عبوات مستحضرات تجميل من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: ألاقي عن حضرتكم عبوات تنفع لمستحضرات تجميل
المهندس منسي: آه… إحنا بنصنع العبوات بالطلب حسب الشكل اللي عايزه العميل، يعني مثلاً لما نيجي نقول مثلاً ماركة دوف أو سباركل ولا.. ولا… ينفع نصنع العبوة ليها ولأي حد؟؟؟
العميل: لا طبعاً
المهندس منسي: إحنا بنصنع كده، العبوة اللي تعجبك بتيجي نتفق مع بعض نعملك الاسطمبة، وبناء على الاسطمبة بنفذ العبوة
العميل: تمام.. طيب هوه أنا بعمل منتج مستحضرات تجميل ولسه في البداية، فأنا مش هحتاج كميات كبيرة في البداية، يعني هحتاج ألف ـ ألفين
المهندس منسي: آه
العميل: فموضوع الاسطمبة ده هيكلفني كتير
المهندس منسي: آه ما هو للأسف إحنا شغالين على كده
العميل: يعني مافيش مثلاً عند حضرتك كتالوج في أشكال معينة ممكن أختار منه حاجة؟
المهندس منسي: كل أشكال العالم نقدر نصنعها، واخد بال حضرتك ولكن هوه….
العميل: بس مافيش حاجة متوفرة للبيع إن أنا أختار شكل مثلاً وآخد منك الكمية…
المهندس منسي: ما هوه ما ينفعش بالنسبة لنا ما ينفعش، إحنا شركة كبيرة ما نقدرش تيجي شركة عندنا تروح شاكيانا تقول إنتم بتعملوا الشكل بتاعي، بالنسبة لنا نخاف على نفسنا يعني
العميل: تمام… تمام.. طيب هوه الاسطمبة بتكلف كام يا باشا؟
المهندس منسي: في حدود
العميل: آه.. تمام، طيب شكراً جزيلاً يا باشا… السلام عليكم
المهندس منسي: عليكم السلام ورحمة الله وبركاته
