ماكينات الفاكيوم لشفط وتفريغ الهوا من الأكياس من شركة المهندس مسنى
العميل: سلام عليكم
المهندس منسى: عليكم السلام ورحمة الله وبركاته
العميل: شركة المهندس منسي
المهندس منسى: أيوه
العميل: والله عايز أسأل على مكنة الفاكيوم بتاعت شفط وتفريغ الهوا من الأكياس
المهندس منسى: آه… اتفضل
العميل: كنت عايز أعرف مواصفتها أبعادها من جوه، صناعة إيه؟
المهندس منسى: هوه في عندنا نوعين، نوع غرفة واحدة، ونوع غرفتين، يعني مكنتين في قلب مكنة
العميل: آه
المهندس منسى: اللي هي الغرفة الواحدة ديت عامله حوالي ، يعني 6000 جنيه مصري، والغرفتين اللي هي ديت مكنتين في مكنة عامله يعني 15000 جنيه مصري، ده سعر ال النهاردة، ما إحنش عارفين بكره هيبقى فيه إيه
العميل: ده كده حضرتك حاسبه بـ 10
المهندس منسى: آه… بنفترض افتراضي يعني
العميل: ده هوه بـ 12 اليومين دول يا باش مهندس
المهندس منسى: والله يا سيدي كل ما بيعلى إحنا بنزعل، لسبب لأن إحنا مش من مصلحتنا إن ال يعلى لأن القوة الشرائية بتاعت الجنيه بتقل
العميل: آه…. طبعاً بيعمل كساد في السوق مافيش حركة ومافيش شغل…
المهندس منسى: أنا يسعدني لو كان ال بجنيه، وأبيعلك المكنة ، هلاقي حركة بيع أعلى، بس كل ما بيطلع كل ما إحنا بنزعل، الناس متوقعة العكس
العميل: آه…
المهندس منسى: ولكن لأ هوه القوة الشرائية بتقل، الفرد بيلاقي في إيده فلوس مش عارف يجيب حاجة، وإحنا طبعاً بنتأثر لأنه مش هنعرف نبيع، حجم مبيعاتنا بتقل
العميل: آه ما المبيعات بتقل طبعاً
المهندس منسى: آه.. هنضطر نعمل إيه؟؟؟ هنضطر نشوف بلد تانية، ما هوه الكفاحتي، اللي هوه عايز يكافح لو ضاقت بيه السبل في بلد هيطلع على غيرها، لأنه هوه دماغه مليانه نمل، دماغه عماله بتاكله، مش هيبطل حركة فهمتني إزاي
العميل: آه…
المهندس منسى: مين اللي هيتأثر بقى؟؟ البلد هي اللي هتتأثر لأنه التنمية فيها هتقل
العميل: آه طبعاً
المهندس منسى: فالناس للأسف متوقعة العكس، متوقعة إن هوه لما إحنا ما نبيعش معناه إن إحنا هنضطر نبيع، طب ما هنضطر ليه، ما ننقل بلد تانية ولا حاجة،يعني هوه تلاقي في الفترة الأخرانية تروح تشتري حاجة يقولك ما بقتش بتيجي، ما بقتش بتيجي، ليه؟؟؟
العميل: آه.. آه.. أنا مش عايز أقول لحضرتك إن نفس القصة دي موضوع قطع غيار العربيات و…
المهندس منسى: آه يقولك ما بقتش بتيجي، ما بقتش تبيجي ليه؟؟؟ القوة الشرائية للجنيه قلت حجم المبيعات بالنسبة للمنتج أقل، فيضطر اللي بيصنع الحاجة أو اللي بيستورد الحاجة ما بيجبهاش لأنه هيجبها ويبيعها لمين؟؟؟!!!
