فرن شرينك لتغليف المنتجات من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزي حضرتك يا فندم

المهندس منسي : أهلاً بيك

العميل : مع حضرتك ياسر علي من بورسعيد

المهندس منسي : أهلاً بيك

العميل : أهلاً بسيادتك، أتشرف باش مهندس مين معايا؟

المهندس منسي : المهندس منسي

العميل : إزي حضرتك يا باش مهندس

المهندس منسي : الحمد لله

العميل : تسمح سيادتك أنا بسأل على مكنة الشرينك اللي بتغلف برشام، أنا بجمع أو بصنع شمع فلاتر المياه

المهندس منسي : آه

العميل : فكنت عايز المكنة اللي بتغلف الشمع ده أساساً، فقالولي إن أنا هلاقيها عند حضرتك، اسمها فرن شرينك أو….

المهندس منسي : آه موجودة آه عامه 430

العميل : إحنا بنسعر بال يا ريس؟

المهندس منسي : لأ هوه إحنا بنحط السعر بس بال عشان خاطر يبقى سعرنا ثابت بس، إنما إحنا بناخد بالمصري عادي، وبنحسب ال كمان على 12-12.5

العميل : طيب حضرتك هوه في أنواع منه ولا النوع ده بتاع شمع الفلاتر؟

المهندس منسي : آه هوه النوع ده اللي ينفع لشمع الفلاتر، هي عامة تنفع لكل الحاجات، ممكن تعمل عليها الشمع، ممكن تعمل عليها أطباق…

العميل : لأ هي إنت عارف حضرتك شمع الفلاتر يا باش مهندس؟

المهندس منسي : آه..

العميل : بيبقى اسطوانة مش مربع ولا مدور ولا حاجة

المهندس منسي : عرضه كام؟

العميل : لأ دي اسطوانة شبه فلتر المياه

المهندس منسي : القطر بتاعها كام؟

العميل : أقيسها لحضرتك وأحسبهالك

المهندس منسي : آه.. إنما هي عادي هي تشرنك الفلاتر، تشرنك الشمع عادي

العميل : طب في حاجة أقل من كده سيادتك ولا.. أنا شايف إن 430 ديت هتبقى غالية عليا شويه

المهندس منسي : أقل حاجة في العالم كله، لو مش مصدقك أخوك في العالم كله، إعمل بحث كده…

العميل : لأ أنا مصدق حضرتك وإلا ما كنتش اتصلت بسيادتك، لأ أنا عارف الشركة فاتصلت بسيادتك على طول يا ريس

المهندس منسي : الحمد لله

العميل : ماشي يا فندم تمام، دي موجودة ولا بنستوردها؟

المهندس منسي : لأ موجودة بضاعة حاضرة

العميل : ماشي يا ريس شكراً

المهندس منسي : مع السلامة