عينات برطمانات من شركة المهندس منسي
العميل : مساء الخير
المهندس منسي : مساء الخير يا فندم
العميل : شركة المهندس منسي
المهندس منسي : أيوه
العميل : أنطوان مع حضرتك يا باشا شركة أدوية بيطرية
المهندس منسي : أهلاً بيك
العميل : أنا جبت رقم حضرتك الواتس من النت..
المهندس منسي : أهلاً بحضرتك
العميل : بص يا باشا أنا كنت بتفرج على النت على المنتجات البلاستيك اللي إنتم بتعملوها والحاجات ديت اللي هي 250 جرام و 300 جرام والحاجات دي، تمام كده
المهندس منسي : آه
العميل : إنتم مصنع أصلاً ولا استيراد؟
المهندس منسي : لأ إحنا بالنسبة للعبوات مصنع
العميل : تمام
المهندس منسي : أما بالنسبة لباقي المنتجات في حاجات استيراد وفي حاجات تصنيع هنا
العميل : إنتم عندكم حاجات ألومنيا ولا كله بلاستيك؟
المهندس منسي : عندنا آه
العميل : طيب بص أنا يشرفني طبعاً إن أنا أتعامل مع حضرتك، بس أنا كنت بدور على حاجة معينة وإن شاء الله يبقى في شغل كتير بينا
المهندس منسي : إن شاء الله
العميل : تمام… إن شاء الله، أنا مبدئياً عايز عبوة تشيل 250 جرام، برطمان أبيض طويل كده بلاستيك أبيض يشيل 250 جرام
المهندس منسي : أيوه في عند حضرتك صورة ليه أو كده؟
العميل : أنا عايزك إنت تبعتلي حضرتك صور، يعني العينات…
المهندس منسي : إحنا نظام شركتنا بالنسبة للعبوات البلاستيكية بالذات غير الأكياس، بالنسبة للعبوات إحنا بنحاول بقدر الإمكان نعمل خصوصية للعميل، يعني حضرتك بنعملك العبوة من الإيه تو زد وبنحفرك اسمك عليها…
العميل : اسطمبة وكده يعني؟
المهندس منسي : أيوه
العميل : مافيش حاجة جاهزة، اسطمبة جاهزة عند حضرتك…
المهندس منسي : ما هي عملية جاهزة يا دكتور ما هو في الآخر أي حد يروح يشتري 200 عبوة ويضربلك منتجك، طب ده ينفع يا جماعة، السياسة العالمية بتقول إن أنا أنزل أدفع الأول زيادة شويه بس في الآخر ابني باسمي، مش ابني بقى عوام للدنيا كلها
العميل : طب بص حضرتك أنا هصورلك دلوقتي عبوة بس هي 200 جرام، أنا عايزها نفس الشكل تشيل أكبر شويه منها، تمام، وقولي حضرتك مثلاً الـ 5000 منها تكلفتهم أد إيه
المهندس منسي : ماشي حاضر
العميل : خلاص، هصورلك.. وهبعتها هنا في واتس آب؟
المهندس منسي : آه
العميل : إن شاء الله هيبقى في تعامل بينا هيبقى في… أنا ماسك الدعاية والإعلان هنا، ماسك المطبوعات…
المهندس منسي : هوه عموماً إحنا عندنا بالنسبة للأكياس والخامات عندنا كل أنواع الأكياس وكل أنواع الخامات بدون استثناء، عندنا الفور ليار والفايف ليار والسكس ليار…
العميل : اللي هوه الألومنيوم فويل بتطبع عليه…
المهندس منسي : آه.. آه.. بنطبع بأحدث أنواع الطباعة الروتوجرافيك
العميل : تمام.. تمام… عندك طباعة روتو؟
المهندس منسي : إن شاء الله
العميل : بص حضرتك أنا مبدئياً الحاجة اللي إحنا محتاجينها دلوقتي هبعت لحضرتك البرطمان حاجة زيه الـ 5000 يعملوا كام، لو كده هاجي آخد مع حضرتك… أشوف عينات منه يعني
المهندس منسي : إن شاء الله
العميل : ماشي يا باشا
المهندس منسي : ماشي يا غالي
العميل : شكراً جزيلاً، مع السلامة
