عينات شكائر من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إيه يا باش مهندس
المهندس منسي : أهلاً بيك
العميل : شركة المهندس منسي
المهندس منسي : أيوه
العميل : طيب ماشي يا باشا، أنا تبع د/ أسامة بتاع إسكندرية اللي كنت خدت منكم المكن
المهندس منسي : كنت خدت إيه؟
العميل : كنت جيت خدت منكم مكنة اللي بتبرشم الأزايز زيت، تبع مصنع فيتا فارم
المهندس منسي : آه
العميل : د/ أسامة، د/ أسامة بيقولي عند الباش مهندس شكاير بيضا لميع
المهندس منسي : آه
العميل : شكاير متخيطة من تحت بتيجي من العاشر من رمضان أو حاجة زي كده
المهندس منسي : آه
العميل : عايزين منها
المهندس منسي : آه إحنا عندنا الخامة اللي بتعمل الشكاير آه
العميل : اللي بتعمل الشكاير ولا بتعملوها إنتم؟
المهندس منسي : عادي نقدر نعملها لك مافيش مشكلة
العميل : طب أنا مصور الشيكارة على الموبايل
المهندس منسي : طب ابعتهالي على الواتس دلوقتي
العميل : على الواتس آب دوت
المهندس منسي : آه
العميل : طيب هوه اللي عندكم الفرخ اللي بتعمل منه الشيكارة
المهندس منسي : عندنا الـ 2، عندنا نقدر نعملها لك، ونقدر نعملك الشيكارة نفسها، وعندنا الخامة لو إنت عايز تاخدها، ولو عايز تعمل الشيكارة نفسها نقدر نعملها لك
العميل : ماشي يا باشا، ماشي أوكيه
المهندس منسي : لو عايز تعملها إنت بنفسك، نعرفك إزاي تعملها إنت بنفسك، نديلك المكنة ونعرفك تعملها إزاي إنت بنفسك
العميل : طب ولو عزناها مقفولة زي بتاعت الأسمنت ممكن سيادتك تعملها؟
المهندس منسي : إن شاء الله
العميل : طيب هوه المكتب بتاع سيادتك اللي هوه قصاد المدرسة
المهندس منسي : آه ورا رياسة الحي، أول شارع المنسي آه لما تيجي إن شاء الله هيبقى خير، تعالى اتفرج عليها وبعد كده ربنا يسهل
العميل : ما أقصدش مش هوه المكتب اللي هوه تنزل من كوبري غمرة
المهندس منسي : ما هوه اللي في باب الشعرية ده مكتبين، إحنا في أول الشارع خالص، شارع المنسي
العميل : آه أول الشارع اللي أنا كنت داخله عند المدرسة
المهندس منسي : آه
العميل : طب ماشي يا باش مهندس، وممكن أبعتلك الشيكارة على الواتس آب بتاعك
المهندس منسي : ماشي يا غالي
العميل : ماشي يا باشا
المهندس منسي : مع السلامة
