عينات ازايز بلاستيك للعصائر من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : لو سمحت مكتب المهندس للبلاستيك

المهندس منسي : أيوه

العميل : أيوه يا فندم حضرتك معاك علي كنت أخدت رقم الواتس من على موقع من على النت

المهندس منسي : آه اتفضل

العميل : كنت حابب أسأل لو في أزايز بلاستيك عند حضرتك 200 أو 300 مللي

المهندس منسي : حضرتك هتستخدمه في إيه؟

العميل : هتتعبى فيها عصير زي اللوليتا كده

المهندس منسي : بص حضرتك إحنا عندنا اسطمبات حضرتك هتيجي تبص على الاسطمبات وتختار الشكل اللي إنت عايزه ده هيبقى بتاع حضرتك مدى الحياة

العميل : تمام.. تمام

المهندس منسي : لأن إحنا سياسة خصوصية العميل، يعني مش المفروض إن أنا أعمل منتج أعمل عبوة وبعد كده… مثلاً لما تيجي تشوف عبوة ياهوو أو يس أو كده، فتبص تلاقي ممييزين نفسها بالعبوة، ما ينفعش إن أنا أعمل عبوة لياهوو أو يس أو كده وبعد كده أبدأ أعملها لأمة لا إله إلا الله

العميل : يعني حضرتك بتعمل العبوات اللي هي بغطا بتاع بزازة صح؟ أو العادية

المهندس منسي : العبوة دي لوحدها والغطا لوحده

العميل : آه.. آه.. مفهوم.. مفهوم، والمقاسات دي موجودة الـ 200 أو 300 مللي الأحجام دي موجودة؟

المهندس منسي : موجودة إن شاء الله

العميل : طيب تمام… طيب ممكن أستفسر حضرتك الأسعار بتبقى إيه؟ أو الطريقة إيه؟؟ والاسطمبة والتكلفة والكلام ده؟

المهندس منسي : ده بالكيلو.. يعني معناها إن إحنا بنوزن العبوات وهي فاضية الكيلوجرام بكام النهاردة، على حساب البورصة

العميل : أنا فاهم آه.. آه..

المهندس منسي : وبنضرب سعر العبوات بنضربه مصنعية 50% على سعر الخامة، يعني بناخد حوالي 50% من سعر الخامة

العميل : يعني مثلاً لو الخامة سعرها 1000 جنيه بتاخده 500 جنيه مصنعية غير حق الكيلو

المهندس منسي : آه… و  كمان لو ربنا ييسرلك في المصنع بتاعك واشتغل وتوكلت على الله والدنيا احلوت ساعتها هيبقى المصنع بتاعك، عادي نبنيلك المصنع من الإيه تو زد

العميل : مفهوم.. مفهوم.. طب الاسطمبة بتبقى تكلفتها عليا ولا على المصنع؟

المهندس منسي : بنشوف الكميات إيه؟ لو الكميات قليلة يبقى التكلفة علينا إحنا، لو الكميات كبيرة يبقى التكلفة علينا إحنا، لو الكميات قليلة يبقى التكلفة على معاليك

العميل : تمام زي الفل، طب معلش أنا آسف أنا ممكن أفهم من حضرتك الاسطمبة تتكلف كام؟ وممكن الكيلو يتكلف كام عليا؟

المهندس منسي : لو الاسطمبة اللي هي بضاعة حاضرة بتعمل، لو اسطمبة هنعملها لك بالطلب حسب الشكل المقدم من حضرتك ده يبقى بـ

العميل : تمام…