عينات خامات واكياس منظفات سائلة من شركة المهندس منسي

العميل : سلام عليكم

المهندس منسي : عليكم السلام

العميل : أنا يا فندم عصام اللي بكلمك عشان الكلوريكس

المهندس منسي : عشان إيه؟

العميل : عشان كيس الكلور

المهندس منسي : آه عايز الخامة بتاعت كيس الكلور؟

العميل : آه

المهندس منسي : آه مافيش مشكلة

العميل : الخامة موجودة بإذن الله؟

المهندس منسي : آه

العميل : طيب المواصفات كام 120 ولا 140

المهندس منسي : لا ده إحنا هنعملهولك بالطلب

العميل : تمام… تمام.. أنا عايز 140 إن شاء الله

المهندس منسي : بص هوه إحنا بنعمل بناء على طلب العميل، إنت شوف حضرتك عايز إيه وإحنا الخامات بتاعتنا موجودة بضاعة حاضرة، كل العملية إن إحنا هندخلها على بعضها بس مافيش أكتر من كده

العميل : لكن طباعة لأ، رولات بس؟

المهندس منسي : لأ إزاي مين اللي قال الطباعة لأ، ده إحنا أساسي في الطباعة في مصر، ده إحنا أعلى جودة طباعة عندنا، أعلى طباعة في العالم مش في مصر بس، وأرخص سلندرات طباعة عندنا في العالم

العميل : وإحنا نشتغل مع حضرتكم

المهندس منسي : ماشي يا غالي

العميل : أنا بسم الله الرحمن الرحيم، الطن بكام يا باش مهندس، تقريباً كده إن شاء الله؟

المهندس منسي : للكيلو

العميل : كوبر أرخص بكتير

المهندس منسي : كوبر بتبيع بكام؟

العميل :  4

المهندس منسي : ؟؟

العميل : تصدير ومحلي 60 جنيه

المهندس منسي : للكيلو؟

العميل : آه

المهندس منسي : طب هوه السلندر عاملهولك بكام؟

العميل : سلندر ما أعرفش بس تقريباً بـ 3.5

المهندس منسي : إحنا بـ 100 صدقني مفيش أرخص مني، لازم هتلاقي أرخص سعر عندي أنا بس

العميل : أنا لسه واخد فلوسي من عندي، يعني معايا الشيك فبيحولولي فلوس فسحبتها تاني يعني

المهندس منسي : ليه؟؟

العميل : متفقين على 42 جيت فقالي الشغل غلي بقى بـ 60 قلتله لأ مش هطبع

المهندس منسي : آه… طب ما هو السعر ده أغلى

العميل : الأول قالي 38 قلته ماشي.. قالي 42 قلتله ماشي.. جيه قالي 60 في أسبوع، 4 أيام، قلت لأ مش هطبع وأخدت الشيك إمبارح واستلمته النهاردة، سلام عليكم يعني، بس صعب جداً يعني

المهندس منسي : بس نشوف الكميات اللي حضرتك محتاجها إيه لأنه ممكن لو الكمية بتاعتك عالية ممكن السعر ينزل يعني، وورينا التصميم، وتعالى نقي الخامة، واخد بالك، لأن في خامات…

العميل : لأ الخامة هي خامة كلوريكس أنا مش هغير الخامة، لأني معنديش أنا مش فني قوي في الخامة يعني، فأنا بتبع اسألوا أهل الذكر إن كنتم لا تعلمون

المهندس منسي : آه… المشكلة إن الخامة بتاعتك من أصعب الخامات

العميل : أنا عارف إنها صعبة بس السعر يعني

المهندس منسي : طب صلي على النبي، في عندي خامة ستوك كويسة قوي شكلها… بس هي شفافة سعرها في الأرض

العميل : لأ لازم من جوه بلاك

المهندس منسي : ما هو أنا فاهم آه إن الخامة بتاعتك لازم تكون بلاك عشان الهيدروليك ما يتفاعلش لأنه يتفاعل مع الضوء آه، وبيكسر الألوان، يعني لو حطيتوه… بيعكس الألوان وبيكسرها، ده مشكلته مشكلة

العميل : آه طبعاً لو ما كنتش خامة كويسة مشاكل كتير قوي

المهندس منسي : على العموم شرفنا بالزيارة كده وإحنا هنبص على التصميم بتاعك وربنا يقدم اللي فيه الخير

العميل : ماشي يا باش مهندس إن شاء الله هحاول أجيلك بكرة بإذن الله

المهندس منسي : تيجي تنورني يا غالي

العميل : ماشي سلام عليكم