عبوات تعبئة الكريمات ومستحضرات التجميل من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة إم تو باك

المهندس منسي : أيوه

العميل : بعد إذنك إحنا شركة المكتب العلمي للأدوية والمستحضرات

المهندس منسي : آه

العميل : أنا كنت عايز أسأل إنت بتصنعوا العبوات بتاعت المستحضرات والكريمات والكلام ده؟

المهندس منسي : آه

العميل : في تصنيع الحاجات دي عندكم

المهندس منسي : إن شاء الله

العميل : تمام شكل العلب المدور اللي هي الأزايز المدورة والمبططة.. أنا كنت بسأل على حجمين، حجم 60 مللي و125

المهندس منسي : آه إحنا بنصنع العبوات بالطلب لحساب العميل عشان نحافظ على نحافظ على خصوصية المنتج بتاعك، يعني مثلاً لما نيجي نقول مثلاً إن إحنا هنصنعلك دلوقتي عبوة دواء كحة، مثلاً، ما ينفعش أصنعلك العبوة وأروح أصنع لغيرك، ما ينفعش أبيع كده، شكلها بالنسبة لنا مش لطيف…

العميل : يعني حضرتك شغال بالاسطمبة

المهندس منسي : ما أنا جاي لحضرتك أهوه، لما حضرتك مثلاً تروح تشتري بيرت بلاس، وهو شامبو مش دواء، شامبو، فإنت عارف بيرت بلاس إن هوه بالشكل الفلاني، طب بيرت بلاس ينفع إن يروح يجيب شويه أزايز من الجماعة اللي بيبعوا أزايز كده ويقوم جاي معابيهم؟؟!!! ولا لازم يعمل شكل خاص بيه

العميل : تمام.. تمام… أنا فاهم قصد حضرتك صدقني، طب الاسطمبة بتعمل كام؟

المهندس منسي : في حدود

العميل : تمام… الشكل اللي أنا عايزه بقى أياً كان؟

المهندس منسي : أياً كان آه

العميل : تمام… والتسليم يبقى في خلال أد إيه حضرتك؟

المهندس منسي : في حدود 28 يوم

العميل : أوكيه ماشي، متشكر جداً لحضرتك

المهندس منسي : لا تحت أمرك

العميل : شكراً، مع السلامة