشتغل على كده لأن ضرب المنتجات كتر قوي في جمهورية مصر العربية، كل الدول المحترمة بتعمل كده، الأول بيعمل الاسطمبة والاسطمبة دي بتبقى بتاعته باسم الشركة وبناء عليها يبدأ ننفذ، البلاد العادية اللي هي زي حالتنا كده هي اللي بتبيع عبوات كده لأي حد في أي حد، فإحنا بنشتغل بأسلوب الدول المتقدمة يعني

العميل: آه… إنك لازم تعمل الاسطمبة، إنما العبوة فاضية كده لأ

المهندس منسي: آه… دي ما بنعملهاش، لأن ده يرج اسمنا، يزعلنا

العميل: عندك حق.. طيب ماشي متشكر يا باشا كتر خيرك

المهندس منسي: شكراً

العميل: مع السلامة