عبوات بلاستيك للأدوية من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : كنت براسل حضرتك من شوية وحضرتك بعتلي فرع 6 أكتوبر

المهندس منسى : آه

العميل : بس أنا كنت عايز عبوات بلاستيك بيقولي ماعندناش عبوات بلاستيك

المهندس منسى : لأ هوه مش ماعندناش، هوه إحنا بنصنع للغير

العميل : آه تمام

المهندس منسى : هوه  إحنا مثلاً حضرتك بتجيب الأشكال اللي إنت عايزها عشان خاطر الخصوصية بتاعت العميل، يعني مثلاً عبوة سباركل ما ينفعش أعملها لسباركل وأعملها لأي حد ييجي ياخدها

العميل : تمام.. طب أنا كنت دخلت على الصور بتاعتكم في صور أنا عايز منها عينات بحيث…

المهندس منسى : كل سابقة أعمال اللي إحنا رافعينه ده سابقة أعمال عملينها لشركات أدوية ومستحضرات تجميل، ومواد غذائية…

العميل : إنما أنا ماينفعش آخد منه أي حاجة

المهندس منسى : لأ حضرتك بتجيبلنا صور العبوات وإحنا بنصنعلك الاسطمبة وبناء عليه نبدأ نصنعلك العبوة

العميل : طب أبعتلك الصورة اللي أنا عايزها وأقولك المقاسات أد إيه بالضبط وتقولي سعرها كام، وأقل كمية أد ممكن؟

المهندس منسى : هوه عملية السعر بالنسبة لنا بتبقى حسب وزن العبوة إزاي؟؟ في عبوة ممكن تلاقيها عامله 65 قرش، هي نفس العبوة كشكل وكحجم تقدر يكون سعرها أعلى ليه؟؟؟ لأنه وزنها كام جرام؟؟

العميل : بالوزن تمام… بس أنا لو جيت المصنع لو الفرع ما أقدرش آخد حتى إزازتين 3

المهندس منسى : ما هو دي عينات الغير مش هنقدر نصنعها لك لأنه دي عينات شركات

العميل : تمام… ما ينفعش تطلعها من عندك أساساً

المهندس منسى : آه لأنه إحنا بنصنع لشركات

العميل : إنت بتصنع تمام…

المهندس منسى : فهنا الشركات تقولك لأ أنا مش عايز عبوتي تبقى في إيد ده أو ده

العميل : تمام كده، إنما أنا أجيب لحضرتك الصورة اللي أنا عايزها وإنت تصنعلي عليه

المهندس منسى : مضبوط الله ينور عليك

العميل : إنما ما ينفعش تديني عينات وأنا أقرر أي عينة أنا عايزها وأديك زيها ما ينفعش

المهندس منسى : أما بالنسبة للأكياس لأ خد الأكياس اللي إنت عايزها

العميل : الأكياس لأ أنا بتكلم على العبوات

المهندس منسى : بس في الأكياس تاخد الأكياس اللي إنت عايزها، إنما لو عايز تطبع، ما ينفعش أطبعلك عليها غير اسمك إنت

العميل : آه تمام كده طب خلاص أنا هبعت لحضرتك الصورة اللي أنا عايزها على الواتس وتشوف كده تقريباً سعرها كام تقريباً

المهندس منسى : إن شاء الله

العميل : ماشي يا فندم شاكر لحضرتك، مع السلامة