ماكينات تعبئة العصير البست النص اتوماتيك من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : كنت بستفسر عن مكنة العصير البست على النت وظهرلي الرقم دوت، وبفكر في الموضوع دوت وعايز المكنة، بس عايز أعرف سعر التغليف وأعرف الدنيا فيها إيه وكده

المهندس منسي : إن شاء الله

العميل : هوه في واحد بيقولي أسعار بس أنا دخلت على النت وكده عاوز أعرف سعرها اللي بيقولهولي كذب ولا حقيقي

المهندس منسي : هوه هعتبي عصير بست في إيه؟؟ عبوات ولا أكياس؟

العميل : عاوز أعرف مكنة العصير بتاعت البست

المهندس منسي : عايز تعبي في عبوات ولا أكياس؟

العميل : لا أكياس اللي هي في المحلات الصغيرة اللي مكتوب عليها 900 مللي….

المهندس منسي : في نص أتوماتيك وفي أتوماتيك

العميل : الأتوماتيك وإيه؟؟؟

المهندس منسي : في نص أتوماتيك وفي أتوماتيك

العميل : طب دي سعرها إيه ودي سعرها إيه؟

المهندس منسي : النص أتوماتيك بتبدأ من

العميل : لا أنا عاوز بالمصري

المهندس منسي : لا إمسك بقى السعر دوت وضربه × 18 جنيه سعر النهاردة لا بص حضرتك شرفنا بالزيارة لأن حضرتك تقريباً مش عارف مكن العصاير إيه ولا تعبئة العصاير، فحضرتك شرفنا بالزيارة المكن كله بضاعة حاضرة، هنفرجك على المكن ونقولك على السعر وإنت قاعد أما سعر كده هقولك كده هيبقى صعب عليا

العميل : طب يعني في حدود كام يعني؟

المهندس منسي : لا عملية في حدود كام حضرتك ما تعرفش المكن، فأنا هقولك المكنة كذا، فإنت دلوقتي بدور على اللي بيتكلم أحسن، مش اللي بينتج أحسن أنا ما بعرفش أتكلم، أنا بعرف أنتج، إحنا عندنا مكن درجة أولى، حاجة محترمة جداً وحاجة راقية راقية يعني حضرتك شرفنا بالزيارة اتفرج على المكن وإن شاء الله خير، عجبك عجبك، ما عجبكش

العميل : طب بعد إذنك مع قطع كلامك، أنا لسه داخل في الشغلانة جديد وبدور على واحد يشاركني مش لاقي

المهندس منسي : ماهو عشان كده بقى حضرتك داخل في الشغلانة جديد حضرتك تيجي تنوني بالزيارة تتفرج على المكن، المكن بضاعة حاضرة، تتفرج على المكن هتلاقي كل حاجة قدامك وهتفهم المكن كويس قوي عشان تعرف الدنيا ماشية إزاي

العميل : طب بالنسبة لعيارات العصير وكلام من دي عندك خلفية عنها

المهندس منسي : آه طبعاً، نقدر نعمل الحاجات دي كلها

العميل : هوه كان في واحد هيخش معايا بس ما حصلش نصيب وجاب المصلحة لوحده فأنا ما أعرفش أي حاجة حتى العيارات وكده ما أخدش بالي منها

المهندس منسي : لا ما تشغلش بالك، مافيش عيارات ولا حاجة، ده كل العملية بتشتري جاهز وبتفكه بالمياه، في حاجة اسمها بالب ده بيتباع جاهز دلوقتي، البالب ده بتجيبه وبتزوده بالمياه بس مش أكتر من كده

العميل : ما هو أنا أسمع عن خزانات بيعمل 600 أو 300 كرتونة باين

المهندس منسي : عندنا.. عندنا خزانات وعندنا كل حاجة

العميل : آه وبيقولي دي ليها عيارات لو سم واحد أو جرام زيادة خلاص شكراً…

المهندس منسي : لا ده الكلام ده ولا الكلام الفاضي ده

العميل : لو جرام واحد سكر ولا جرام واحد عصير يبوظ الـ 600 كرتونة

المهندس منسي : يا عم سيبك من الكلام الفاضي ده كله، كل العملية إنك بتجيب العصير النهاردة جاهز، وبتفكه بالمياه، ما عدش حد بيخلط حاجة ولا حاجة هوه كله بيجيب النهاردة العصير جاهز بالب ويفكه بالمياه…إيه سم واحد زيادة… ده هوه بيكهربك بقى

العميل : آه طب بالنسبة للتوزيع بتوزع كده وبتاع ولا في مصانع بتاخد منك الكمية

المهندس منسي : آه أنا ما أعرفش في التوزيع، أنا أعرف في المكن اللي أنا بقدمه والخامة بس، بس ما أعرفش إنت هتوزع فين

العميل : طب طن الأكياس دي بكام؟

المهندس منسي : ما هو أنا مش هقولك أي أسعار

العميل : عشان هوه قايلي أسعار بس فكنت عايز أعرف الطن بس بعد إذنك يا هندسة…

المهندس منسي : حضرتك شرفني بالزيارة هتلاقي كل الأسعار وإنت واقف، حسسني بس إن العملية فيها جدية بس

العميل : خلاص ماشي تشرفنا يا باش مهندس، ماشي بإذن الله هشوف نفسي وإن كان كده ربنا يسهل

المهندس منسي : ماشي يا غالي

ألف شكر يا باشا

مع السلامة