عبوات مستحضرات تجميل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: السلام عليكم

المهندس منسى: أيوه عليكم السلام ورحمة الله وبركاته

العميل: سامعني حضرتك

المهندس منسى: أيوه

العميل: كنت محتاجة أستفسر عن عبوات مستحضرات تجميل

المهندس منسى: الكمية اللي إنتي عايزها أد إيه؟

العميل: هوه في حد أدنى للكميات، أقل كمية ممكن آخدها أد إيه؟

المهندس منسى: أقل كمية 25000، أقل من كده بتصنعي الاسطمبة لحسابك

العميل: طيب بتبقى متكلفة أد إيه لو عبوة 100 مللي

المهندس منسى: عملية التكلفة ديت هتبقى بناء على العبوة اللي إنتي هتختاريها، حضرتك هتشرفينا….

العميل: الصوت مش واضح

المهندس منسى: آه عشان أنا مسافر بره بس، حضرتك هتشرفينا بالزيارة ومعاكي العبوة اللي إنتي عايزه تنفذيها أو معاكي صورة ليها، هنبدأ نحسبها لك بصورة تقريبية السعر هيطلع كام

العميل: مافيش ممكن آخد عبوة عدد معين من العبوات اللي موجودة عندك؟

المهندس منسى: لأ هوه إحنا ماعندناش عبوات بنبيعها، إحنا عندنا عبوات بتصنعها للغير عشان عملية الضرب دي

العميل: آه… بالضبط

المهندس منسى: فحماية للعملاء إن أنا بصنع بس للغير، إنما ما أصنعش وأبيع، يعني إنتي مثلاً دلوقتي محتاجة عبوة كريم ماركة، ينفع إن أديلك عبوة وأدي لأي حد نفس العبوة؟؟ ما هو في الآخر هيضربك، ما هو ده ضرب منتجات ده

العميل: هي الفكرة نفسها إن أنا محتاجة مثلاً ألف عبوة، فهل ده متاح…

المهندس منسى: لا غير متاح عندنا، إحنا بنخدم المجال الصناعي، أما مجال الهواة مش تبعنا ولا أعرف مين اللي بنفذه

العميل: تمام.. مرسي جداً جداً