العميل: أكيد… طبعاً
المهندس منسى: واخد بالك، بالنهاردة لما بيجي يقول حجم مبيعاتي من المنتج ده 50 آه أجيبه، طب حجم مبيعاتي 30 ماشي أجيبه مافيش مشكلة، طب لو نزل حجم مبيعاتي لـ 5 طب أنا هجيبه أعمل بيه إيه؟؟ أجيبه وأروح أأكل العيال إيه
العميل: أيوه يا فندم مع حضرتك، أنا كنت بسأل يا باش مهندس المكنة ديت صناعة إيه؟
المهندس منسى: بص هي عملية صناعة إيه ديت إحنا مظلومين فيها لسبب بسيط، لأن إحنا مش تجار إحنا مصنعين، معناها إيه ماركتنا هي اللي بتتحرك، يعني إحنا براند نيم، حضرتك دلوقتي لما تشوف التليفون السامسونج أو الكمبيوتر مثلاً ما إنت بتلاقيه كله أو أغلب قطع الغيار فيه صيني، ولكن اسم الشركة بتاعته هوه اللي إنت بتاخد بيها
العميل: آه بالضبط
المهندس منسى: فإنت النهاردة بتسأل على اسم شركة المهندس منسي لأنه إحنا اللي مصممين ومصنعين قطع الغيار في وات إيفر، أياً كانت البلد، يعني مثلاً ممكن نكون مصنعين أجزاء في الصين، وممكن نكون جايبين كارتات من اليابان، وممكن نكون جايبين مواتير من…. ممكن، ولكن مش معناه فرض علينا
العميل: آه…
المهندس منسى: لأنه في الآخر إحنا بنصنع لحسابنا بمواصفاتنا إحنا، هوه الحديد في جمهورية مصر العربية يختلف عن الحديد في ألمانيا، يختلف عن الحديد في إيطاليا، يختلف عن الحديد في أسبانيا، يختلف عن الحديد في الصين؟؟؟
العميل: لأ طبعاً
المهندس منسى: هوه يختلف في حاجة واحدة بس، في إن التاجر اللي بيجيبه مش فاهم يعني إيه حديد
العميل: آه يجيب حاجة تانية غير الحديد
المهندس منسى: ما هوه أنا جايلك أهوه، مش فاهم يعني إيه حديد، فيديهم مواصفة حديد تكسب معاه، إنما إحنا فاهمين يعني إيه حديد، فاهمين يعني إيه قطعة غيار، فاهمين يعني إيه كارته، فلما نيجي نشتري من أياً كانت البلد، بنشتري الأول المواصفة الفنية، وبعد كده بنبدأ نيجب المواصفة المالية، أما لو إحنا تجار بندور على المواصفة المالية بس
العميل: آه… طيب ماشي
المهندس منسى: برده اتأكد برده من ماركة المهندس منسي، اكتب على النت ماركة المهندس منسي شوف إيه وظروفها وشوف إحنا إيه قوتنا كده يعني
العميل: أنا أصلاً جايب العنوان من على النت واخد بالك
المهندس منسى: آه…
العميل: دخلت على الويب سايد بتاعكم وشايف الحاجة قصادي، فجايبها من على النت، فكنت عايز أقول لحضرتك.. طيب يعني ديت تعتبر مكونات مختلفة يعني…
المهندس منسى: آه…
العميل: هى بتبقى تصنيع محلي
المهندس منسى: آه في الآخر هي ماركة، التصنيع المحلي فيها يكاد يكون…. فالتصنيع المحلي يكاد يكون 30 ـ 35% ولكن الفكر والتصميم والضمان محلي
العميل: آه ده حاجة بقت على مستوى العالم، يعني أحسن موبايل في العالم الآي فون ما هوه بيتعمل في الصين
المهندس منسى: أيوه.. آه…
العميل: طيب بالنسبة للضمان؟
المهندس منسى: ضمان لمدة سنة ضد عيوب الصناعة، و5 سنين توفير قطع الغيار لحساب العميل
العميل: طيب بالنسبة للوحدة اللي هي غرفة واحدة وغرفتين أبعادها من جوه إيه؟
المهندس منسى: بص يا سيدي إنت اكتب 601 ماركة المهندس منسي واخد بالك، و603 ماركة المهندس منسي، اعمل سيرش بيهم هتخش على طول، هتلاقي المواصفات كلها قدامك، أنا ممكن قديلك مواصفة خطأ وكده يعني
العميل: خلاص أوكيه يا باشا، تمام…
المهندس منسى: ولو كتبت ماركة المهندس منسي بس هيطلعلك الـ 40 مكنة اللي إحنا بننتجها، بحيث إن إنت تشوف الـ 40 مكنة اللي بيشيلوا اسمنا إيه
العميل: تمام… أنا لما فتحت الويب سايد لما فتحته كده بمكن فاكيوم بشكل عام، جابلي الحاجات اللي عند حضرتك بس ملهاش توصيف يعني
المهندس منسى: آه.. لأ اكتب ماركة المهندس منسي هتلاقي المواصفات، ولو كتبت بدقة أكتر اللي هي 601 ماركة المهندس منسي هيدخلك على صفحة المكنة على طول
العميل: آه.. خلاص ماشي يا باش مهندس، أشوفها كده وأكلم حضرتك
المهندس منسى: ماشي يا غالي
العميل: ماشي يا فندم شكراً
المهندس منسى: مع السلامة
