عبوات للزيوت العطرية من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت كنت عايز حد في المبيعات ممكن؟
المهندس منسي: آه
العميل: هوه أنا عندي محل في إسكندرية كده عايز ليه عبوات معينة فيها زيوت عطرية وحاجات ، ففي أشكال معينة كده عايز منها، فكنت عايز أعرف هي موجودة عندكم ولا لأ؟
المهندس منسي: سياسة الشركة عندنا إن إحنا بنصنع الاسطمبة الأول وبعد ما بنصنع الاسطمبة بنصنع عليها العبوات
العميل: طب ما هو الاسطمبة ديت أكيد هتبقى غالية أنا مش عندي استهلاك عالي للدرجة دي يعني
المهندس منسي: آه بـ
العميل: لا أنا مش هعمل حاجة بـ 15000 جنيه ولا حاجة
المهندس منسي: آه يبقى مش تبعنا، إحنا سياسة شركتنا كده
العميل: ماشي يا فندم أشوف اللي عندك إيه المتاح…
المهندس منسي: معندناش خالص كل الشغل اللي عندنا لحساب الغير، عشان خاطر العبوة بتاعتك بتبقى بتاعتك محدش يعمل زيها، لأن إحنا بنشتغل مع شركات كبيرة، شركات إنترناشيونال يعني
العميل: تمام… تمام… دي الطريقة الوحيدة اللي ينفع أشتغل بيها
المهندس منسي: طبيعي ما هو إحنا أساسنا عبوات دوائية، فإحنا بنصنع العبوات ديت لمصانع الأدوية
العميل: آه… طيب تمام يا فندم خلاص ماشي متشكر جداً لذوق حضرتك
المهندس منسي: مع السلامة
العميل: مع السلامة..
