عبوات صابون سايل من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: طيب لو سمحت أنا كنت تواصلت مع الشركة من 4 أيام تقريباً كنت بسأل على حاجة معينة وما حدش رد عليا عن طريق الإيميل

المهندس منسي: آه.. خير

العميل: أنا بس كنت، إنتوا شغالين أصلاً الشركة شغالة

المهندس منسي: آه..

العميل: حاضر هقولك أنا عايز إيه، في العبوات إنت عارف العبوات بتاعت الصابون السايل

المهندس منسي: آه…

العميل: كنت عايز أعرف العبوة تكلفتها كام، أنا عايز كمية؟

المهندس منسي: ما هوه بالتأكيد يعني هوه حضرتك الكمية المطلوبة أد إيه؟

العميل: بص أنا لسه فاتح شركة صغيرة شركة منظفات، فلسه في البدايات، فأنا باخد بس كده سعر عشان أعرف هحتاج الكمية أد إيه، يعني مثلاً إنت بتعمل كحد أدنى كمية أد إيه مثلاً، يعني أنا أقدر أطلب أد…

المهندس منسي: إحنا بنعمل الاسطمبة وبناء على الاسطمبة بنبدأ ننفذ العبوة

العميل: بص إن في اسطمبة عندك كده كده أنا دخلت على النت وشفت على جوجل وكده في أشكال عند حضرتك…

المهندس منسي: كل الاسطمبات اللي إحنا عملناها دي سابقة أعمال، يعني إيه، يعني حاجات عملناها لناس قبل كده فبنطلعها وبنفتخر إن إحنا عملنا حاجة زي كده

العميل: تمام… أنا محتاج حاجة قديمة مش محتاج حاجة شكلها جديد

المهندس منسي: آه دي بقى مش بتاعتنا دي بتاعت عملاء، يعني إحنا بنعمل إيه؟ إحنا بنعمل الاسطمبة للعميل، وبناء على الاسطمبة بتاعت العميل بنبدأ ننفذه العبوة، بص يا سيدي عايز تحسب أي سعر كل اللي عليك إنك تجيب إزازة فاضية وتوزنها، لو إنت عايز سعر العبوة تضربها في 3.5 صاغ، لو عايز سعر الخامة تضربها في 2 قرشين، مصنعية العبوة 1.5 قرش في الجرام، والخامة بـ 2 قرشين صاغ، ولكن إحنا نظامنا إن إحنا بنصنع الاسطمبة الأول وبعد ما بنصنع الاسطمبة بنبدأ ننفذ العبوة بناء عليها يعني مثلاً لما تيجي تعمل مشروعك تاخد مننا الأول بعدين تعمل مشروعك إنت تاخد مننا من المكنة، وكده كده الاسطمبة بتاعتك وبعد كده بنفذ عليها

العميل: آه إنت بتديني الاسطمبة بالمكنة

المهندس منسي: لأ.. أنا بديلك الاسطمبة الأول، الاسطمبة دي بـ

العميل: تمام..

المهندس منسي: بعد كده بنفذلك عليها على أساس إنك معندكش مكنة

العميل: ماشي تمام

المهندس منسي: بعد ما ربنا ييسرلك الأمور إنت بقى الموضوع بالنسبة لك المشال والنقل ده مكلف

العميل: آه أكيد طبعاً

المهندس منسي: خاصة في العبوات، يعني هي لوحدها بتنفرد حصرياً في نقل العبوات ده شيء مكلف جداً يعني

العميل: آه…

المهندس منسي: فبيضطر إن إيه يقول إيه أنا عايز أعمل مصنع، نقوله خد مكنة

العميل: آه.. تمام.. فهمتك كده، طب بالنسبة للاسطمبة نفسها…

المهندس منسي: افرض هوه خد الاسطمبة ومش عايز يصنع عندنا، عايز يصنع في مصنع جنبه؟ نقوله لأ ده إحنا اللي مصنعين الاسطمبة، لا عادي صنع براحتك

العميل: تمام… يعني الاسطمبة بـ صح كده

المهندس منسي: آه…

العميل: لو حبيت آجي أعمل الاسطمبة مثلاً باجي عندك الشركة ولا عندكم مكتب، يعني المكان اللي مكتوب العنوان على النت دوت هوه دي اللي أجيه صح كده

المهندس منسي: إن شاء الله

العميل: طيب حضرتك بتكونوا فاتحين من إمتى لإمتى، مواعيد العمل؟

المهندس منسي: من 11-9

العميل: طول أيام الأسبوع

المهندس منسي: آه.. ماعدا يوم الجمعة

العميل: خلاص ماشي يا فندم شكراً.. مع السلامة