عينات اكياس بن من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : باش مهندس إيه أخبارك

المهندس منسي : الحمد لله

العميل : شركة المهندس منسي صح كده

المهندس منسي : أيوه  اتفضل

العميل : ربنا يخليك يا فندم، بقول لحضرتك يا فندم أنا كنت عايز أستفسر من حضرتك على حاجة أولاً أنا معاك دعاء أحمد تخليص جمركي وبستورد بن لحسابي من بره ثانية واحدة يا فندم

المهندس منسي : اتفضل أنا معاك

العميل : أيوه يا فندم، بقولك إحنا بنستورد شغل بن من بره بس بنجيبه في شكاير، عايزين نصنع كيس لحسابنا بس يكون كيس سيمون

المهندس منسي : آه…

العميل : تكلفته هتمشي إزاي مبدئياً لغاية ما نيجي نقعد

المهندس منسي : التكلفة هتبقى بناء على الكمية المطلوبة والديزاين والخامة المطلوبة، والمواصفات المطلوبة، فده هيبقى صعب…

العميل : الورق الألومنيا، أنا هقولك المواصفات، الورق الألومنيا إحنا عاملين كيس اسبرسو كده مرسوم عليه البن وشكل البن نفسه، والنص اللي فوق فيه اللوجو بتاعنا ألومنيوم، وفي الصمام بتاع التهوية، عبوة كيلو، أنا بتكلم في إيه، أنا بتكلم النهاردة أقل حاجة هعملهالك مثلاً ألف ألفين، أنا معرفش طبعاً حاجة، أد الكمية اللي حضرتك هتقولي عليها مثلاً

المهندس منسي : إحنا عندنا باكتج بنشتغل عليها، في ربع طن أقل كمية، في نص طن اللي بعديها، في طن، في 2 طن، فهيبقى صعب عليا إن أقعد أقولك الربع الطن من مواصفة كذا ….

العميل : طيب حلو، إنت كده جيبتلي الإفادة

المهندس منسي : اتفضل

العميل : أنا لسه مدخل 700 كيلو، يعني تقريباً كده طن إلا ربع،

المهندس منسي : ماشي

العميل : أنا بس هجس بيه السوق، لكن أنا المرحلة اللي جايه هدخل 10 طن، يعني دول هيتوزعوا عينات، والمرحلة اللي جايه هجيب 10 طن مرة واحدة، فأنا بحسب تكلفتي مثلاً النهاردة الـ 700 كيلو دول النهاردة يكلفوني إيه مثلاً تقريباً، أنا مش هخودها بالمنطق، كلمة كلمة، تقريباً.. مثلاً من 3 ـ 4

المهندس منسي : أنا معرفش بالكيلو، أنا اللي أعرفه إني أنا هدي لحضرتك ربع طن، فحضرتك مشكوراً تيجي تشرفنا أو ابعت حد من عند حضرتك معاه الكيس اللي إنت عايز تعمل زيه، وإن شاء الله يقدرولك التكلفة بتاعته

العميل : أنا في إسكندرية موجود

المهندس منسي : خلاص ابعت حد من عندك أو ابعت الكيس نفسه اللي حضرتك عايز تعمل زيه…

العميل : تمام.. تمام…

المهندس منسي : أستأذنك معايا ميتينج نص ساعة بالضبط وارجع كلمني

العميل : طيب يا فندم خلاص…