عينات اكياس سلوفان من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس

المهندس منسي : أهلاً بيك مين معايا

العميل : الحاج فؤاد معاك يا باشا

المهندس منسي : أيوه اتفضل

العميل : أنا عايز كيس سلوفان طوله 12 سم وعرضه 8 سم، أو الدوران الداخلي بيبقى 8سم، بيبقى خرطوم.. اللي هوه بيستخدم في مكنات التعبئة دوت بس إحنا هنعبي يدوي، مش هنعبيها في مكن، اللي هوه السلوفان بتاع التعبئة دوت

المهندس منسي : عايز أد إيه

العميل : عايز 2 كيلو

المهندس منسي : الكيلو بيعمله أد إيه من الحجم ده، ما يبقاش تخين، سماكته ما تبقاش تقيله، الميكرون بتاعه ما يبقاش تقيل، ما يبقاش تقيل حاجة خفيفة يعني عشان التعبئة

المهندس منسي : الكيلو هيعمله في حدود 35 ـ 32

العميل : الكيلو بـ 32

المهندس منسي : آه.. خلي بالك في أنواع من السلوفان، أنا بتكلم كده على السلوفان الفيري اللي هو أعلى درجات النقاوة وما فيهوش ولا حاجة، في حاجة تانية الكيلو بـ 18، إنما أنا ما بعملش إلا اللي هوه الأوروبي اللي هوه أعلى حاجة، ده بيعمل في حدود 32 جنيه الكيلو

العميل : طب والـ 18 ده ما بتشتغلش فيه يعني لو احتجناه؟

المهندس منسي : لا ما بتشتغلش فيه مش تبعي

العميل : آه.. ماشي أنا فهمت.. فهمت.. التاني بيبقى غامق كده تحس إن هوه مش نقي

المهندس منسي : آه هتلاقي فيه تشحيرة خفيفة كده

العميل : آه.. آه.. تمام ده 32 حتى لو مطبوع

المهندس منسي : لأ لو هيطبع الوضع هيختلف، هيبقى الكيلو في حدود ، إحنا بنبطع روتوجرافيك أعلى أنواع الطباعة

العميل : آه.. آه فهمتك ماشي، يعني 32 ده اللي هوه سادة، ماشي، طب المقاس دوت يا باش مهندس على حد علمك يعني هيبقى عامل كام كيس في حدود كام كيس في الكيلو؟

المهندس منسي : إحنا عندنا أكتر من 3000 خامة، بعشان أفتكر كل مقاس طلع منه…يعني بتتكلم عشان أفتكر الـ 6000 نوع ولا الـ 60000 نوع دول واخد بالك ده يبقى إنت عايز موسوعة مش عايز المهندس منسي

العميل : لا طبعاً، صعب طبعاً، طبيعي يا باش مهندس.. طبيعي، طيب جميل، ووقت إنتاجهم ياخدوا أد إيه؟

المهندس منسي : في حدود أسبوع

العميل : ماشي.. ماشي.. تمام.. طيب يا باش مهندس أنا هاجي لحضرتك بقى عشان إن شاء الله نشوف الخامة نفسها، وسمك الميكرون نفسه عشان ما يبقاش تقيل ويعذبنا في التعبئة، وأدي لحضرتك بقى الفلوس عشان ننتج إن شاء الله

المهندس منسي : ييسر ربنا، أنا هبعت لحضرتك العنوان دلوقتي في رسالة هتلاقي في 3 تليفونات بتوع مبيعات كلم أي حد فيهم تتعامل معاه، لأن أنا استشاري الشركة

العميل : أنا معايا العنوان ومعايا التليفونات والدنيا كلها

المهندس منسي : آه.. أنا استشاري الشركة مش أنا اللي هنفذ مع حضرتك

العميل : ما أنا عارف مادام حضرتك المهندس منسي بقى، ماشي يا باش مهندس، أنا حاتم بتاع ألمانيا يا باش مهندس

المهندس منسي : حبيبي الغالي إزيك يا غالي

العميل : ما أنا سايبك تقول تديهوملي وش كده عشان دي في الآخر أقولك أنا مين

المهندس منسي : معلش يا باشا معلش

العميل : ولا يهمك يا باش مهندس، لا.. لا مافيش أي مشكلة ربنا يبارك لك يا رب، ماشي يا حبيبي، سلام عليكم

المهندس منسي : مع السلامة