عينات اسطمبات عبوات تعبئة زيوت الشعر مقدمة من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : أم تو باك

المهندس منسي : أيوه

العميل : من فضلك أنا بعتلكم دلوقتي إيميل كان عندي استفسار على عبوة معينة كنت عايزه أعرف ينفع تعملوها لنا ولا لأ؟

المهندس منسي : هوه أي عبوة أياً كانت إن شاء الله قادرين عليها نقدر نعملها

العميل : طيب تمام.. أنا بعتها على الإيميل دلوقتي

المهندس منسي : بس هوه إحنا بنعتمد على الخصوصية، يعني إذا كنتم إنتم شركة وعايزين تميزوا منتجكم هوه ده تبعنا، أما بالنسبة إن إحنا ننتج عبوات ونبيع فيها دي مش تبعنا

العميل : لأ إحنا مشروع بنعمله جديد وهنعمل حاجات متخصصة لينا فعلاً، الاستفسار التاني هتقدروا تطبعولنا عليه حاجة، يعني لو أنا جبتلكم اللوجو بتاعنا هيطبع عليه ولا لأ؟

المهندس منسي : يطبع على العبوة؟

العميل : آه

المهندس منسي : هوه في أنواع من الطباعة، ممكن تطبعي على العبوة دايركت، وممكن تطبعي على سليف سفت شرينك وتحطي على العبوة… في أنواع كتير، في ليبول

العميل : بالضبط آه، أنا الحقيقة لسه مش فاهمه قوي في الحتة ديت، فكنت عايزه أعرف إيه إمكانية إنكم تعملوا العبوة اللي أنا بعتها لكم، والأسعار إيه والكميات إيه والحاجات دي، بيبقى على حسب المنتج ولا…

المهندس منسي : آه إحنا بنعمل الاسطمبة الأول بتاعت العبوة، الاسطمبة دي بتتكلف ، بناء عليها نبدأ نحسب…

العميل : 1200 إيه؟

المهندس منسي : أو ما يعادله بالجنيه المصري

العميل : ده ليه كده؟ ليه بتتعاملوا بالدلار يعني؟ تستوردوها من بره

المهندس منسي : مش بنتعامل بنسمي بس بال

العميل : أنا ما هو أنا فاهمه، بس إنتم بتعملوا في مصر ولا بره يعني؟

المهندس منسي : لأ بره مصر

العميل : آه… تمام أوكيه، وبعدين

المهندس منسي : بعد كده العبوات نفسها توزنيها وهي فاضية وتضربي الجرام × 4 قروش

العميل : طب وحضرتك تقدر مثلاً تقولي تقريباً… هي مثلاً هتبقى 100 مللي مثلاً

المهندس منسي : لأ ما هو إنت كده… وزنها وهي فاضية كام؟

العميل : آه أنا ما أعرفش، العلبة على حسب ما إنتم تصنعوها

المهندس منسي : ما هو بصي يا ستي، الـ 100 مللي ديت ممكن أعملهالك 16 جرام، وممكن أعملك نفس العلبة الـ 100 مللي ديت وزن مثلاً 60 جرام

العميل : على حسب هي هتستحمل إيه صح؟

المهندس منسي : أيوه، إنت مش أوقات تمسكي العلبة تدوسي عليها بإيدك كده تلاقيها ضعيفة؟

العميل : مضبوط صح

المهندس منسي : يعني إنت مثلاً عايزه علبة الدوا زي إزازة الزيت

العميل : لأ

المهندس منسي : ديت هتختلف عن دي، إزازة الزيت بيعملك حاجة خفيفة جداً عشان يوفر في التكلفة، أما بالنسبة لأزازة دوا الكحة تلاقيه ماسك نفسه شويه، طب لو الإزازة نفسها عايزة تقولي لأ الحاجة ديت قوية قوي زي مثلاً فيتمينز والحاجات دي تقومي تعملي إيه؟؟ نشدلك العبوة شويه

العميل : مفهوم… هوه المنتج اللي هيتحط فيها هيبقى زيوت

المهندس منسي : زيوت عطرية مثلاً

العميل : لأ زيوت مجمعة كده للشعر

المهندس منسي : آه.. خلي بالك إن في أنواع من الزيوت بتأثر على العبوات، لازملها عبوات قوية، وبتأثر على الطباعة وبتأثر على…

العميل : خلينا في الأحسن يعني، لو زي ما بتقول 60 جرام مضبوط

المهندس منسي : لأ 60 جرام في الـ 100مللي ده حاجة كده للي بيعملوها مثلاً الكيماويات يعني

العميل : آه…

المهندس منسي : يعني الكيماويات اللي هي الهيفي بيوتي اللي بتخترق البلاستيك نفسه

العميل : آه.. لأ هي مش هتبقى بتخترق البلاستيك، طيب إحنا محتاجين حاجة متوسطة ما تبقاش ثقيلة قوي مضبوط؟

المهندس منسي : آه ماشي

العميل : أوكيه، والكميات بتبقى أد إيه يعني ميني مام كام؟

براحتك، اسطمبتك، مش إنت اللي عامله الاسطمبة؟ براحتك تقدري تنفذي عليها أي كمية إنت عايزها

العميل : حتى لو كمية قليلة وبعدين لما الدنيا تتضبط أروح أعمل…

المهندس منسي : ما هو دي اسطمبتك، إمتى أفرض عليكي كمية؟؟ لما تكون مش اسطمبتك

العميل : آه.. آه..

المهندس منسي : أقولك آه والله أقل كمية عندي كذا

العميل : مضبوط طب إنت عندك اسطمبات جاهزة أصلاً أكيد صح، يعني حاجات إنت عملتها قبل كده

المهندس منسي : لأ هوه سياستنا إحنا ما بنعملش اسطمبات… آه عندنا اسطمبات للغير مش بتاعتنا

العميل : آه ما ينفعش تصنعوا عليها صح؟

المهندس منسي : آه

العميل : طيب تمام أنا هشوف الدنيا… والطباعة بتبقى تكلفتها إيه…

المهندس منسي : في أنواع من الطباعة كتيرة قوي

العميل : لو أنا عايزة أطبع على الحاجة نفسها مش ليبول عليها نفسها

المهندس منسي : على العبوة نفسها

العميل : آه

المهندس منسي : مافيش مشكلة، نشوف شكل الطباعة إيه

العميل : وإنتم بتحسبوا ال بكام دلوقتي بقى؟

المهندس منسي : ال النهاردة بنحسبه بـ 14

العميل : طيب هوه مافيش فيها أي نزول الـ 1200 دول، أصل كتير قوي، ما تقللها لنا شويه، كتير علينا وإحنا لسه بنبتدي

المهندس منسي : أتمنى، صدقيني أتمنى

العميل : وبتاخد وقت أد إيه طيب؟

المهندس منسي : شهر، شهر و 5 أيام

العميل : تمام خلاص أوكيه، خلاص أنا هكلم حضرتك تاني على الواتس ده

المهندس منسي : ماشي

العميل : شكراً